Ukulunga (2/5)

Sondelani kuNkulunkulu, khona uyakusondela kinina. Hlanzani izandla nina zoni, nihlambulule izinhliziyo nina bonhliziyombili. EkaJakobe 4:8

ZUL59

Sondelani kuNkulunkulu, khona uyakusondela kinina. Hlanzani izandla nina zoni, nihlambulule izinhliziyo nina bonhliziyombili.
EkaJakobe 4:8 isibi ukuhlanzwa ukuphenduka
Ziningi izinhlupheko zolungileyo,
kepha uJehova uyamkhulula kuzo zonke.
AmaHubo 34:19 inhlupheko umhlengi inkululeko
Asikho isikhali esenzelwa wena esiyakuphumelela,
nalo lonke ulimi olukuvukelayo luyakwahlulelwa;
lokhu kuyifa lezinceku zikaJehova
nokulunga kwazo okuvela kimi, usho uJehova.
U-Isaya 54:17 ukwahlulela ukuvikela izithombe ezibaziweyo
Ngakho, vumani izono omunye komunye, nikhulekelane ukuba niphulukiswe. Umkhuleko oqinileyo wolungileyo unamandla kakhulu.
EkaJakobe 5:16 ukuphulukisa umkhuleko ukugula
Vula umlomo wakho,
wahlulele ngokulunga,
umele abahluphekayo nabampofu.
IzAga 31:9 ukukhuluma ukupha abafelokazi
Fundani ukwenza okuhle,
nifune ukwahlulela,
niqondise abacindezeli,
nahlulele izintandane,
nimele umfelokazi.
U-Isaya 1:17 umakhelwane abafelokazi izintandane
Phonsa phezu kukaJehova umthwalo wakho, uzakukuphasa;
akayikuvuma naphakade ukuba olungileyo azanyazanyiswe.
AmaHubo 55:22 thembekile ukuphepha
Kepha ukwahlulela makugobhoze njengamanzi,
nokulunga njengomfula onganqamukiyo.
U-Amose 5:24 umthetho
Ngakho awunakuzilandulela wena muntu, noma ungubani owahlulelayo, ngokuba ngalokho owahlulela ngakho omunye uyazilahla wena, ngokuba wena owahlulelayo uyakwenza khona lokho nawe.
KwabaseRoma 2:1 ukwahlulela umakhelwane
Ngokuba ukulunga kukaNkulunkulu kwambulwa kulo, kuvela ekukholweni, kuyisa ekukholweni, njengokulotshiweyo ukuthi: “Olungileyo uzakuphila ngokukholwa.”
KwabaseRoma 1:17 inkolo insindiso
Ngihole, Nkulunkulu,
wazi inhliziyo yami;
ngilinge, wazi imicabango yami,
ubone, uma kukhona indlela yosizi kimi,
ungiholele endleleni yaphakade.
AmaHubo 139:23-24 ukuphila okungunaphakade ubungcwele imicabango
Khona uyakuqonda ukulunga nokwahlulela,
neqiniso,
yebo, nezindlela zonke ezinhle.
IzAga 2:9 okuhle thembeka
Babusisiwe abazingelwa ngenxa yokulunga,
ngokuba umbuso wezulu ungowabo.
NgokukaMathewu 5:10 umbuso ushushiso
Ukutshelile, muntu, okuhle;
uJehova ufunani kuwe,
kungabi ngukwenza ukulunga kuphela nokuthanda umusa,
uhambe noNkulunkulu wakho ngokuthobeka, na?
UMika 6:8 umthetho ukuthobeka
Ukulunga kuyaphakamisa isizwe,
kepha ukona kuyihlazo kubantu.
IzAga 14:34 isibi
Ngokuba amehlo eNkosi aphezu kwabalungileyo,
izindlebe zayo zisekunxuseni kwabo,
kepha ubuso beNkosi buphezu kwabenza okubi.
1 kaPetru 3:12 umkhuleko ukulalela okubi
Okuncane kanye nokulunga kungcono
kunenzuzo enkulu kanye nokungalungi.
IzAga 16:8 imali ukwaneliseka thembeka
Ukulaya konke okwamanje kungathi akusikho okwentokozo, kepha kungokosizi, kodwa ngasemuva kuyabathelela isithelo esihle sokulunga labo abahlakahliswe yikho.
KumaHeberu 12:11 ukuthula izingane isijeziso
Ngokuba isiphetho somthetho nguKristu, kube ngukulunga kubo bonke abakholwayo.
KwabaseRoma 10:4 inkolo umthetho
Maningaboshelwa ejokeni linye nabangakholwayo, ngokuba kunakuhlanganyela kuni ukulunga nokungalungi na? Kunabudlelwane buni ukukhanya nobumnyama na?
2 kwabaseKorinte 6:14 umthetho ubudlelwano inkazimulo
Kepha manje kubonakalisiwe ukulunga okuvela kuNkulunkulu ngaphandle komthetho, kufakazelwa ngumthetho nabaprofethi, ngisho ukulunga kukaNkulunkulu ngokukholwa nguJesu Kristu kubo bonke abakholwayo; ngokuba akukho mahluko.
KwabaseRoma 3:21-22 inkolo umthetho isiprofetho
Ngomlomo umuntu
ongenaNkulunkulu ubulala umakhelwane wakhe,
kepha abalungileyo bayakhululwa ngokwazi.
IzAga 11:9 ukukhuluma inhlakanipho inhlebo
Okuncane anakho olungileyo kungcono
kunemfuyo yababi abaningi.
Ngokuba izingalo zababi ziyakwaphulwa,
kepha uJehova uyabaphasa abalungileyo.
AmaHubo 37:16-17 isibi imali
Uthanda ukulunga nokwahlulela;
umhlaba ugcwele umusa kaJehova.
AmaHubo 33:5 thembekile uthando
Ngokuba uNkulunkulu kasiye ongalungile ukuba akhohlwe umsebenzi wenu nothando enalubonakalisa ngakulo igama lakhe, lokhu nibakhonzile abangcwele, nisabakhonza.
KumaHeberu 6:10 umsebenzi ukukhonza