UMATEWU 6

XHO96

Ke ngoko, xa sukuba usipha ihlwempu, uze ungemi phezu kwendlu umemeze, njengokuba… UMATEWU 6:2

Ke ngoko, xa sukuba usipha ihlwempu, uze ungemi phezu kwendlu umemeze, njengokuba besenjenjalo abahanahanisi ezindlwini zesikhungo nasezitalatweni, ukuze banconywe ngabantu. Inene, sebewufumene umvuzo wabo.
UMATEWU 6:2 ukuthobeka ibuyiselo ukupha
Ke wena, xa sukuba usipha ihlwempu, masingakwazi isandla sakho sasekhohlo okwenziwa sisandla sakho sasekunene, ukuze ke izinwe zakho zingabonwa ngabantu, ze ke uYihlo obona okwenzeka emfihlekweni akuvuze yena ekuhleni.
UMATEWU 6:3-4 ukupha ibuyiselo UTata
Ke wena, xa uthandazayo, ngena egumbini lakho, uluvale ucango, uthandaze kuYihlo ongabonwayo. Ke uYihlo, yena obona okwenzeka emfihlekweni, wokuvuza.
UMATEWU 6:6 ibuyiselo UTata umthandazo
Ngoko ke, xa nithandazayo, ze ningenzi milembelele ingento, njengabangakholwayo, bona baba boviwa ngenxa yamazwi abo amaninzi.
UMATEWU 6:7 ukuthetha umthandazo iingcamango
Thandazani ke ngoko nina nithi:
“ ‘Bawo wethu osezulwini:
Malaziwe lihlonelwe igama lakho,
malongame ulawulo lwakho,
makwenziwe ukuthanda kwakho, emhlabeni njengasezulwini.”’
UMATEWU 6:9-10 umthandazo UTata ukuthobeka
Sibonelele kwiintswelo zethu zemihla ngemihla.
UMATEWU 6:11 umthandazo isonka ukuxhomekeka
Usixolele amatyala ethu,
njengokuba nathi sibaxolela abasonayo.
UMATEWU 6:12 ityala uxolelo umthandazo
Ungasiyekeli ekulingweni,
koko sihlangule kumtyholi;
kuba ngenene nguwe olawulayo,
namandla ngawakho, nodumo, kude kube ngunaphakade! Amen.
UMATEWU 6:13 isilingo iminqweno ububi
Kaloku xa nibaxolela abantu izigqitho zabo, uYihlo osezulwini wonixolela nani.
UMATEWU 6:14 isono ubabalo uxolelo
Xa ningabaxoleli abantu izigqitho zabo, noYihlo akayi kunixolela iziphoso zenu.
UMATEWU 6:15 uxolelo isono UTata
Xa nizila ukutya, ze ningabi njengabo bazenzisayo, abazifanisa nabahluphekileyo. Kaloku babenza bubi ubuso babo, ukuze babonwe ngabantu ukuba bazilile. Inene, sebewufumene umvuzo wabo.
UMATEWU 6:16 ukuzila ukutya ukuthobeka ibuyiselo
Ke wena, xa uzilayo, uzungayeki ukuthambisa intloko yakho nokuhlamba ubuso bakho. Kothi ke ukuzila kwakho kungabonakali ebantwini, koko kubonakale kuYihlo ongabonwayo, aze yena uYihlo obona okwenzeka emfihlekweni akuvuze.
UMATEWU 6:17-18 ukuzila ukutya UTata ibuyiselo
Ze ningaziqwebeli ubutyebi emhlabeni, apho konakalisa inundu nomhlwa, nalapho amasela aqhekezayo ebe. Koko ziqwebeleni ubutyebi ezulwini, apho kungonakalisi nundu namhlwa, nalapho amasela angaqhekeziyo ebe.
UMATEWU 6:19-20 ukubawa ukuthanda izinto eziphathekayo izulu
Kaloku apho bukhoyo ubutyebi benu, yoba lapho nentliziyo yenu.
UMATEWU 6:21 ukuthanda izinto eziphathekayo imali intliziyo
Akukho mntu unokukhonza iinkosi ezimbini, kuba uya kuyithiya le, ayithande leya, okanye abambelele kule, ayidele leya. Aninako ukukhonza uThixo kwanobutyebi.
UMATEWU 6:24 ukukhonza imali ityala
Kungoko ndithi kuni, musani ukubuxhalela ubomi benu nisithi notya ntoni, nisele ntoni. Kwanomzimba wenu ze ningawuxhaleli, nisithi niya kunxiba ntoni. Ubomi abungaphezulu na kokutyiwayo; wona umzimba awungaphezulu na kokunxitywayo?
UMATEWU 6:25 ukutya ubomi ukukhathazeka
Khaniqwalasele iintaka. Azihlwayeli, azivuni, azigcini siseleni, kanti uYihlo osezulwini uyazondla. Ke, kungakanani na ukuxabiseka kwenu kunazo!
UMATEWU 6:26 ixabisekile thembela UTata
Ke ngoko kuqala zondelelani ukulawulwa nguThixo, nenze ubulungisa obufunwa nguye, waye ke yena eya kunongezelela zonke ezi zinto.
UMATEWU 6:33 ubulungisa ukutya ubukumkani
Ngenxa yoko musani ukulixhalela ingomso. Ingomso liya kuxhalela okwalo. Ziyanele imini nganye iingxaki zayo.
UMATEWU 6:34 ubomi ukukhathazeka ukuxhomekeka