Ingobo yomlando (Juni 2013)

ISonto, Juni 30, 2013

KuNkulunkulu ngiyakudumisa izwi lakhe;
ngithemba uNkulunkulu, angiyikwesaba;
inyama ingangenzani na?

AmaHubo 56:4 ukwethemba uvalo IZwi likaNkulunkulu

UMgqibelo, Juni 29, 2013

Mhla ngesabayo
ngiyakwethemba wena.

AmaHubo 56:3 ukwethemba UNkulunkulu uvalo

Makabongwe uNkulunkulu noYise weNkosi yethu uJesu Kristu, uYise wobubele, uNkulunkulu wenduduzo yonke, osiduduza osizini lwethu lonke, ukuze nathi sibe namandla okududuza abasosizini, nolunjani, ngenduduzo esiduduzwa ngayo nathi nguNkulunkulu.

2 kwabaseKorinte 1:3-4 inhlupheko khulekela isikhuthazo

ULwesine, Juni 27, 2013

Bazithobe abantu bami ababizwa ngegama lami, bakhuleke, bafune ubuso bami, baphenduke ezindleleni zabo ezimbi, ngiyakuzwa ezulwini, ngithethelele isono sabo, ngiphilise izwe labo.

2 iziKronike 7:14 ukuthobeka intethelelo ukuphulukisa

ULwesithathu, Juni 26, 2013

Ningakhathazeki ngalutho, kepha kukho konke izicelo zenu mazaziwe nguNkulunkulu ngokukhuleka nokunxusa kanye nokubonga. Ukuthula kukaNkulunkulu okudlula ukuqonda konke kuyakulondoloza izinhliziyo zenu nemicabango yenu kuKristu Jesu.

KwabaseFilipi 4:6-7 ukubonga umkhuleko ukukhathazeka

ULwesibili, Juni 25, 2013

Ngokuba uNkulunkulu kasiye ongalungile ukuba akhohlwe umsebenzi wenu nothando enalubonakalisa ngakulo igama lakhe, lokhu nibakhonzile abangcwele, nisabakhonza.

KumaHeberu 6:10 ukulunga umsebenzi ukukhonza

UMsombuluko, Juni 24, 2013

Thokozani nabathokozayo, nikhale nabakhalayo.

KwabaseRoma 12:15 injabulo ububele ukudabuka

ISonto, Juni 23, 2013

Ngizinika ukuphila okuphakade, azisoze zabhubha naphakade; akakho ongazihlwitha esandleni sami. UBaba onginikileyo mkhulu kunabo bonke; akakho ongazihlwitha esandleni sikaBaba. Mina noBaba simunye.

NgokukaJohane 10:28-30 ukuphila okungunaphakade UJesu UBaba

UMgqibelo, Juni 22, 2013

Kepha yena wathi: “Yebo, kodwa kakhulu babusisiwe abalizwa izwi likaNkulunkulu, balilondoloze.”

NgokukaLuka 11:28 IZwi likaNkulunkulu ukuphila ukulalela

ULwesihlanu, Juni 21, 2013

Makakunike njengokwenhliziyo yakho,
afeze icebo lakho lonke.

AmaHubo 20:4 ukuhlela isibusiso inhliziyo

ULwesine, Juni 20, 2013

Kepha-ke ngaphandle kokukholwa akwenzeki ukumthokozisa; ngokuba ozayo kuNkulunkulu umelwe ukukholwa ukuthi ukhona nokuthi ungumvuzi walabo abamfunayo.

KumaHeberu 11:6 inkolo injabulo umvuzo

ULwesithathu, Juni 19, 2013

Ethembeni nithokoze; osizini nibekezele; ekukhulekeni niqinisele njalo.

KwabaseRoma 12:12 injabulo umkhuleko ukubekezela

ULwesibili, Juni 18, 2013

Hambani ngokuhlakanipha kubo abangaphandle, nithengisise isikhathi. Ukukhuluma kwenu makube nomusa njalo, kuyolisiwe ngosawoti, ukuze nazi enifanele ukubaphendula ngakho bonke abantu.

KwabaseKolose 4:5-6 ubumnene inhlakanipho ukukhuluma

UMsombuluko, Juni 17, 2013

Kepha umusa kaJehova uphezu kwabamesabayo kwaphakade kuze kube phakade,
nokulunga kwakhe kubantwana babantwana,
kubo abagcina isivumelwano sakhe
bekhumbula iziyalezo zakhe ukuba bazenze.

