UNkulunkulu (3/4)

Kungakaveli izintaba, ungakawenzi umhlaba nezwe, kuthi kusukela phakade kuze kube phakade wena Nkulunkulu ukhona. AmaHubo 90:2

ZUL59

Kungakaveli izintaba,
ungakawenzi umhlaba nezwe,
kuthi kusukela phakade kuze kube phakade
wena Nkulunkulu ukhona.
AmaHubo 90:2 indalo ukuqonda
Igama likaJehova lingumbhoshongo onamandla;
olungileyo ugijimela kuwo, alondeke.
IzAga 18:10 ukuphepha ukuvikela
Ngalokho siyazi ukuthi sihlala kuye, naye kithi, ngokuba usiphile okukaMoya wakhe.
1 kaJohane 4:13 UMoya ukusondela
UNkulunkulu uyasibusisa;
imikhawulo yonke yomhlaba iyakumesaba.
AmaHubo 67:7 mangala isibusiso
Yeka ukujula kwengcebo, nokuhlakanipha, nokwazi kukaNkulunkulu! Yeka izahlulelo zakhe ezingaphenyekiyo, nezindlela zakhe ezingaqondakaliyo!
KwabaseRoma 11:33 inhlakanipho ukuqonda
Nanti izwi esalizwa kuye, sinishumayeza lona lokuthi uNkulunkulu ungukukhanya, ubumnyama abukho kuye nakanye.
1 kaJohane 1:5 isibi inkazimulo
Ukuphila okuphakade yilokhu ukuba bazi wena Nkulunkulu wedwa oqinisileyo, nomthumileyo, uJesu Kristu.
NgokukaJohane 17:3 ukuphila okungunaphakade UJesu
Njengendluzele ilangazelela amanzi emifula,
kanjalo umphefumulo wami ulangazelela wena Nkulunkulu.
AmaHubo 42:1 izifiso
Ngokuba ngubani onguNkulunkulu ngaphandle kukaJehova,
ngubani oyidwala ngaphandle kukaNkulunkulu wethu na?
AmaHubo 18:31 thembekile amandla
Ngalokho anogcina imiyalo yami, niyenze; nginguJehova.
ULevitikusi 22:31 umthetho ukulalela umthetho
Nezilimi zonke zivume ngokuthi UJESU KRISTU UYINKOSI, kube yinkazimulo kuNkulunkulu uYise.
KwabaseFilipi 2:11 ukulalela umthetho ukuvuma
Amabhongo ezingonyama ayaswela, alambe,
kepha abafuna uJehova abayikuswela lutho oluhle.
AmaHubo 34:10 ukufuna
Kuyo iNkosi yaphakade engabhubhiyo, engenakubonwa, uNkulunkulu yedwa, makube ludumo nenkazimulo kuze kube phakade naphakade. Amen.
1 kuThimothewu 1:17 khulekela usomandla umbuso
Bheka, iso likaJehova liphezu kwabamesabayo,
abathemba umusa wakhe.
AmaHubo 33:18 thembekile mangala
Waphendula uJesu, wathi kubo: “Umsebenzi kaNkulunkulu yilowo ukuba nikholwe nguye amthumileyo.”
NgokukaJohane 6:29 inkolo UJesu
Wena Jehova umi phakade;
isihlalo sakho sobukhosi
sikhona ezizukulwaneni ngezizukulwane.
IsiLilo 5:19 thembekile umbuso
“Ukhona ongacasha ezindaweni ezisithekileyo
ukuze ngingamboni na?” usho uJehova.
“Angithi ngiyagcwalisa izulu nomhlaba na?” usho uJehova.
UJeremiya 23:24 izulu
Ogcina imiyalo yakhe uhlala kuye, naye uqobo uhlala kuye; siyazi ngalokho ukuthi uhlala kithi ngaye uMoya asinike yena.
1 kaJohane 3:24 umthetho UMoya
Elokugcina, qinani eNkosini nasemandleni ayo amakhulu.
Kwabase-Efesu 6:10 amandla ukufuna usomandla
Nokho nginguJehova uNkulunkulu wakho
kwasezweni laseGibithe;
ngaphandle kwami awazi Nkulunkulu,
nomsindisi akakho ngaphandle kwami.
UHoseya 13:4 UMsindisi izithombe ezibaziweyo
Sibusisiwe isizwe esiNkulunkulu waso nguJehova,
isizwe asikhethileyo sibe yifa lakhe.
AmaHubo 33:12 umvuzo isibusiso
Bathandekayo, uma uNkulunkulu wasithanda kanjalo, nathi simelwe ukuthandana.
1 kaJohane 4:11 uthando umphakathi
Kepha kukho konke lokho siyanqoba nokunqoba ngowasithandayo.
KwabaseRoma 8:37 ukunqoba uthando
UNkulunkulu akasiye umuntu ukuba
aqambe amanga,
nandodana yomuntu ukuba azisole;
ushilo, angayikukwenza, na?
Ukhulumile, angayikukuphelelisa, na?
UNumeri 23:19 thembekile izethembiso ukuqamba amanga
Yizwa, Israyeli: uJehova uNkulunkulu wethu, uJehova, munye; wothanda uJehova uNkulunkulu wakho ngayo yonke inhliziyo yakho, nangawo wonke umphefumulo wakho, nangawo onke amandla akho.
UDuteronomi 6:4-5 umthetho uthando