Inhliziyo (2/3)

Babusisiwe abagcina ubufakazi bakhe, abamfuna ngenhliziyo yonke. AmaHubo 119:2

ZUL59

Babusisiwe abagcina ubufakazi bakhe,
abamfuna ngenhliziyo yonke.
AmaHubo 119:2 isibusiso ukufuna
Ngiqinisile ngithi kini: Yilowo nalowo oyakuthi kule ntaba: ‘Nqukuleka, uphonseke elwandle,’ engangabazi enhliziyweni yakhe kepha ekholwa ukuthi lokho akushoyo kuyenzeka, uzakuba nakho.
NgokukaMarku 11:23 ukwethemba inkolo
Ngiyakukubonga ngobuqotho benhliziyo,
lapho ngifunda izahlulelo zakho ezilungileyo.
AmaHubo 119:7 umthetho khulekela indumiso
Ukukhathazeka enhliziyweni yomuntu kuyayithobisa,
kepha izwi elihle liyayithokozisa.
IzAga 12:25 ukukhuluma ukukhathazeka
Ngifake njengophawu enhliziyweni yakho,
njengophawu engalweni yakho,
ngokuba uthando lunamandla njengokufa;
isikhwele silukhuni njengendawo yabafileyo;
amalangabi alo angamalangabi omlilo,
ilangabi likaJehova.
IsiHlabelelo seziHlabelelo 8:6 uthando ukufa
Xwayani, bazalwane, ukuba nakoyedwa kini kungabikho nhliziyo embi, engakholwayo, emhlubukisa kuNkulunkulu ophilayo.
KumaHeberu 3:12 intukuthelo okubi umakhelwane
Ithemba elilitshazisiweyo ligulisa inhliziyo;
isifiso esigcwalisiweyo singumuthi wokuphila.
IzAga 13:12 ngiyethemba ukuphila ukugula
Qaphelisisani kuphela ukwenza imiyalo nomthetho aniyala ngakho uMose inceku kaJehova ukuba nimthande uJehova uNkulunkulu wenu, nihambe kuzo zonke izindlela zakhe, nigcine imiyalo yakhe, ninamathele kuye, nimkhonze ngayo yonke inhliziyo yenu nangawo wonke umphefumulo wenu.
UJoshuwa 22:5 umthetho umphefumulo ukukhonza
Enhliziyweni yami ngiyalonda izwi lakho,
ukuze ngingoni kuwe.
AmaHubo 119:11 IZwi likaNkulunkulu isibi
Kepha ngiwuthembile umusa wakho;
inhliziyo yami izakwethaba ngensindiso yakho;
ngizakuhlabelela kuJehova,
ngokuba ungenzele okuhle.
AmaHubo 13:5-6 ukwethemba khulekela ukucula
Ithemba alijabhisi, ngokuba uthando lukaNkulunkulu lutheliwe ezinhliziyweni zethu ngoMoya oNgcwele esimuphiweyo.
KwabaseRoma 5:5 ngiyethemba UMoya uthando
Hamba udle isinkwa sakho ngentokozo, uphuze iwayini ngenhliziyo enhle, ngokuba uNkulunkulu usevumile imisebenzi yakho.
UmShumayeli 9:7 injabulo ukudla ukuphila
Niklebhule inhliziyo yenu,
hhayi izingubo zenu,
niphendukele kuJehova uNkulunkulu wenu,
ngokuba yena unomusa,
unobumnene,
wephuza ukuthukuthela,
unesihe esikhulu,
uhawukela nomubi.
UJoweli 2:13 umusa uthando thembekile
Ngifundise, Jehova, indlela yakho;
ngiyakuhamba eqinisweni lakho;
yenza inhliziyo yami iqonde ntonye,
yesabe igama lakho.
AmaHubo 86:11 ukufunda iqiniso thembekile
Ngidlile ifa lobufakazi bakho kuze kube phakade,
ngokuba kuyintokozo yenhliziyo yami.
AmaHubo 119:111 umthetho injabulo
Ndodana yami, lalela amazwi ami,
ubeke indlebe yakho kukho ukukhuluma kwami.
Makungachezuki emehlweni akho,
ukugcine phakathi kwenhliziyo yakho.
IzAga 4:20-21 ukulalela IZwi likaNkulunkulu ukulalela umthetho
Ndodana yami,
uma inhliziyo yakho ihlakanipha,
inhliziyo yami iyakuthokoza,
yebo, eyami.
IzAga 23:15 inhlakanipho injabulo umndeni
Wayesethi kubo: “Kanti nani ningabangaqondiyo na? Aniqondi yini ukuthi konke okungaphandle okungena kumuntu kungemngcolise na? Ngokuba akungeni enhliziyweni yakhe, kodwa kungena esiswini, kuphumele ngaphandle, kuhlambulula ukudla konke.”
NgokukaMarku 7:18-19 ukudla umzimba
“Kepha manje,” usho uJehova,
“phendukelani kimi ngenhliziyo yenu yonke,
nangokuzila ukudla, nangokukhala,
nangokulila.”
UJoweli 2:12 ukuguqulwa ukuzila ukudla ukudabuka
Noma impi imisa ngakimi,
inhliziyo yami ayesabi;
noma ngivukelwa ngukulwa,
nokho nginethemba.
AmaHubo 27:3 uvalo ukwethemba ukuphepha
Thobisela inhliziyo yami ebufakazini bakho,
kungabi sekuhaheni.
AmaHubo 119:36 umthetho ukwemana ubugovu
Ngiyakumbonga uJehova ngayo yonke inhliziyo yami;
ngiyakulanda zonke izimangaliso zakho.
AmaHubo 9:1 khulekela ukubonga izimangaliso
Nizwile kwathiwa: ‘Ungaphingi.’ Kepha mina ngithi kini: Yilowo nalowo obuka owesifazane, amkhanuke, usephingile naye enhliziyweni yakhe.
NgokukaMathewu 5:27-28 umshado izifiso isibi
Futhi ukuyithanda yona ngenhliziyo yonke, nangengqondo yonke, nangamandla onke, nokuthanda umakhelwane njengalokhu umuntu ezithanda yena kudlula yonke iminikelo yokushiswa nemihlatshelo.
NgokukaMarku 12:33 ingqondo amandla uthando
Bhekani, namuhla ngiyahamba indlela yomhlaba wonke; niyazi ezinhliziyweni zenu zonke nasemiphefumulweni yenu yonke ukuthi akuphuthanga nento eyodwa kuzo zonke izinto ezinhle azikhuluma uJehova uNkulunkulu wenu ngani; kwenziwa konke kini, akuphuthanga nento eyodwa kukho.
UJoshuwa 23:14 thembekile umphefumulo ukufa