Gcina (Juni 2013)

2013 Juni 30, Cawe

UThixo olizwi ndilidumisayo
ndikholosa ngaye ndingenadyudyu.
Soze andenze nto umntu.

INdumiso 56:4 thembela uloyiko ILizwi likaThixo

2013 Juni 29, Mgqibelo

Ndakuxineka ndikholosa ngawe.

Makabongwe uThixo, uyise weNkosi yethu uYesu Krestu, uBawo uSozinceba, uThixo umthombo wentuthuzelo. Yena uyasithuthuzela ezimbandezelweni zethu zonke, ukuze nathi sikwazi ukubathuthuzela abanye kwangaloo ntuthuzelo ivela kuye.

2 KWABASEKORINTE 1:3-4 ukubandezeleka unqulo ukhuthazo

2013 Juni 27, Lwesine

Ukuba abantu bam abo babizwa ngegama lam bathe bazithoba bathandaza bendikhunga befuna ubuso bam, bazilahla iindlela zabo ezikhohlakeleyo, ke mna ndiya kubaphulaphula ndibeve ndisezulwini, ndisixolele isono sabo, ndilinyange ilizwe labo.

2 YEZIGANEKO 7:14 ukuthobeka uxolelo ukuphilisa

2013 Juni 26, Lwesithathu

Sanukuba naxhala; kodwa iintswelo zenu ziseni kuThixo ngomthandazo, nimbongoze ninombulelo. Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.

KWABASEFILIPI 4:6-7 umbulelo umthandazo ukukhathazeka

2013 Juni 25, Lwesibini

Kaloku yena uThixo akalotshijolo: akazange awulibale umsebenzi eniwenzileyo ngenxa yakhe, nothando enilubonakalise ngokulungiselela abantu bakhe – msebenzi lowo nisawuqhubayo unangoku.

KUMAHEBHERE 6:10 ubulungisa umsebenzi ukukhonza

2013 Juni 24, Mvulo

Vuyani nabavuyayo, nilile nabalilayo.

KWABASEROMA 12:15 uvuyo uvelwano usizi

2013 Juni 23, Cawe

Ndizinika ubomi obungenasiphelo. Azisoze zitshabalale, kwaye akukho bani unokuzihlutha kum. Kaloku uBawo ondinike zona unamandla; noko ke akukho bani unokuhlutha nto kuye. Ke mna noBawo sibanye.

UYOHANE 10:28-30 ubomi obungunaphakade UYesu UTata

2013 Juni 22, Mgqibelo

Ke yena wathi: “Yithi kanye: unoyolo lowo ulivayo ilizwi likaThixo alenze.”

ULUKA 11:28 ILizwi likaThixo ubomi ukuphulaphula

2013 Juni 21, Lwesihlanu

Wanga angakunika umnqweno wentliziyo yakho,
aziphumelelise zonk' iinquleqhu zakho.

INdumiso 20:4 ukucwangcisa intsikelelo intliziyo

2013 Juni 20, Lwesine

Lungekho ke ukholo akukho ukumkholisa uThixo. Kaloku wonke ubani ozayo kuye kufuneka akholwe ukuba ukho uThixo, yaye uyabavuza abo bamlangazelelayo.

KUMAHEBHERE 11:6 ukholo uvuyo ibuyiselo

2013 Juni 19, Lwesithathu

Vuyani, ninethemba nje, ninyamezele ezimbandezelweni zenu, nithandaze ningayeki.

KWABASEROMA 12:12 uvuyo umthandazo umonde

2013 Juni 18, Lwesibini

Yilumkeleni indlela eniziphatha ngayo phambi kwabo bangakholwayo, nilisebenzise kakuhle ithuba eninalo. Incoko yenu mayisoloko imnandi, inika umdla. Fundani ukucebisana kakuhle nomntu ngamnye enidibana naye.

KWABASEKOLOSE 4:5-6 ubulali ubulumko ukuthetha

2013 Juni 17, Mvulo

Ke zon' izibele zikaNdikhoyo zivelela abamhloneleyo;
uhlala enobubele kwizizukulwana ngezizukulwana,
kwabanyanisekileyo kumnqophiso wakhe
nabathobela imithetho yakhe.

