Andinin-teny ao amin'ny Baiboly momba ny fitahiana

«»

• Hitahy anao anie Jehovah ka hiaro anao;
  Hampamirapiratra ny tavany aminao anie Jehovah ka hamindra fo aminao;
  Hanandratra ny tavany aminao anie Jehovah ka hanome anao fiadanana.
  Nomery 6:24-26fahasoavanafiadananafahazavana
• Hotahina izay olona matoky an'i Jehovah,
  dia izay manana an'i Jehovah ho tokiny.
  Fa ho toy ny hazo ambolena eo amoron-drano izy,
  izay mamaka eo anilan'ny rano mandeha,
  ka tsy hatahotra, na dia avy aza ny hainandro,
  sady ho maitso ny raviny,
  ka tsy hanahy izy, na dia mihantona aza ny andro,
  fa tsy hitsahatra ny famoany.
  Jeremia 17:7-8fahatokisanamamoa
• Hanome anao araka ny fonao anie
  Izy ary hahatanteraka ny fisainanao rehetra.
  Salamo 20:4fandrindranafo
• Ankino amin'i Jehovah ny asanao,
  Dia ho lavorary izay kasainao.
  Ohabolana 16:3fahatokisanafandrindranaasa
• Fa Izaho mahalala ny hevitra iheverako anareo, hoy Jehovah, dia hevitra hahatonga fiadanana, fa tsy loza, mba hanome anareo fanantenana ny amin'ny farany.
  Jeremia 29:11fandrindranafanantenanafampanantenana
• Fa Andriamanitro hahatanteraka izay rehetra tokony ho anareo araka ny hareny amin'ny voninahitra no amin'i Kristy Jesosy.
  Filipiana 4:19fahatokisanaJesosy
• Fa manompoa an'i Jehovah Andriamanitrareo, dia hitahy ny haninao sy ny ranonao Izy; ary hesoriko aminao ny aretina.
  Eksodosy 23:25fiankohofanaaretinafahasalamana
• Andramo ka izahao fa tsara Jehovah;
  sambatra izay olona mialoka aminy.
  Salamo 34:8Andriamanitrafitsaharana
• Tamin'ny nandidiako anao androany ho tia an'i Jehovah Andriamanitrao ka handeha amin'ny lalany ary hitandrina ny didiny sy ny lalàny ary ny fitsipiny, mba ho velona ianao ka hihamaro, ary mba hitahian'i Jehovah Andriamanitrao anao any amin'ny tany izay efa hidiranao holovana.
  Deotoronomia 30:16lalànafiainana
• Jehovah no Mpiandry ahy, tsy hanan-java-mahory aho,
  Mampandry ahy amin'ny ahi-maitso Izy;
  mitondra ahy eo amoron'ny rano fialan-tsasatra Izy.
  Salamo 23:1-2fitsaharanafiankinan-doha
• Izay mandinika ny teny no hahita soa;
  Ary izay matoky an'i Jehovah no ho sambatra.
  Ohabolana 16:20fahatokisanamihaino
• Misaora izay manenjika anareo; misaora, fa aza manozona.
  Romana 12:14fanenjehana
• Ary Andriamanitra mahay mampitombo ny fahasoavana rehetra aminareo, mba hanananareo ny onony rehetra mandrakariva amin'ny zavatra rehetra, ka hitombo amin'ny asa tsara rehetra.
  2 Korintiana 9:8ahiahyhatsaram-panàhyasa
• Akory re ny haben'ny zava-tsoanao voarakitrao
  ho an'ny matahotra Anao!
  dia izay nataonao teo anatrehan'ny zanak'olombelona
  ho an'izay mialoka aminao!
  Salamo 31:19fahatokisanatahotraizao tontolo izao
• Ho amin'ny fanahinareo anie ny fahasoavan'i Jesosy Kristy Tompontsika. Amena.
  Filemona 1:25fahasoavanaJesosy
• Kanefa hoy Izaho aminareo izay mihaino: Tiava ny fahavalonareo; manaova soa amin'izay mankahala anareo; misaora izay manozona anareo, ary mivavaha ho an'izay manisy ratsy anareo.
  Lioka 6:27-28fankatoavanafivavahana
• Ry malala, mangataka aho mba hambinina sy ho salama amin'ny zavatra rehetra anie ianao, tahaka izay anambinana ny fanahinao ihany.
  3 Jaona 1:2fivavahanaainaaretina
• Tsy mamaly ratsy ny ratsy, na fanaratsiana ny fanaratsiana; fa aoka hisaotra kosa, satria ho amin'izany no niantsoana anareo mba handova fitahiana.
  1 Petera 3:9lahatenyfiantsoana
• Ny fitahian'i Jehovah no mampanan-karena,
  Ary tsy azon'ny fisasarana ampiana izany.
  Ohabolana 10:22volafiankinan-dohaasa
• Fa ny vokatry ny Fanahy kosa dia fitiavana, fifaliana, fiadanana, fahari-po fahamoram-panahy, fanaovan-tsoa, fahamarinana, fahalemem-panahy, fahononam-po; tsy misy lalàna manohitra izany.
  Galatiana 5:22-23lalànaFanahyfahamoram-panahy
• Raha mihaino tsara ny feon'i Jehovah Andriamanitrao ianao ka mitandrina hanaraka ny didiny rehetra, izay andidiako anao anio, dia hasandratr'i Jehovah Andriamanitrao ho ambonin'ny firenena rehetra amin'ny tany ianao.
  Deotoronomia 28:1lalànafankatoavana
• Ho amin'ny fanahinareo anie ny fahasoavan'i Jesosy Kristy Tompo.
  Filipiana 4:23fahasoavanaJesosy
• Sambatra ny noana sy mangetaheta ny fahamarinana;
  fa izy no hovokisana.
  Matio 5:6rarinyfahazoanahanina
• Sambatra izay mitandrina ny teni-vavolombelony
  Ka mitady Azy amin'ny fo rehetra.
  Salamo 119:2mitadyfo
• Hampitomboina ho anareo anie ny famindram-po sy ny fiadanana ary ny fitiavana.
  Joda 1:2fitiavanafiadanana