Famonjena (3/4)

Fa tahaka ny nanaovana ny maro ho mpanota noho ny tsi-fanarahan'ny olona… Romana 5:19

Fa tahaka ny nanaovana ny maro ho mpanota noho ny tsi-fanarahan'ny olona iray, no hanaovana ny maro ho marina kosa noho ny fanarahan'ny Anankiray.
Romana 5:19 rariny fankatoavana
Tahaka ny halavitry ny atsinanana amin'ny andrefana
No halavitry ny anesorany ny fahotantsika amintsika.
Salamo 103:12 fahotana
Fa fantatro fa ho tonga famonjena ahy izany noho ny fangatahanareo sy ny fanomezana ny Fanahin'i Jesosy Kristy.
Filipiana 1:19 Fanahy fivavahana
Fa amin'izany no anehoana fahamarinana avy amin'Andriamanitra avy amin'ny finoana sy ho amin'ny finoana, araka ny voasoratra hoe: Ny marina amin'ny finoana no ho velona.
Romana 1:17 finoana rariny
Izaho efa nandevona ny fahadisoanao tahaka ny fandevona ny zavona,
ary ny fahotanao tahaka ny rahona;
Koa miverena amiko, fa efa nanavotra anao Aho.
Isaia 44:22 fahotana fiovam-po mpanafaka
Fa Jehovah no Mpitsara antsika;
Jehovah no mpanome lalàna antsika;
Jehovah no mpanjakantsika;
Izy no hamonjy antsika.
Isaia 33:22 rariny fanjakana
Fa ataoko fa ny fahoriana amin'izao andro ankehitriny izao dia tsy tokony hoharina amin'ny voninahitra izay haseho amintsika.
Romana 8:18 fiainana mandrakizay fijaliana
Sady nahafaka antsika tamin'ny fahefan'ny maizina ka namindra antsika ho amin'ny fanjakan'ny Zanany malalany, Izay ananantsika fanavotana, dia ny famelana ny helotsika.
Kolosiana 1:13-14 satana Jesosy rà
Fa Jehovah manavotra ny fanahin'ny mpanompony,
ka tsy mba hisy hohelohina izay rehetra mialoka aminy.
Salamo 34:22 fiainana fiarovana fanompoana
Fa izao no lazain'ny Iray avo sy manerinerina,
izay monina mandrakizay, masina no anarany:
Ao amin'ny fitoerana avo sy masina no onenako,
ary ao amin'ny torotoro fo sy ny manetry tena,
hamelombelona ny fanahin'ny manetry tena
sy hamelombelona ny fon'ny torotoro fo.
Isaia 57:15 fahamasinana fiainana
Tsy izay rehetra manao amiko hoe: Tompoko, Tompoko, no hiditra amin'ny fanjakan'ny lanitra, fa izay manao ny sitrapon'ny Raiko Izay any an-danitra.
Matio 7:21 fankatoavana fanjakana lanitra
An'i Jehovah ny famonjena;
Ho amin'ny olonao anie ny fitahianao.
Salamo 3:8 fitahiana fiankinan-doha
Fa na iza na iza no ta-hamonjy ny ainy, dia hahavery ary; ary na iza na iza no hahavery ny ainy noho ny amiko sy ny filazantsara, dia hamonjy izany.
Marka 8:35 fitoriana ny filazantsara fiainana
Kanefa raha izaho, dia fantatro fa velona ny Mpanavotra ahy,
ka hitsangana any am-parany eo ambonin'ny vovoka Izy.
Joba 19:25 Mpamonjy ahiahy
Fa ianareo kosa dia taranaka voafidy, "fanjaka-mpisorona, firenena masina", olona nalain'Andriamanitra ho an'ny tenany mba hilazanareo ny hatsaran'ilay niantso anareo hiala tamin'ny maizina ho amin'ny fahazavany mahagaga.
1 Petera 2:9 fitoriana ny filazantsara fahamasinana fahazavana
Izay mamonjy anareo koa ankehitriny, dia ny batisa, izay tenan'io tandindona io,- tsy ny fanesorana ny fahalotoan'ny nofo anefa, fa ny fitadiavana ny fieritreretana tsara eo anatrehan'Andriamanitra, amin'ny nitsanganan'i Jesosy Kristy tamin'ny maty.
1 Petera 3:21 batisa fanadiovana fitsanganana amin'ny maty
Fa ny Zanak'olona tsy tonga mba hotompoina, fa mba hanompo ka hanolotra ny ainy ho avotra hisolo ny maro.
Marka 10:45 fanetren-tena Jesosy sorona
Fa izaho kosa dia hanandrandra an'i Jehovah,
Eny, hiandry an'Andriamanitry ny famonjena ahy aho;
Andriamanitro no hihaino ahy.
Mika 7:7 fanantenana mihaino
Ary Jesosy nijery azy ka nanao taminy hoe: Tsy hain'ny olona izany, fa hain'Andriamanitra ny zavatra rehetra.
Matio 19:26 fahagagana mahatakatra
Izy tokoa no vatolampiko sy famonjena ahy,
dia fiarovana avo ho ahy ka tsy hangozohozo loatra aho.
Salamo 62:2 fiarovana fitokisana filaminana
Ry Jehovah, Andriamanitry ny maro ô, ampodio izahay;
ampamirapirato ny tavanao, ary aoka hovonjena Izahay.
Salamo 80:19 fiankinan-doha andriamanitra lehibe fahazavana
Akory ny hatsaran'ny tongotr'iry mitondra teny soa mahafaly erỳ an-tendrombohitra sady mitory fiadanana! Dia izay mitondra teny soa mahafaly sady mitory famonjena, eny, izay manao amin'i Ziona hoe: Mpanjaka Andriamanitrao!
Isaia 52:7 fiadanana fanjakana
Ary nantsoiny hanatona Azy ny vahoaka mbamin'ny mpianany, dia hoy Izy taminy: Raha misy ta-hanaraka Ahy, dia aoka izy handà ny tenany sy hitondra ny hazo fijaliany ka hanaraka Ahy.
Marka 8:34 Jesosy fanarahana fitiavan-tena
Fa tahaka ny zaza vao teraka dia maniria ny rononom-panahy tsy misy fitaka, mba hitomboanareo amin'izany ho amin'ny famonjena.
1 Petera 2:2 hanina Tenin'Andriamanitra fahaterahana indray
Tsy mahafoana ny fahasoavan'Andriamanitra aho; fa raha avy amin'ny lalàna ny fahamarinana, dia maty foana Kristy.
Galatiana 2:21 fahasoavana rariny lalàna