Mphalane 2024

Ha le ema ho etsa thapelo, eba le na le disuwa le motho, le mo tshwarele, e le hore Ntata lona ya mahodimong le yena a tle a le tshwarele diphoso tsa lona.

MAREKA 11:25 thapelo tshwarelo Ntate

2024 Mphalane 22, Labobedi

Boikakaso bo etella timelo pele,
boikokobetso bona
bo tla pele ho tlotla.

MAELE 18:12 boikokobetšo boikgokgomošo

2024 Mphalane 21, Mmantaha

Re le ba swabileng, empa re thabile; re le ba futsanehileng, empa re ruisa ba bangata; re le ba se nang letho, empa re ruile tsohle.

2 BAKORINTHE 6:10 manyami lethabo tšhelete

2024 Mphalane 20, Sontaha

Hobane ha re phela, re phelela Morena; leha re eshwa, re shwela Morena. Ka baka leo, leha re phela, kapa re eshwa, re ba Morena.

BAROMA 14:8 lehu bophelo

2024 Mphalane 19, Moqebelo

Ho lehlohonolo bohle,
bohle ba tshabang Morena,
ba tsamayang ditseleng tsa hae.

PESALEMA 128:1 boikobo tlhompho go latela

2024 Mphalane 18, Labohlane

Ha ho ntho e nthabisang ho feta ho utlwa hore bana ba ka ba tsamaya nneteng.

3 JOHANNE 1:4 lethabo nnete bana

2024 Mphalane 17, Labone

Motho ya fokolang tumelong le mo amohele, empa le se ke la phea kgang le yena ka tsa maikutlo a hae.

BAROMA 14:1 tumelo setšhaba

2024 Mphalane 16, Laboraru

Batlang Morena
ha a sa ntse a ka fumanwa,
ipiletseng ho yena a sa le haufi.

ESAEA 55:6 go nyaka bokgauswi

2024 Mphalane 15, Labobedi

Phelang ka lerato, jwalokaha le Kreste a le ratile, mme a tela bophelo ba hae ka baka la lona, hore e be nyehelo le sehlabelo se monko o monate ho Modimo.

BAEFESE 5:2 lerato sehlabelo Jesu

2024 Mphalane 14, Mmantaha

Empa ha le le moo le tla batla Morena Modimo wa lona. Haeba le mmatla ka dipelo tsa lona tsohle, le ka moya wa lona wohle, le tla mo fumana.

LIPOLELO 4:29 Modimo moputso moya

2024 Mphalane 13, Sontaha

Modimo o re hlohonolofaditse,
a tshajwe ke bohle lefatsheng,
ho isa dipheletsong tsa lona.

PESALEMA 67:8 Modimo tlhompho tšhegofatšo

2024 Mphalane 12, Moqebelo

Le fodise ba kulang ba ho wona, le re ho bona: ‘Mmuso wa Modimo o se o le fihletse!’

LUKA 10:9 pholo bolwetši bokgauswi

2024 Mphalane 11, Labohlane

Jesu a tsamaya le Galelea yohle, a ntse a ruta matlung a thapelo a teng, a phatlalatsa molaetsa o molemo wa Mmuso, a fodisa mafu le malwetse wohle setjhabeng.

MATHEU 4:23 boebangedi mmušo pholo

2024 Mphalane 10, Labone

Bitso le letle le molemo
ho feta maruo a mangata,
ho hlompheha ho molemo
ho feta silefera kapa kgauta.

MAELE 22:1 tšhelete mahumo a lefase ditswalano

2024 Mphalane 9, Laboraru

Leha ho le jwalo le se ke la thabela hobane meya e ditshila e ikokobeletsa lona, empa le thabele hobane mabitso a lona a ngotswe mahodimong.

LUKA 10:20 lethabo legodimo bophelo bjo bo sa felego

2024 Mphalane 8, Labobedi

Maruo le hlompho di tswa ho wena,
tsohle di buswa ke wena;
tsoho la hao le matla, le sefea,
ho phahamisa le ho matlafatsa bohle.

1 LIKETSAHALO 29:12 ramatla maatla tšhelete

2024 Mphalane 7, Mmantaha

Mahodimo a phatlalatsa
tlotla ya Morena,
sebaka sa lehodimo se a bolela,
se bolela mosebetsi wa diatla tsa hae;
letsatsi ka leng le phetela le leng,
bosiu ka bong bo tsebisa bo bong.

PESALEMA 19:2-3 go direla/hlankela legodimo

Le se ke la tshwana le ba lefatshe lena, le mpe le fetohe ka ho ntjhafala dikelellong, hore le tle le iphumanele seo thato ya Modimo e leng sona, e leng sohle se molemo, se kgahlehang, se phethehileng.

BAROMA 12:2 go hloka bosodi boikobo bophelo

2024 Mphalane 5, Moqebelo

Ebe motho a ka boellwa ke eng, haeba a ka rua lefatshe lohle, empa a senyehelwa ke bophelo ba hae?

MAREKA 8:36 megabaru mahumo a lefase bophelo

2024 Mphalane 4, Labohlane

Ya diehang ho halefa
o na le kutlwisiso,
athe sefelapelwana
se bontsha bothoto.

MAELE 14:29 bohlale bopelotelele kwešišo

2024 Mphalane 3, Labone

Ruri Morena Modimo
ha a ke a etsa letho
a eso senole morero wa hae,
a o senolela bahlanka ba hae,
bahlanka ba hae, baporofeta.

AMOSE 3:7 porofeto peakanyo potego

2024 Mphalane 2, Laboraru

Feela, baratuwa, ntho eo le sa tshwanelang ho e lebala ke ena: Ho Morena letsatsi le le leng le jwaloka dilemo tse sekete, mme le dilemo tse sekete di jwaloka letsatsi le le leng.

2 PETROSE 3:8 Modimo go boya la bobedi bopelotelele