Andinin-teny ao amin'ny Baiboly momba ny vatana

«»

• Ahoana ary? Moa tsy fantatrareo fa ny tenanareo dia tempolin'ny Fanahy Masina, Izay ao anatinareo sady efa azonareo tamin'Andriamanitra? ka tsy tompon'ny tenanareo ianareo. Fa olom-boavidy ianareo, koa dia mankalazà an'Andriamanitra amin'ny tenanareo.
  1 Korintiana 6:19-20fiankohofanaFanahyfiainana
• Fa toy ny ananantsika zavatra maro momba ny tena iray, nefa tsy mitovy asa izay rehetra momba ny tena, dia toy izany koa isika, na dia maro aza, dia tena iray ihany ao amin'i Kristy, ary samy miara-momba ny tena isika rehetra.
  Romana 12:4-5Jesosyfiaraha-moninafiankinan-doha
• Fa Hianao no nahary ny voako;
  Namolavola ahy tao an-kibon-dreniko Hianao.
  Hidera Anao aho; fa mahatahotra sy mahatalanjona ny nanaovana ahy;
  Mahagaga ny asanao;
  Ary fantatry ny fanahiko marimarina izany.
  Salamo 139:13-14famoroana izao tontolo izaofahagaganaaina
• Na dia levona aza ny nofoko sy ny foko,
  dia mbola vatolampin'ny foko
  sy anjarako mandrakizay Andriamanitra.
  Salamo 73:26tanjakafiainanafiankinan-doha
• Koa esory ao am-ponao ny alahelo, ary avilio tsy hikasika ny nofonao ny ratsy; fa ny fahatanorana sy ny fahatanjahana dia samy zava-poana.
  Mpitoriteny 11:10fisaonanaahiahyfo
• Ny fo ravoravo mahasalama tsara;
  Fa ny fanahy kivy mahamaina ny taolana.
  Ohabolana 17:22fahasitrananafoaretina
• Miareta tory sy mivavaha ianareo, mba tsy hidiranareo amin'ny fakam-panahy; mety ihany ny fanahy, fa ny nofo no tsy manan-kery.
  Matio 26:41fivavahanafakam-panahyfaniriana
• Aza manao anao ho hendry;
  Matahora an'i Jehovah, ka mifadia ny ratsy.
  Dia ho famelombelomana ny nofonao izany
  Sy ho fanamandoana ny taolanao.
  Ohabolana 3:7-8fanajanafitahianafaharatsiana
• Fa mahasoa kely ihany ny fampiasana ny tena; fa ny toe-panahy araka an'Andriamanitra no mahasoa amin'ny zavatra rehetra ka manana ny teny fikasana ny amin'ny fiainana ankehitriny sy ny ho avy koa.
  1 Timoty 4:8fahasalamanafankatoavanafiainana
• Ary aoka hanapaka ao am-ponareo ny fiadanan'i Kristy, fa ho amin'izany no niantsoana anareo ho tena iray; ary aoka ho feno fisaorana ianareo.
  Kolosiana 3:15Jesosyfiadananafankasitrahana
• Ary tsy ketraka izahay; fa na dia mihalevona aza ny toetray ivelany, dia havaozina isan'andro isan'andro kosa ny toetray anatiny.
  2 Korintiana 4:16hatsàrafankaherezanafahazoana
• Fa asiako mafy ny tenako ho mangana ka andevoziko, fandrao, na dia efa nitory tamin'ny sasany aza aho, dia holavina kosa ny tenako.
  1 Korintiana 9:27fifehezan-tenafitsarana
• Toho-tantely ny teny mahafinaritra,
  Ka sady mamin'ny fanahy no mahatsara ny taolana.
  Ohabolana 16:24fahamoram-panahylahatenyaina
• Ary noho izany dia lazaiko aminareo hoe: Aza manahy ny amin'ny ainareo, dia izay hohaninareo na izay hosotroinareo, na ny amin'ny tenanareo, dia izay hotafinareo. Moa ny aina tsy mihoatra noho ny hanina va, ary ny tena noho ny fitafiana?
  Matio 6:25haninafiainanaahiahy
• Iray ny tena, ary iray ny Fanahy, dia toy ny niantsoana anareo ho amin'ny fanantenana iray momba ny fiantsoana anareo.
  Efesiana 4:4Fanahyfanantenanafiantsoana
• Fa tahaka ny tena iray ihany, anefa maro no momba ny tena, ary ireo rehetra momba ny tena ireo, na dia maro aza, dia tena iray ihany, dia tahaka izany koa Kristy.
  1 Korintiana 12:12fiaraha-moninafiangonanaJesosy
• Ary aza matahotra izay mamono ny tena, nefa tsy mahay mamono ny fanahy; fa aleo matahotra Izay mahay mahavery ny fanahy sy ny tena ao amin'ny helo.
  Matio 10:28tahotraainaafo-be
• Fa tafintohina amin'ny zavatra maro isika rehetra. Raha misy olona tsy mba tafintohina amin'ny teny, dia izy no lehilahy tanteraka ka mahafehy ny tenany rehetra koa.
  Jakoba 3:2lafatralahateny
• Fa raha ny masonao ankavanana no manafintohina anao, dia esory hiala iny, ka ario ho afaka aminao; fa mahasoa anao na dia very aza ny iray momba ny tenanao, ka tsy ny tenanao rehetra no hariana any amin'ny helo.
  Matio 5:29fahotanafanirianaafo-be
• Aza manahy ny amin'ny ainareo, izay hohaninareo, na ny amin'ny tenanaren, izay hotafinareo. Fa ny aina mihoatra noho ny hanina, ary ny tena noho ny fitafiana.
  Lioka 12:22b-23ahiahyhaninafiainana
• Fa fantatsika fa raha ravana ny trano-laintsika etỳ an-tany, dia manana izay voarafitr'Andriamanitra isika, dia trano tsy nataon-tanana izay maharitra mandrakizay any an-danitra.
  2 Korintiana 5:1fiainanafahafatesanalanitra
• ANDRIAMANITRA ô, Andriamanitro Hianao;
  mitady Anao fatratra aho;
  mangetaheta Anao ny fanahiko,
  maniry Anao ny nofoko,
  eto amin'ny tany maina
  sy mangentana tsy misy rano.
  Salamo 63:1fiankohofanamitadyaina
• Aoka ny lahy hanao izay mety hatao amin'ny vavy; ary mba toy izany koa ny vavy amin'ny lahy. Ny vavy tsy manam-pahefana amin'ny tenany, fa ny lahy; ary mba toy izany koa ny lahy tsy manam-pahefana amin'ny tenany, fa ny vavy.
  1 Korintiana 7:3-4fanambadianafiraisana ara-nofo
• Ary ny taolan-tehezana izay nalain'i Jehovah Andriamanitra tamin-dralehilahy dia nataony vehivavy ka nentiny tany amin-dralehilahy. Ary hoy ralehilahy: Ankehitriny dia taolana avy amin'ny taolako sy nofo avy amin'ny nofoko ity; ity dia hatao hoe vehivavy satria lehilahy no nanalana azy. Ary noho izany ny lehilahy dia handao ny rainy sy ny reniny ka hikambana amin'ny vadiny; dia ho nofo iray ihany ireo.
  Genesisy 2:22-24fanambadianafamoroana izao tontolo izaofiraisana ara-nofo
• Fa Fanahy iray ihany no nanaovam-batisa antsika rehetra ho tena iray, na Jiosy an jentilisa, na andevo na tsy andevo; ary isika rehetra dia efa nampisotroina ny Fanahy iray.
  1 Korintiana 12:13batisaFanahyfiaraha-monina