Ingobo yomlando (Julayi 2013)

ULwesithathu, Julayi 31, 2013

Niyakumkhonza uJehova uNkulunkulu wenu, abusise ukudla kwenu namanzi enu; ngiyakususa izifo phakathi kwenu.

U-Eksodusi 23:25 khulekela isibusiso ukugula

ULwesibili, Julayi 30, 2013

Ngazise imendo yakho, Jehova;
ngifundise izindlela zakho.

Owathi enesimo sikaNkulunkulu, akaze asho ukuthi kuyinto yokuphangwa ukulingana noNkulunkulu, kepha wazidela ethabatha isimo senceku, enziwe ngomfanekiso wabantu; wathi efunyenwe enjengomuntu ngesimilo, wazithobisa, elalela kwaze kwaba sekufeni, yebo, ekufeni kwesiphambano.

KwabaseFilipi 2:6-8 UMsindisi ukulalela umthetho UJesu

ISonto, Julayi 28, 2013

Ukuba ngokwengcebo yenkazimulo yakhe aninike ukuqiniseka emandleni ngoMoya wakhe kumuntu ongaphakathi; uKristu ahlale ezinhliziyweni zenu ngokukholwa, ukuze nigxile, nisekelwe othandweni.

Kwabase-Efesu 3:16-17 inkolo uthando UMoya

UMgqibelo, Julayi 27, 2013

UJehova uyakukulondoloza ebubini bonke;
uyakulonda umphefumulo wakho.
UJehova uyakulondoloza ukuphuma kwakho nokungena kwakho
kusukela kulesi sikhathi kuze kube phakade.

AmaHubo 121:7-8 ngiyethemba ukuphila okubi

ULwesihlanu, Julayi 26, 2013

Ngenani ngesango elincane; ngokuba isango libanzi nendlela inkulu eyisa ekubhujisweni; baningi abangena khona. Kepha isango lincane nendlela iyingcingo eyisa ekuphileni; bayingcosana abayifumanayo.

NgokukaMathewu 7:13-14 ukuphila okungunaphakade insindiso

ULwesine, Julayi 25, 2013

Kepha abamethembayo uJehova
bayathola amandla amasha,
bayakhuphuka ngamaphiko njengezinkozi,
bagijime bengakhathali,
bahambe bengapheli amandla.

U-Isaya 40:31 ngiyethemba isikhuthazo amandla

ULwesithathu, Julayi 24, 2013

Madoda, thandani omkenu, njengalokho noKristu ulithandile ibandla, wazinikela ngenxa yalo ukuba alingcwelise, alihlambulule ngesigezo samanzi ngezwi.

Kwabase-Efesu 5:25-26 uthando ukuhlanzwa ubudlelwano

ULwesibili, Julayi 23, 2013

UJehova uyakuba yiNkosi emhlabeni wonke; ngalolo suku uJehova uyakuba munye, negama lakhe libe linye.

UZakariya 14:9 UNkulunkulu umbuso

UMsombuluko, Julayi 22, 2013

Uyise wolungileyo uyakwethaba nokwethaba,
nozala ohlakaniphileyo uyathokoza ngaye.

IzAga 23:24 injabulo inhlakanipho umndeni

ISonto, Julayi 21, 2013

Hlabelelani kuNkulunkulu,
nidumise igama lakhe;
menzeleni umendo lowo odabula amahlane;
igama lakhe linguJehova;
yethabani phambi kwakhe,
uyise wezintandane,
umahluleli wabafelokazi,
uNkulunkulu endlini yakhe engcwele.

AmaHubo 68:4-5 ubungcwele ukuphepha khulekela

UMgqibelo, Julayi 20, 2013

Ngokuba yilowo nalowo othanda ukusindisa ukuphila kwakhe uyakulahlekelwa yikho; kepha olahlekelwa ngukuphila kwakhe ngenxa yami uyakukufumana.

NgokukaMathewu 16:25 insindiso ukufa ukuphila

ULwesihlanu, Julayi 19, 2013

“Ukhona ongacasha ezindaweni ezisithekileyo
ukuze ngingamboni na?” usho uJehova.
“Angithi ngiyagcwalisa izulu nomhlaba na?” usho uJehova.

UJeremiya 23:24 UNkulunkulu izulu

ULwesine, Julayi 18, 2013

Kepha uNkulunkulu wokubekezela nowenduduzo makaniphe nibe nokuqonda kunye phakathi kwenu ngokukaKristu Jesu.

