Zoma 28 Febroary 2014
Fifaliana amin'ny olona ny manisy soa;Ary aleo ho malahelo toy izay ho mpandainga.
Alakamisy 27 Febroary 2014
Izany teny izany efa nolazaiko taminareo mba hanananareo fiadanana amiko. Atỳ amin'izao tontolo izao no ahitanareo fahoriana; nefa matokia; Izaho efa naharesy izao tontolo izao.Alarobia 26 Febroary 2014
Sambatra izay mitandrina ny teni-vavolombelonyKa mitady Azy amin'ny fo rehetra.
Talata 25 Febroary 2014
Dia hoy Jesosy tamin'ny Jiosy izay nino Azy: Raha maharitra amin'ny teniko ianareo, dia ho mpianatro tokoa; ka ho fantatrareo ny marina, ary ny marina hahafaka anareo tsy ho andevo.Alatsinainy 24 Febroary 2014
Fa misy tombony lehibe tokoa ny toe-panahy araka an'Andriamanitra omban'ny fianinana.Alahady 23 Febroary 2014
Farany, miraisa saina ianareo rehetra. ka miaraha ory, mifankatiava tahaka ny mpirahalahy, mifamindrà fo, manetre tena.Asabotsy 22 Febroary 2014
Fa ao amin'i Kristy Jesosy dia tsy mahasoa na ny famorana na ny tsi-famorana, fa ny finoana izay miasa amin'ny fitiavana.Zoma 21 Febroary 2014
Koa araka ny ananantsika andro hanaovana, dia aoka isika hanao soa amin'ny olona rehetra, indrindra fa amin'ny mpianakavin'ny finoana.Alakamisy 20 Febroary 2014
Fa Kristy no faran'ny lalàna ho fahamarinana ho an'izay rehetra mino.Alarobia 19 Febroary 2014
Fa tsy menatra ny filazantsara aho; fa herin'Andriamanitra ho famonjena izay rehetra mino izany, amin'ny Jiosy aloha, dia vao amin'ny jentilisa koa.Talata 18 Febroary 2014
Ry mpisintaka mijangajanga, tsy fantatrareo va fa fandrafiana an'Andriamanitra ny fisakaizana amin'izao tontolo izao? Koa na iza na iza te-ho sakaizan'izao tontolo izao, dia fahavalon'Andriamanitra izy.Alatsinainy 17 Febroary 2014
Ny zavatra rehetra azo atao, nefa tsy ny zavatra rehetra no mahasoa; ny zavatra rehetra azo atao, nefa tsy ny zavatra rehetra no mampandroso.Alahady 16 Febroary 2014
Mamindrà fo amiko, Andriamanitra ô,araka ny fahasoavanao;
araka ny haben'ny fiantranao
vonoy ny fahadisoako.
Sasao madio aho mba ho afa-keloka,
ary diovy aho mba ho afa-pahotana.
Asabotsy 15 Febroary 2014
Ny teny malemy dia hazon'aina;Fa ny vava ratsy mandratra ny fanahy.
Zoma 14 Febroary 2014
Koa amin'izany, izaho Nebokadnezara midera sy manandratra ary mankalaza ny Mpanjakan'ny lanitra; marina avokoa ny asany rehetra, ary araka ny rariny ny lalany; ary izay mandeha amin'ny fiavonavonana dia hainy aetry.Alakamisy 13 Febroary 2014
Ary raha misy ianareo tsy manam-pahendrena, aoka izy hangataka amin'Andriamanitra, Izay manome malalaka ho an'ny olona rehetra sady tsy mandatsa; ary dia homena azy izany.Alarobia 12 Febroary 2014
Mitadiava an'i Jehovah sy ny heriny,Katsaho mandrakariva ny tavany.
Talata 11 Febroary 2014
Fa ny indray andro eo an-kianjanao dia tsara noho ny arivo;aleoko mipetraka eo amin'ny tokonam-baravaran'ny tranon'Andriamanitra,
toy izay mitoetra ao an-dain'ny ratsy fanahy.
Alatsinainy 10 Febroary 2014
Aoka izay rehetra manam-pofonaina samy hidera an'i Jehovah.Haleloia.
Alahady 9 Febroary 2014
Koa amin'izany dia tsy manan-kalahatra ianao, ralehilahy, na zovy na zovy ianao izay mitsara; fa izay itsaranao ny sasany no anamelohanao ny tenanao koa, fa ianao izay mitsara aza dia mba manao izany ihany koa.Asabotsy 8 Febroary 2014
Fa izay misy fialonana sy fifampiandaniana dia misy fikorontanana mbamin izay asa ratsy rehetra.Zoma 7 Febroary 2014
ANDRIAMANITRA ô, Andriamanitro Hianao;mitady Anao fatratra aho;
mangetaheta Anao ny fanahiko,
maniry Anao ny nofoko,
eto amin'ny tany maina
sy mangentana tsy misy rano.
Alakamisy 6 Febroary 2014
Aza tia izao tontolo izao, na izay zavatra eo amin'izao tontolo izao. Raha misy olona tia izao tontolo izao dia tsy ao anatiny ny fitiavana ny Ray.Alarobia 5 Febroary 2014
Fa ianao kosa dia milazà izay miendrika ny fampianarana tsy misy kilema.Talata 4 Febroary 2014
Ary ankehitriny, ry Isiraely ô, inona moa no ilain'i Jehovah Andriamanitrao aminao, afa-tsy ny hatahotra an'i Jehovah Andriamanitrao sy ny handeha amin'ny lalany rehetra ary ny ho tia Azy sy hanompo an'i Jehovah Andriamanitrao amin'ny fonao rehetra sy ny fanahinao rehetra, hitandrina ny didin'i Jehovah sy ny lalàny izay andidiany anao anio, mba hahita soa ianao?Alatsinainy 3 Febroary 2014
Nahoana no mitanondrika ianao, ry fanahiko?ary nahoana no mitoloko ato anatiko ianao?
Manantenà an'Andriamanitra,
fa mbola hidera Azy ihany aho,
Izy no famonjena ny tavako sady Andriamanitro.
Alahady 2 Febroary 2014
Ny fahatahorana an'i Jehovah dia fananarana mampahahendry;Ary ny fanetren-tena mialoha ny fisandratana.
Asabotsy 1 Febroary 2014
Efa noraisiko ho lovako mandrakizay ny teni-vavolombelonao,Satria fifalian'ny foko izany.
Lohahevitra mifandraika amin'izany
Fitiavana
Ny fitiavana mahari-po sady...
Fanantenana
Fa Izaho mahalala ny...
Finoana
Koa lazaiko aminareo: Na...
Ankohonana
Ary aoka ho ao...
Fiankohofana
Jehovah ô, Andriamanitro Hianao...
Fivavahana
Mifalia mandrakariva. Mivavaha, ka...