Ingobo yomlando (Februwari 2014)

ULwesihlanu, Februwari 28, 2014

Ukuthandwa komuntu kubangwa ngumusa wakhe;
ompofu ungcono kunomuntu wamanga.

ULwesine, Februwari 27, 2014

Lokho ngikukhulume kini ukuba nibe nokuthula kimi. Ezweni niyakuba lusizi, kepha yimani isibindi, mina ngilinqobile izwe.

NgokukaJohane 16:33 isikhuthazo ukuthula ukunqoba

ULwesithathu, Februwari 26, 2014

Babusisiwe abagcina ubufakazi bakhe,
abamfuna ngenhliziyo yonke.

AmaHubo 119:2 isibusiso ukufuna inhliziyo

ULwesibili, Februwari 25, 2014

Khona uJesu wathi kubaJuda abase bekholiwe nguye: “Uma nimi ezwini lami, ningabafundi bami isibili; niyakulazi iqiniso, neqiniso liyakunikhulula.”

NgokukaJohane 8:31-32 iqiniso IZwi likaNkulunkulu ukulandela

UMsombuluko, Februwari 24, 2014

Yebo, ukumesaba uNkulunkulu kanye nokwaneliswa kuyinzuzo enkulu.

1 kuThimothewu 6:6 inkolo injabulo ukuthanda izinto ezibambekayo

ISonto, Februwari 23, 2014

Okokugcina, manibe nhliziyonye nonke, nihawukelane, nithandane ngokwabazalwane, nibe nobubele nokuthobeka.

1 kaPetru 3:8 ukuthobeka umphakathi umakhelwane

UMgqibelo, Februwari 22, 2014

Ngokuba kuKristu Jesu akusizi lutho ukusoka nokungasoki, kepha kuphela ukukholwa okusebenza ngothando.

KwabaseGalathiya 5:6 inkolo uthando UJesu

ULwesihlanu, Februwari 21, 2014

Ngakho-ke njengokuba sinethuba, asenze okuhle kubo bonke, kepha ikakhulu kwabendlu yokukholwa.

KwabaseGalathiya 6:10 ubumnene umakhelwane okuhle

ULwesine, Februwari 20, 2014

Ngokuba isiphetho somthetho nguKristu, kube ngukulunga kubo bonke abakholwayo.

KwabaseRoma 10:4 inkolo umthetho ukulunga

ULwesithathu, Februwari 19, 2014

Ngokuba anginamahloni ngevangeli; ngokuba lingamandla kaNkulunkulu, kube yinsindiso kulowo nalowo okholwayo, kumJuda kuqala, nakumGreki.

KwabaseRoma 1:16 inkolo ukuvangela insindiso

ULwesibili, Februwari 18, 2014

Ziphingi, anazi yini ukuthi ukuthanda izwe kungubutha kuNkulunkulu na? Ngakho lowo othanda ukuba ngumhlobo wezwe, umi eyisitha sikaNkulunkulu.

EkaJakobe 4:4 isibi UNkulunkulu ubungani

UMsombuluko, Februwari 17, 2014

Kuvunyelwe konke, kodwa akusizi konke; kuvunyelwe konke, kodwa akwakhi konke.

1 kwabaseKorinte 10:23 umthetho okuhle ukulunga

ISonto, Februwari 16, 2014

Ngihawukele, Nkulunkulu,
ngokomusa wakho;
yesula iziphambeko zami ngokobubele bakho obukhulu.
Ngigezisise ebubini bami,
ungihlanze esonweni sami.

AmaHubo 51:1-2 isibi isihe ukuhlanzwa

UMgqibelo, Februwari 15, 2014

Ulimi oluthulayo lungumuthi wokuphila,
kepha ukuphambanisa kwalo kungukuchotshozwa komoya.

IzAga 15:4 ukukhuluma UMoya ukuqamba amanga

ULwesihlanu, Februwari 14, 2014

Kalokhu-ke mina Nebukadinesari ngiyatusa, ngiyaphakamisa, ngiyidumisa iNkosi yezulu, ngokuba yonke imisebenzi yayo iyiqiniso, nezindlela zayo zingukwahlulela; abahamba ngokuzidla inamandla okubathobisa.

UDaniyeli 4:37 ukulunga ukuthobeka khulekela

ULwesine, Februwari 13, 2014

Uma-ke kukhona kini oswela ukuhlakanipha, makacele kuNkulunkulu obapha bonke ngobuhle engajakadi, khona uyakuphiwa.

EkaJakobe 1:5 inhlakanipho ukwamukela isisa

ULwesithathu, Februwari 12, 2014

Funani uJehova namandla akhe,
nifunisise ubuso bakhe njalo.

1 iziKronike 16:11 amandla ukufuna ukusondela

ULwesibili, Februwari 11, 2014

Ngokuba usuku lunye emagcekeni akho
luhle kunezinye eziyizinkulungwane.
Ngiyakhetha ukulinda emnyango wendlu kaNkulunkulu wami
kunokuhlala ematendeni ababi.

AmaHubo 84:10 isibi ukusondela

UMsombuluko, Februwari 10, 2014

Konke okuphefumulayo makudumise uJehova.
Haleluya!

AmaHubo 150:6 khulekela indumiso

ISonto, Februwari 9, 2014

Ngakho awunakuzilandulela wena muntu, noma ungubani owahlulelayo, ngokuba ngalokho owahlulela ngakho omunye uyazilahla wena, ngokuba wena owahlulelayo uyakwenza khona lokho nawe.

KwabaseRoma 2:1 ukulunga ukwahlulela umakhelwane

UMgqibelo, Februwari 8, 2014

Ngokuba lapho kukhona umhawu nombango, kukhona isiyaluyalu nezenzo zonke ezimbi.

EkaJakobe 3:16 isibi ubugovu okubi

ULwesihlanu, Februwari 7, 2014

Nkulunkulu, wena unguNkulunkulu wami,
ngiyakufuna ekuseni;
umphefumulo wami womele wena;
inyama yami ilangazelela wena
ezweni elomileyo eligagadekileyo,
lapho amanzi engekho khona.

AmaHubo 63:1 khulekela ukufuna umphefumulo

ULwesine, Februwari 6, 2014

Ningathandi izwe nezinto ezisezweni. Uma umuntu ethanda izwe, uthando lukaYise alukho kuye.

1 kaJohane 2:15 isibi uthando UBaba

ULwesithathu, Februwari 5, 2014

Kepha wena khuluma lokhu okufanele isifundiso esiphilileyo.

KuThithu 2:1 ukukhuluma ukuvangela ukufunda

ULwesibili, Februwari 4, 2014

Manje-ke, Israyeli, uJehova uNkulunkulu wakho ufunani kuwe ngaphandle kokuba umesabe uJehova uNkulunkulu wakho, uhambe ngezindlela zakhe zonke, umthande, umkhonze uJehova uNkulunkulu wakho ngayo yonke inhliziyo yakho, nangawo wonke umphefumulo wakho, ugcine imiyalo kaJehova nezimiso zakhe engakuyala ngakho ngalolo suku ukuba kube kuhle kuwe, na?

UDuteronomi 10:12-13 umthetho mangala isibusiso