KwabaseRoma 15:5 umphakathi isikhuthazo ukubekezela

ULwesithathu, Julayi 17, 2013

Nibekezelelane, nithethelelane, uma umuntu enensolo komunye; njengokuba neNkosi yanithethelela, yenzani njalo nani.

KwabaseKolose 3:13 intethelelo ukuthula umakhelwane

ULwesibili, Julayi 16, 2013

Impendulo ethambileyo iyabuyisa ukufutheka,
kepha izwi elilukhuni livusa ulaka.

IzAga 15:1 ukukhuluma ubumnene intukuthelo

UMsombuluko, Julayi 15, 2013

Thulani, niqonde ukuthi mina nginguNkulunkulu;
ngiyakuphakama phakathi kwabezizwe,
ngiphakame emhlabeni.

AmaHubo 46:10 UNkulunkulu ukuthula

ISonto, Julayi 14, 2013

Nani boyise, ningabathukuthelisi abantwana benu, kodwa nibondle ngokuyala nangokuqondisa kweNkosi.

Kwabase-Efesu 6:4 umthetho umndeni izingane

UMgqibelo, Julayi 13, 2013

Ngokuba kuyakumsizani umuntu ukuzuza izwe lonke, alahlekelwe ngukuphila kwakhe, na?

NgokukaMarku 8:36 ukwemana ukuthanda izinto ezibambekayo ukuphila

ULwesihlanu, Julayi 12, 2013

Kepha iNkosi ithembekile, eyakuniqinisa, inilondoloze komubi.

2 kwabaseThesalonika 3:3 thembekile ukuphepha amandla

ULwesine, Julayi 11, 2013

Ungazondi umfowenu enhliziyweni yakho; ungamkhuza nokumkhuza umakhelwane wakho, kepha ungabi nasono ngaye.
Ungaphindisi, ungabi namagqubu nabantwana babantu bakho, kepha wothanda umakhelwane wakho njengalokhu uzithanda wena; nginguJehova.

ULevitikusi 19:17-18 uthando ubumnene intukuthelo

ULwesithathu, Julayi 10, 2013

Kepha thina singabombuso wasezulwini, lapho futhi silindela khona ukuba kuvele uMsindisi, iNkosi uJesu Kristu.

KwabaseFilipi 3:20 insindiso UJesu izulu

ULwesibili, Julayi 9, 2013

Ngakho-ke uma nina eningababi nikwazi ukubapha abantwana benu izipho ezinhle, kakhulu kangakanani uYihlo osezulwini uzakubapha abacela kuye uMoya oNgcwele.

NgokukaLuka 11:13 UMoya umkhuleko umndeni

UMsombuluko, Julayi 8, 2013

Ngihole, Nkulunkulu,
wazi inhliziyo yami;
ngilinge, wazi imicabango yami,
ubone, uma kukhona indlela yosizi kimi,
ungiholele endleleni yaphakade.

AmaHubo 139:23-24 ukuphila okungunaphakade ubungcwele ukulunga

ISonto, Julayi 7, 2013

Kepha isithelo sokulunga sihlwanyelwa ngokuthula kubo abakwenzayo ukuthula.

EkaJakobe 3:18 ukulunga ukuthula isivuno

UMgqibelo, Julayi 6, 2013

Kepha ukuhlakanipha okwaphezulu okokuqala kumhlophe, andukuba kube nokuthula, nokuva, nokulalela, kugcwele isihawu nezithelo ezinhle; akunakungabaza, akunakuzenzisa.

EkaJakobe 3:17 thembeka ukuthula inhlakanipho

ULwesihlanu, Julayi 5, 2013

Kepha ngiyanincenga, bazalwane, ngegama leNkosi yethu uJesu Kristu ukuba nikhulume zwilinye nonke, kungabikho ukwahlukana phakathi kwenu, kodwa nipheleliswe emqondweni munye nasekuboneni kunye.

1 kwabaseKorinte 1:10 umphakathi umndeni izinguquko

ULwesine, Julayi 4, 2013

Yilesi sibindi esinaso kuye sokuthi, uma sicela utho ngokwentando yakhe, uyasizwa.

1 kaJohane 5:14 ukwethemba umkhuleko ukulalela

ULwesithathu, Julayi 3, 2013

Ngokuba wena uzenzile izinso zami,
wangaluka esiswini sikamame.
Ngiyakukubonga,
ngokuba ngenziwa ngokwesabekayo nangokumangalisayo;
imisebenzi yakho iyamangalisa;
umphefumulo wami uyakwazi kahle.

AmaHubo 139:13-14 indalo izimangaliso umphefumulo