Gcina (Meyi 2013)

2013 Meyi 31, Lwesihlanu

UYesu ke wabhekisa kubo bonke wathi: “Osukuba ethanda ukundilandela makazincame, awuthwale umnqamlezo wakhe imihla ngemihla, andilandele.”

ULUKA 9:23 ukuthobela ukubethelwa emnqamlezweni

2013 Meyi 30, Lwesine

Ndawo yokuqala ndazigqithisela kuni ezona ndawo ndazamkelayo, ezi zokuba uKrestu wafela izono zethu, ngokutsho kweziBhalo, nokuba wangcwatywa, nokuba wavuka ekufeni ngomhla wesithathu, ngokweziBhalo.

1 KWABASEKORINTE 15:3-4 isono umbingelelo UYesu

2013 Meyi 29, Lwesithathu

Ndaweni yaloo nto inyaniso masiyithethe siqhutywa luthando, khon' ukuze siye simfuza uYesu ngokupheleleyo. Kaloku nguye intloko.

KWABASE-EFESE 4:15 uthando inyaniso UYesu

2013 Meyi 28, Lwesibini

NguNdikhoyo yedwa uThixo;
nguye kuphela osikhuselayo.

INdumiso 18:31 ukuthembeka uThixo amandla

2013 Meyi 27, Mvulo

Hayi bo, zigqibelele izinto azenzayo lo Thixo!
Hayi ukuthembeka kwelizwi lakhe!
Uyabakhusela bonke abo bathembela ngaye.

INdumiso 18:30 ngokungenatyala ILizwi likaThixo ukukhuselwa

2013 Meyi 26, Cawe

Bonke abacela kuwe, baphe. Kothatha izinto zakho uzungabuye uzibize.

ULUKA 6:30 ityala ukupha isisa

2013 Meyi 25, Mgqibelo

Ke mna ndithi kuni, nina nindivayo: Zithandeni iintshaba zenu, nibenzele okulungileyo abo banithiyileyo. Basikeleleni abo baniqalekisayo, nibathandazele abo banigxekayo.

ULUKA 6:27-28 ukuthobela intsikelelo umthandazo

2013 Meyi 24, Lwesihlanu

“Kaloku ingcinga zam azifani nezenu,
neendlela zenu azifani nezam,”
utsho yena uNdikhoyo!

UISAYA 55:8 uThixo ukucwangcisa ubulumko

2013 Meyi 23, Lwesine

“Kaloku zisekuhleni kum izicwangciso zam ngani zokuba ndininike intlala-kahle ingabi bububi, ndinidalele ikamva nethemba.” Lowo ngumlomo kaNdikhoyo.

UJEREMIYA 29:11 ukucwangcisa intsikelelo ithemba

2013 Meyi 22, Lwesithathu

Kaloku besikade siziintshaba noThixo, saxolelaniswa naye ngokufa koNyana wakhe. Kobeka phi ke ukusindiswa kwethu ngokudla kwakhe ubomi!

KWABASEROMA 5:10 UMsindisi usindiso uxolelwaniso

2013 Meyi 21, Lwesibini

Ndikholosa ngawe usemazulwini;
ungowam nje ke, andilinanze nganto ihlabathi.

INdumiso 73:25 thembela uThixo izulu

2013 Meyi 20, Mvulo

Kaloku umntu ukholwa ngentliziyo, aze abe lilungisa phambi koThixo; uvuma ngomlomo, aze asindiswe.

KWABASEROMA 10:10 ukholo ukuthetha usindiso

2013 Meyi 19, Cawe

Ukuba uthe wavuma ngomlomo ukuba uYesu yiNkosi, wakholwa nangentliziyo ukuba uThixo wamvusa kwabafileyo, wosindiswa.

KWABASEROMA 10:9 ukholo ukuthetha UYesu

Le miyalelo ndikunika yona namhlanje mayilawule bonke ubomi bakho. Uze uyibethelele ekufundiseni abantwana bakho, uthethe ngayo xa usekhaya, kanti noba useluhambeni, naxa ulalayo, ngokunjalo naxa uvukayo.

UHLAZIYO-MNQOPHISO 6:6-7 umthetho usapho abantwana

2013 Meyi 17, Lwesihlanu

Ewe, uNyana lo uphuhlisa ubungangalala bukaThixo, ibe ke yena noThixo bangumceph' ucandiwe. Ihlabathi lixhaswe nguye ngamandla elizwi lakhe. Uthe ke akuba elwenzile uxolelo lwezono wahlala ewongeni kwaThixo kweliphezulu.

KUMAHEBHERE 1:3 isono ukusulungekiswa ILizwi likaThixo

2013 Meyi 16, Lwesine

Esi sisizathu esibangela ukuba abe nako ukubasindisa ngokupheleleyo abo beza ngaye kuThixo, njengoko ehlala ehleli ebathethelela.

KUMAHEBHERE 7:25 ubomi obungunaphakade UMsindisi usindiso

2013 Meyi 15, Lwesithathu

Kuba iziBhalo zithi:
“Ndingophilayo nje, itsho iNkosi, aya kugoba kum onke amadolo,
zimdumise uThixo zonke iilwimi.”

KWABASEROMA 14:11 ukuthobeka unqulo ukuvuma

2013 Meyi 14, Lwesibini

Khumbulani ixabiso enakhululwa ngalo kwintlalo ebingento yookhokho benu. Anihlawulelwanga nganto itshitshayo, ifana nesiliva negolide. Nahlawulelwa ngegazi elixabisekileyo leXhwane elinguKrestu ongenasisihla nasiphako.

1 KAPETROS 1:18-19 UMsindisi UYesu ubomi

2013 Meyi 13, Mvulo

Kaloku yena uNyana woLuntu wezela ukufuna kwanokusindisa abantu abalahlekileyo.

ULUKA 19:10 usindiso UYesu ukufuna

2013 Meyi 12, Cawe

Nguye owasisindisayo wasibiza ukuba sibe ngabanyuliweyo, kungengamisebenzi yethu, kodwa ngenxa yenjongo nobubele bakhe. Wasenzela obu bubele ngoKrestu Yesu kwantlandlolo.

2 KUTIMOTI 1:9 ubabalo ubungcwele usindiso

2013 Meyi 11, Mgqibelo

Kambe ke ndiyazi ukuba umkhululi wam ukho;
ekugqibeleni iya kuba nguye otshatshelayo ehlabathini.

UYOBI 19:25 UMsindisi usindiso ukukhathazeka

2013 Meyi 10, Lwesihlanu

Musani ukuba natyala lanto mntwini, lingelilo elokuthandana. Kaloku omthandayo omnye uwuthobele ngokupheleleyo umthetho.

KWABASEROMA 13:8 umthetho uthando ityala

2013 Meyi 9, Lwesine

Ngoko ke ayisendim ophilayo, nguKrestu ophilayo kum. Ubomi ke endibudlayo ngoku ndimanywe noNyana kaThixo, ndibudla ngokholo kulowo wandithandayo, wabuncama obakhe ubomi ngenxa yam.

KUMAGALATI 2:20 ukholo UMsindisi ubomi

2013 Meyi 8, Lwesithathu

Amehlo ethu makathi ntsho kuYesu; kaloku síxhomekeke kuye isiqalo ndawonye nekamva lokholo lwethu. Ewe kaloku, yena wathi, ngenxa yenyhweba eyayimlindele, wawunyamezela umnqamlezo, walidela nehlazo lawo; kungokunje uhleli ewongeni kwibhotwe likaThixo.

KUMAHEBHERE 12:2 ukholo UMsindisi UYesu