AmaHubo 103:17-18 thembekile umthetho umndeni

ISonto, Juni 16, 2013

Kepha ukuphila angikushayi into yalutho ukuba kube yigugu kimi, kuphela ukuba ngiphelelise ukuhamba kwami nenkonzo engayamukela eNkosini uJesu yokufakaza ngevangeli lomusa kaNkulunkulu.

IzEnzo 20:24 umusa ukuvangela ukuphila

UMgqibelo, Juni 15, 2013

Yilowo nalowo kithi makathokozise umakhelwane, kube kuhle, aze akheke.

KwabaseRoma 15:2 ubugovu isikhuthazo umakhelwane

ULwesihlanu, Juni 14, 2013

Niyakwazi lokho, bazalwane bami abathandekayo. Yilowo nalowo muntu makasheshe ukuzwa, aphuze ukukhuluma, aphuze ukuthukuthela.

EkaJakobe 1:19 ukukhuluma ukulalela intukuthelo

ULwesine, Juni 13, 2013

Thandanani ngenhliziyo ngothando lobuzalwane; ekwazisaneni nandulelane.

KwabaseRoma 12:10 uthando umakhelwane

ULwesithathu, Juni 12, 2013

Njengalokhu ungazi indlela yomoya ukuthi iphi,
nokubunjwa kwamathambo esizalweni sokhulelweyo,
kanjalo awuyazi nemisebenzi kaNkulunkulu owenza konke.

UmShumayeli 11:5 UNkulunkulu ukuqonda

ULwesibili, Juni 11, 2013

Maniphathane ngobumnene, nihawukelane, nithethelelane, njengalokho noNkulunkulu wanithethelela ngoKristu.

Kwabase-Efesu 4:32 intethelelo ububele okuhle

UMsombuluko, Juni 10, 2013

Kepha uma umfowenu ekona, hamba umsole ninodwa naye. Uma ekuzwa, woba umzuzile umfowenu.

NgokukaMathewu 18:15 isibi ukukhuluma ukulalela

ISonto, Juni 9, 2013

Ngenxa yokuba ubuyigugu emehlweni ami,
futhi ubudumile, uthandekile kimi,
ngiyakunika abantu esikhundleni sakho,
nezizwe esikhundleni sokuphila kwakho.

U-Isaya 43:4 uthando insindiso isikhuthazo

UMgqibelo, Juni 8, 2013

UJehova uNkulunkulu wakho uphakathi kwakho,
iqhawe eliyakukusindisa;
uyakujabula ngawe ngentokozo,
athule othandweni lwakhe,
ethabe ngawe ngokuhlabelela.

UZefaniya 3:17 UNkulunkulu injabulo umhlengi

ULwesihlanu, Juni 7, 2013

Ngokuba uNkulunkulu kayithumelanga iNdodana ezweni ukuba yahlulele izwe, kodwa ukuba izwe lisindiswe ngayo.

NgokukaJohane 3:17 insindiso UJesu ukwahlulela

ULwesine, Juni 6, 2013

Nazi ukuthi ukuvivinywa kokukholwa kwenu kuveza ukukhuthazela.

EkaJakobe 1:3 inkolo isilingo umlutha

ULwesithathu, Juni 5, 2013

Le ncwadi yomthetho mayingasuki emlonyeni wakho, kepha wozindla ngayo imini nobusuku ukuba uqaphele ukwenza njengakho konke okulotshwe kuyo, ngokuba lapho uyakuhlahlamelisa indlela yakho, uphumelele kahle.

UJoshuwa 1:8 umthetho ukulalela umthetho isibusiso

ULwesibili, Juni 4, 2013

Kepha kalokhu unikiwe inkonzo enhle kakhulu, njengalokhu engumlamuleli wesivumelwano esihle kakhulu, esimisiwe ngokwezithembiso ezinhle kakhulu.

KumaHeberu 8:6 UJesu isivumelwano umlamuli

UMsombuluko, Juni 3, 2013

Ngokuba cishe kungenzeki ukuba umuntu afele olungileyo, kodwa mhlawumbe kungase kube khona ongaba nesibindi sokufela omuhle; kepha uNkulunkulu uyabonakalisa ukusithanda kwakhe ngalokhu ukuthi, siseyizoni, uKristu wasifela.

KwabaseRoma 5:7-8 isibi insindiso ukufa