Iivesi zeBhayibhile malunga nosapho

«»

• Le miyalelo ndikunika yona namhlanje mayilawule bonke ubomi bakho. Uze uyibethelele ekufundiseni abantwana bakho, uthethe ngayo xa usekhaya, kanti noba useluhambeni, naxa ulalayo, ngokunjalo naxa uvukayo.
  UHLAZIYO-MNQOPHISO 6:6-7umthethoabantwana
• Zinikele eNkosini uYesu; uya kusindiswa wena nosapho lwakho.
  UMSEBENZI WABATHUNYWA 16:31ukholousindisoabantwana
• Egameni leNkosi yethu uYesu Krestu ndiyanibongoza, mawethu, ukuba nivane, nithethe nto-nye, kungabikho zimbambano phakathi kwenu. Manyanani nibe luqilima, nimxhelo mnye, ninazimvo zinye.
  1 KWABASEKORINTE 1:10uluntuinguqungokungenatyala
• Mfo wam, yithobele imimiselo oyinikwa nguyihlo,
  ungazityesheli neziluleko zikanyoko.
  IZAFOBE 6:20ukuthobelaukuphulaphula
• Umntu othi uyamthanda uThixo kodwa abe emthiyile uwabo, ulixoki. Kaloku ukuba akamthandi uwabo lo ambonayo, akanako ukumthanda uThixo angamboniyo.
  1 KAYOHANE 4:20uthandouThixo
• Khawukhangele ukubukeka nomkhitha
  wokuhlala kwezalamane ngemvano!
  INdumiso 133:1ubuhlobouluntu
• Ke zon' izibele zikaNdikhoyo zivelela abamhloneleyo;
  uhlala enobubele kwizizukulwana ngezizukulwana,
  kwabanyanisekileyo kumnqophiso wakhe
  nabathobela imithetho yakhe.
  INdumiso 103:17-18ukuthembekaumthethoumnqophiso
• Waphendula ke esithi:
  “Ngaba umfazi angalulibala na usana lwakhe,
  ade angavakalelwa ngowakhe umntwana?
  Noba ke yena angade amlibale,
  okokwam ke mna soze ndikufulathele,
  kuba igama lakho ndilivambile,
  ndilithe tyaba esandleni sam;
  iindonga zakho zihlala zisemehlweni am.”
  UISAYA 49:15-16uthandoabantwanauvelwano
• Ukuba umntwana umqeqeshile ngendlela yokuziphatha,
  soze ahlukane nayo naxa selekhulile.
  IZAFOBE 22:6ubulungisaabantwana
• Nina ke, bazali, abantwana musani ukubaphatha gadalala, bade babe nenzondo, koko banikeni ingqeqesho nemiyalo yobuKrestu.
  KWABASE-EFESE 6:4umthethoabantwana
• Umntu ongazikhathaleleyo izizalwane zakhe, ingakumbi ezihlala naye, selelulahlile ukholo, ungcole ngaphezu kwabangakholwayo.
  1 KUTIMOTI 5:8ubudlelwaneabantwana
• Mhlonele uyihlo ndawonye nonyoko, khon' ukuze ube nokuzinza kwelo lizwe ndikunika lona mna Ndikhoyo Thixo wakho.
  EYEMFUDUKO 20:12uThixointsikelelo
• Abazukulwana libhongo lookhokho,
  kanti ke igugu labantwana ngabazali.
  IZAFOBE 17:6abantwana
• Umhlobo unothando ngamaxesha onke;
  ke yena umntakwenu uzalelwe ukuba nawe kwiimbandezelo.
  IZAFOBE 17:17ubuhloboubudlelwane
• Ngamana ke uNdikhoyo uThixo wethu waba nathi kwanjengokuba wayenabo noobawo; ngamana akangesishiyi okanye asilahle.
  1 YOOKUMKANI 8:57ukusondelaukuthembeka
• Iitshomi ezininzi ziyamvuthulula umntu;
  kanti ke sikho sona isihlobo esithembekayo kunomntakwenu.
  IZAFOBE 18:24ubuhlobo
• Ke ukuba kubi emehlweni enu ukumkhonza uNdikhoyo, khethani ngoku, ukuba nokhonza bani na nina, phakathi koothixo baseMesopotami booyihlo noothixo bama-Amori enimi kumhlaba wawo. Kodwa mna kunye nomzi wam, siya kukhonza uNdikhoyo.
  UYOSHUWA 24:15izithixoukulandelaukukhonza
• Bahlobo bam, singabantwana bakaThixo ngoku, kodwa ke into esiya kuba yiyo ayikacaci. Siyazi kambe ukuba akufika uKrestu siya kufana naye, kuba soba simbona njengoko anjalo. Wonke umntu oneli themba kuKrestu uzenza nyulu kanye njengokuba noKrestu enyulu.
  1 KAYOHANE 3:2-3ukusulungekiswaizuluabantwana
• Ukuba ngoko nina, nikhohlakele nje, niyakwazi ukubapha abantwana benu izipho ezilungileyo, wobeka phi yena uYihlo osezulwini ukugqithisela ukubapha uMoya oyiNgcwele abo bamcelayo?
  ULUKA 11:13Umoyaumthandazoisisa
• Unebhongo umzali womntwana olilungisa;
  ewe, umntwana osisilumko uligugu kubazali bakhe.
  IZAFOBE 23:24uvuyoubulumko
• Mfo wam, ndingonwaba kakhulu
  xa ingqondo yakho idlamkile.
  IZAFOBE 23:15ubulumkointliziyouvuyo
• Unyana osisilumko ulibhongo likayise,
  ke yena osisityhakala ungumva-ndedwa kanina.
  IZAFOBE 10:1uvuyoubulumkousizi
• Uze ungabulali, uze ungakrexezi, uze ungebi, uze ungangqini buxoki, beka uyihlo nonyoko, uze umthande ummelwane wakho kanye ngale ndlela uzithanda ngayo nawe.
  UMATEWU 19:18b-19umthethouthandoukuthembeka
• Ungaze wahlukane nezihlobo zakho, ungazilibali nezakowenu.
  Xa usengxakini sukubalekela kumntakwenu –
  isenokuba ngummelwane osondeleyo onokukunceda ngaphezulu komntakwenu okude.
  IZAFOBE 27:10ubuhloboummelwane