Ingobo yomlando (Februwari 2013)

ULwesine, Februwari 28, 2013

Ongasazanga isono wamenza isono ngenxa yethu, ukuze kuyena senziwe sibe ngukulunga kukaNkulunkulu.

2 kwabaseKorinte 5:21 isibi ukulunga umlamuli

ULwesithathu, Februwari 27, 2013

Kepha yazithwala izifo zethu,
yabetshatha ubuhlungu bethu,
kodwa thina sathi ijezisiwe,
ishaywe nguNkulunkulu, ihlushiwe.

U-Isaya 53:4 inhlupheko UJesu ukugula

ULwesibili, Februwari 26, 2013

Yebo, yalinyazwa ngenxa yeziphambeko zethu,
yachotshozwa ngobubi bethu;
isijeziso sasiphezu kwayo ukuba sibe nokuthula,
nangemivimbo yayo siphilisiwe thina.

U-Isaya 53:5 isibi UJesu ukuphulukisa

UMsombuluko, Februwari 25, 2013

Yizwa, Israyeli: uJehova uNkulunkulu wethu, uJehova, munye; wothanda uJehova uNkulunkulu wakho ngayo yonke inhliziyo yakho, nangawo wonke umphefumulo wakho, nangawo onke amandla akho.

UDuteronomi 6:4-5 umthetho uthando UNkulunkulu

ISonto, Februwari 24, 2013

Osibekela isiphambeko ufuna uthando,
kepha onokondisa indaba wahlukanisa abahlobo.

IzAga 17:9 intethelelo ubungani

UMgqibelo, Februwari 23, 2013

Thina siyathanda, ngokuba yena wasithanda kuqala.

1 kaJohane 4:19 uthando UNkulunkulu

ULwesihlanu, Februwari 22, 2013

Ngokuba uNkulunkulu akasiphanga umoya wobugwala, kepha owamandla, nowothando, nowokuzikhuza.

2 kuThimothewu 1:7 uthando ukuzithiba amandla

ULwesine, Februwari 21, 2013

Olandela ukulunga nomusa
uyafumana ukuphila, nokulunga, nodumo.

IzAga 21:21 uthando ukulunga ukuphila

ULwesithathu, Februwari 20, 2013

Kepha ngithi: Hambani ngoMoya, khona aniyikufeza izinkanuko zenyama.

KwabaseGalathiya 5:16 isibi UMoya izifiso

ULwesibili, Februwari 19, 2013

UJehova ungakimi, angiyikwesaba;
umuntu angangenzani na?

AmaHubo 118:6 uvalo ukuvikela

UMsombuluko, Februwari 18, 2013

Funani okuhle, hhayi okubi,
ukuze niphile,
abe nani uJehova uNkulunkulu Sebawoti kanjalo,
njengalokhu nisho.

U-Amose 5:14 ubungcwele umvuzo ukufuna

ISonto, Februwari 17, 2013

Ngalokho zibopheni izinkalo zengqondo yenu, nizithibe, nethembe ngokupheleleyo umusa enizakuwabelwa ekwambulweni kukaJesu Kristu.

1 kaPetru 1:13 umusa UJesu UMoya

UMgqibelo, Februwari 16, 2013

Ukutshelile, muntu, okuhle;
uJehova ufunani kuwe,
kungabi ngukwenza ukulunga kuphela nokuthanda umusa,
uhambe noNkulunkulu wakho ngokuthobeka, na?

UMika 6:8 umthetho ukulunga ukuthobeka

ULwesihlanu, Februwari 15, 2013

Ngokuba umusa kaNkulunkulu wokusindisa ubonakalisiwe kubantu bonke; uyasifundisa ukuba sidele ukungakholwa nezinkanuko zezwe, sihambe ngokuqonda, nangokulunga, nangokumesaba uNkulunkulu kulesi sikhathi samanje.

KuThithu 2:11-12 umusa ukulunga insindiso

ULwesine, Februwari 14, 2013

Kanjalo uma umuntu ekuKristu, uyisidalwa esisha; okwakuqala kudlulile; bheka, sekuvele okusha.

2 kwabaseKorinte 5:17 indalo UJesu ukuzalwa kabusha

ULwesithathu, Februwari 13, 2013

Esakhuluma, bheka ifu elikhanyayo labasithibeza; bheka, kwavela izwi efwini, lathi: “Lo uyiNdodana yami ethandekayo engithokozile ngayo; yizweni.”

NgokukaMathewu 17:5 UNkulunkulu injabulo UJesu

ULwesibili, Februwari 12, 2013

Umuntu angahamba phezu
kwamalahle avuthayo,
izinyawo zakhe zingahanguki, na?

IzAga 6:28 isilingo izifiso

UMsombuluko, Februwari 11, 2013

Ningasebenzeli ukudla okuphelayo kepha ukudla okuhlala kuze kube ngukuphila okuphakade, eyakunipha khona iNdodana yomuntu, ngokuba uYise uNkulunkulu ubekile uphawu kuyona.

NgokukaJohane 6:27 ukuphila okungunaphakade UJesu ukudla

ISonto, Februwari 10, 2013

Ukuba ngize kini ngokuthokoza, ngentando kaNkulunkulu, ngiphumule kanye nani.

KwabaseRoma 15:32 ukulalela umthetho injabulo ukuncika

UMgqibelo, Februwari 9, 2013

UNkulunkulu unguMoya; abakhuleka kuye bafanele ukukhuleka ngomoya nangeqiniso.

NgokukaJohane 4:24 iqiniso khulekela UMoya

ULwesihlanu, Februwari 8, 2013

Ngokuba nganelisile imiphefumulo eyethileyo, ngigcwalisile yonke imiphefumulo enosizi.

UJeremiya 31:25 ukuphepha umphefumulo

ULwesine, Februwari 7, 2013

Yiyona ewakhayo amakamelo ayo aphezulu ezulwini,
isekele igobela lawo emhlabeni;
yiyona ewabizayo amanzi olwandle,
iwathululele ebusweni bomhlaba;
nguJehova igama layo.

U-Amose 9:6 indalo UNkulunkulu izulu

ULwesithathu, Februwari 6, 2013

Ningenzi lutho ngombango nangodumo lwezwe; kepha ngokuthobeka nishaye sengathi abanye bakhulu kunani.

KwabaseFilipi 2:3 ubugovu ukuthobeka umakhelwane

ULwesibili, Februwari 5, 2013

Odlayo angamdeleli ongadliyo, ongadliyo angamahluleli odlayo, ngokuba uNkulunkulu umamukele.

KwabaseRoma 14:3 ukwahlulela ukudla

UMsombuluko, Februwari 4, 2013

Kepha obuthakathaka ekukholweni mamukeleni, kungabi ngokwahlulela ngezizindlo.

KwabaseRoma 14:1 inkolo umphakathi

ISonto, Februwari 3, 2013

Ngakho siyakuthini na? Umthetho uyisono na? Qha nakanye; kepha bengingasazanga isono, uma bekungengomthetho; ngokuba ukufisa bengingakwazanga, uma umthetho ubungashongo ukuthi: “Ungafisi.”

KwabaseRoma 7:7 isibi umthetho izifiso