INdumiso 103:17-18 ukuthembeka umthetho usapho

2013 Juni 16, Cawe

Kodwa kum ukuphila akubalulekanga ngaphezu kokuba ndilufeze ubizo lwam, ndiwugqibe umsebenzi endawunikwa yiNkosi wokuvakalisa iindaba ezimnandi zesisa sikaThixo.

UMSEBENZI WABATHUNYWA 20:24 ubabalo ukuvangela ubomi

2013 Juni 15, Mgqibelo

Koko masithi sonke ngabanye sikholise abamelwane bethu ezintweni ezilungileyo ezinokulukhulisa ukholo lwabo.

KWABASEROMA 15:2 ukuzingca ukhuthazo ummelwane

2013 Juni 14, Lwesihlanu

Khumbulani le nto, zihlobo zam: Wonke ubani makakhawuleze ukuva; kodwa makangakhawulezi ukuthetha, angakhawulezi nokucaphuka.

EKAYAKOBI 1:19 ukuthetha ukuphulaphula umsindo

2013 Juni 13, Lwesine

Thandanani ngokwabazalanayo. Shiyiselanani ngokwenzelana imbeko.

KWABASEROMA 12:10 uthando ummelwane

2013 Juni 12, Lwesithathu

Njengoko ungayazi indlela yomoya,
ungamazi nokuba wenziwa njani na umntu esizalweni sonina,
kananjalo soze ukuqonde nokusebenza kukaThixo onguMdali weento zonke.

AMAVA ENGQONDI 11:5 uThixo ukuqonda

2013 Juni 11, Lwesibini

Ndaweni yaloo nto yenzelanani ububele ninobulali, nixolelane, kwanjengokuba naye uThixo wanixolelayo ngoKrestu.

KWABASE-EFESE 4:32 uxolelo uvelwano ukulunga

2013 Juni 10, Mvulo

Ukuba uwenu uthe wona, yiya uthethe naye ninodwa. Ukuba úthe wakuva, woba umzuzile uwenu.

UMATEWU 18:15 isono ukuthetha ukuphulaphula

2013 Juni 9, Cawe

Kum uxabisekile ke kambe;
yeka elo wonga, andikuthandi ngako!
Ndincam' izizwe ngenxa yakho;
ndinikezel' iintlanga, ndizuze wena.

UISAYA 43:4 uthando usindiso ukhuthazo

2013 Juni 8, Mgqibelo

UNdikhoyo uThixo wakho unawe;
uligorha elisindisayo.
Yena unemihlali ngawe, enovuyo;
uya kukuthulisa ngothando lwakhe;
ugcoba ngawe eyiyizela.

UZEFANIYA 3:17 uThixo uvuyo umhlawuleli

2013 Juni 7, Lwesihlanu

Kuba kaloku uThixo akamthumanga uNyana wakhe ehlabathini ukuze aligwebe, koko wamthuma ukuze abe nguMsindisi walo.

UYOHANE 3:17 usindiso UYesu umgwebo

2013 Juni 6, Lwesine

Kaloku isiqhamo sokumelana nezilingo ngokholo lunyamezelo.

EKAYAKOBI 1:3 ukholo isilingo ukuba likhoboka

2013 Juni 5, Lwesithathu

Kufuneka incwadi yomthetho ikukhokele kuyo yonke into oyithethayo. Uze uyifunde uyigocagoce ubusuku nemini, uzazi uzithobele izinto ezibhaliweyo kuyo. Xa wenjenjalo woba nenkqubela nempumelelo.

UYOSHUWA 1:8 umthetho ukuthobela intsikelelo

2013 Juni 4, Lwesibini

Ke yena uYesu unikwe ububingeleli obuphakamileyo kunobabo. Kanti ke nomnqophiso awuzakuzelayo phakathi koThixo nabantu ukwamkhulu, ngenxa yokubaluleka kwezithembiso osekelwe phezu kwazo.

KUMAHEBHERE 8:6 UYesu umnqophiso umlamli

2013 Juni 3, Mvulo

Inqabile into yokuba umntu afele omnye, naxa mhlawumbi anokubhaqeka umntu onesibindi sokufela umntu olungileyo. Ke yena uThixo ukuqondakalisile ukusithanda kwakhe ngokuthi uKrestu asifele sisengaboni!

KWABASEROMA 5:7-8 isono usindiso ukufa