Ingobo yomlando (Novemba 2014)

ISonto, Novemba 30, 2014

Kepha abamethembayo uJehova
bayathola amandla amasha,
bayakhuphuka ngamaphiko njengezinkozi,
bagijime bengakhathali,
bahambe bengapheli amandla.

U-Isaya 40:31 ngiyethemba isikhuthazo amandla

UMgqibelo, Novemba 29, 2014

Ngakho-ke njengabakhethiweyo bakaNkulunkulu, abangcwele nabathandekayo, yembathani ububele benhliziyo, nesisa, nokuzithoba, nobumnene, nokubheka kade.

KwabaseKolose 3:12 ukuthobeka ubumnene ukubekezela

ULwesihlanu, Novemba 28, 2014

Ngokuba njengamazulu ephakeme kunomhlaba,
kanjalo izindlela zami ziphakeme kunezindlela zenu,
nemicabango yami kunemicabango yenu.

U-Isaya 55:9 ukuhlela ukuqonda izulu

ULwesine, Novemba 27, 2014

Ngubani ozakusahlukanisa nothando lukaKristu na? Noma ukuhlupheka, noma ukubandezeka, noma ukuzingelwa, noma indlala, noma ukuhamba ze, noma ingozi, noma inkemba, na?

KwabaseRoma 8:35 uthando inhlupheko ushushiso

ULwesithathu, Novemba 26, 2014

Ngokuba ongifumanayo,
ufumana ukuphila,
azuze umusa kuJehova.

IzAga 8:35 ukuphila okungunaphakade UNkulunkulu inhlakanipho

ULwesibili, Novemba 25, 2014

Umuntu omuhle uveza okuhle emfuyweni enhle yenhliziyo, nomubi uveza okubi emfuyweni embi; ngokuba umlomo wakhe ukhuluma ngokuchichima kwenhliziyo.

NgokukaLuka 6:45 isibi ukukhuluma isibusiso

Ngiyakuthanda, Jehova,
mandla ami.
Jehova uyidwala lami, nenqaba yami, nomkhululi wami;
uNkulunkulu wami uyidwala lami engiphephela kulo,
nesihlangu sami,
nophondo lokusindiswa kwami,
inqaba yami ephakemeyo.

AmaHubo 18:1-2 insindiso amandla umhlengi

ISonto, Novemba 23, 2014

Simelwe ukumbonga njalo uNkulunkulu ngani bazalwane, njengokuba kufanele, ngokuba inkolo yenu iyanda kakhulu, nothando lwenu nonke omunye komunye luyakhula.

2 kwabaseThesalonika 1:3 inkolo uthando ukubonga

UMgqibelo, Novemba 22, 2014

Kepha makacele ngokukholwa engangabazi ngalutho; ngokuba ongabazayo unjengedlambi lolwandle eliqhutshwa, ligujiswa ngumoya.

EkaJakobe 1:6 ukwethemba inkolo umkhuleko

ULwesihlanu, Novemba 21, 2014

Niyakumkhonza uJehova uNkulunkulu wenu, abusise ukudla kwenu namanzi enu; ngiyakususa izifo phakathi kwenu.

U-Eksodusi 23:25 khulekela isibusiso ukugula

ULwesine, Novemba 20, 2014

Elokugcina, qinani eNkosini nasemandleni ayo amakhulu.

Kwabase-Efesu 6:10 UNkulunkulu amandla ukufuna

ULwesithathu, Novemba 19, 2014

Noma ngabela abampofu konke enginakho, noma nginikela umzimba wami ukuba ushiswe, kepha ngingenalo uthando, akungisizi ngalutho.

1 kwabaseKorinte 13:3 uthando inhlupheko ukupha

ULwesibili, Novemba 18, 2014

Kepha mina ngizakuhlabelela ngamandla akho,
ngethabele umusa wakho ekuseni,
ngokuba uyinqaba yami,
nesiphephelo ngosuku lokuhlupheka kwami.

AmaHubo 59:16 thembekile amandla ukuvikela

UMsombuluko, Novemba 17, 2014

UNkulunkulu wethemba makanigcwalise ngenjabulo yonke nangokuthula konke ekukholweni, ukuze nivame ethembeni ngamandla kaMoya oNgcwele.

KwabaseRoma 15:13 inkolo UMoya ngiyethemba

ISonto, Novemba 16, 2014

Noma ngikhuluma ngezilimi zabantu nezezingelosi, kepha ngingenalo uthando, ngiyithusi elikhencezayo nensimbi encencethayo.

1 kwabaseKorinte 13:1 uthando ukukhuluma izingelosi

UMgqibelo, Novemba 15, 2014

Nina enithanda uJehova zondani okubi;
uyagcina imiphefumulo yabamkhonzayo;
uyabasindisa ezandleni zababi.

AmaHubo 97:10 thembekile umhlengi okubi

ULwesihlanu, Novemba 14, 2014

Ningenzi lutho ngombango nangodumo lwezwe; kepha ngokuthobeka nishaye sengathi abanye bakhulu kunani.

KwabaseFilipi 2:3 ubugovu ukuthobeka umakhelwane

ULwesine, Novemba 13, 2014

Ngokuba asibambene negazi nenyama, kodwa sibambene nemibuso, namandla, nababusi bezwe balobu bumnyama, nabawomoya bobubi emkhathini.

Kwabase-Efesu 6:12 UMoya izulu okubi

ULwesithathu, Novemba 12, 2014

Ngalokho bonke bayakukwazi ukuthi ningabafundi bami, uma nithandana.

NgokukaJohane 13:35 uthando ukuvangela ukulandela

ULwesibili, Novemba 11, 2014

Uthanda ukulunga nokwahlulela;
umhlaba ugcwele umusa kaJehova.

AmaHubo 33:5 thembekile uthando ukulunga

UMsombuluko, Novemba 10, 2014

Uthando luyabekezela, uthando lumnene, alunamhawu, uthando aluzigabisi, aluzikhukhumezi; aluziphathi ngokungafanele, aluzifuneli okwalo, alucunuki, alunagqubu.

1 kwabaseKorinte 13:4-5 uthando ukubekezela intukuthelo

ISonto, Novemba 9, 2014

Uthando alwenzi okubi kumakhelwane; ngakho-ke uthando lungukugcwaliseka komthetho.

KwabaseRoma 13:10 umthetho uthando umakhelwane

UMgqibelo, Novemba 8, 2014

Fundani ukwenza okuhle,
nifune ukwahlulela,
niqondise abacindezeli,
nahlulele izintandane,
nimele umfelokazi.

U-Isaya 1:17 ukulunga umakhelwane abafelokazi

ULwesihlanu, Novemba 7, 2014

Yenzani konke ngokungakhononi nokungangabazi, ukuze nibe ngabangasolekiyo nabangenacala, abantwana bakaNkulunkulu abangenasici phakathi kwesizukulwane esiyisigwegwe nesiphambeneyo, enikhanya phakathi kwaso njengezinkanyiso ezweni, nibambelele ezwini lokuphila.

KwabaseFilipi 2:14-16a ubungcwele IZwi likaNkulunkulu ukuphila