Boloka (April 2016)

Saturday, April 30, 2016

Ke tla boka Morena ka nako tsohle,
ke nne ke mo rorise kamehla.

PESALEMA 34:2 go direla/hlankela tšhegofatšo go bolela

Friday, April 29, 2016

Ya nyahameng pelo
eka kgona a hauhelwe, ke metswalle,
leha eba a sa tshabe Ya Matla wohle.

Modimo wa mehauhelo yohle, ya le bitseditseng tlotleng ya hae e sa feleng, ka Kreste, etlare hoba le hlokofatswe ka nakwana, yena ka sebele o tla le etsa ba phethehileng. O tla le tiisa, a le matlafatse, a etse hore le se ke la sisinyeha.

1 PETROSE 5:10 kgaugelo bophelo bjo bo sa felego tlaišego

Wednesday, April 27, 2016

Ke ipiletsa ho wena Morena,
ke le tlasetlase.
Morena, ako utlwe lentswe la ka!
Tsebe tsa hao di ke di mamele
ha ke etsa thapedi ya ka.

PESALEMA 130:1-2 go theeletša go ikanya mohau

Tuesday, April 26, 2016

Sohle seo le se etsang, le se etse ka dipelo tsohle tsa lona, jwaloka hoja le se etsetsa Morena, e seng batho. Tsebang hore Morena o tla le putsa ka ho le etsa majalefa a hae. Morena eo le mo sebeletsang ke Kreste.

BAKOLOSE 3:23-24 moputso bophelo go amogela

Monday, April 25, 2016

Lona bakwenehi, na ha le tsebe hore ho etsa setswalle le lefatshe ke bora ho Modimo? Mang le mang ya ratang ho ba motswalle wa lefatshe o iketsa sera sa Modimo.

JAKOBO 4:4 sebe Modimo segwera

Sunday, April 24, 2016

Ya sedi o elellwa kotsi,
a batle setshabelo,
empa ya se nang tsebo
o tlatselaka feela,
a wele kotsing.

MAELE 27:12 mogopolo polokego tšhireletšo

Saturday, April 23, 2016

Lefatshe, mmoho le ditakatso tsa lona, le a fela, empa ya etsang thato ya Ntate o tla phela kamehla yohle.

1 JOHANNE 2:17 bophelo bjo bo sa felego boikobo ditumo

Friday, April 22, 2016

Lerato le hloke boikaketsi. Hloyang bobe, kgomarelang botle.

BAROMA 12:9 lerato mpe botse

Thursday, April 21, 2016

Ya phelang tshireletsong
ya Ya Hodimodimo,
ya ahileng moriting
wa Ya Matla wohle,
o re ho Morena:
“O setshabelo sa ka
le qhobosheane ya ka,
Modimo wa ka eo ke mo tshepang.”

PESALEMA 91:1-2 tshepo polokego khutša

Wednesday, April 20, 2016

Jesu a re ho yena: “Ke nna tsoho le bophelo; ya dumelang ho nna leha a ka shwa o tla phela. Mang le mang ya phelang, mme a dumela ho nna, ha a ka ke a shwa le ka mohla o le mong; na o dumela hona na?”

JOHANNE 11:25-26 tumelo lehu go tsoga bahung

Tuesday, April 19, 2016

Se ahloleng ba bang, mme ha le ka ke la ahlolwa; le se tswe ba bang, mme ha le ka ke la tsuwa. Tshwarelang, mme le tla tshwarelwa.

LUKA 6:37 kahlolo tshwarelo

Monday, April 18, 2016

Rolela morwalo wa hao ho Morena,
mme o tla o jarisa;
a ke ke a tlohella ya lokileng
hore a sisinngwe le ka mohla.

PESALEMA 55:23 potego boloki polokego

Sunday, April 17, 2016

Jwalokaha re ena le ditho tse ngata mmeleng o le mong, empa ditho tseo tsohle di sa etse mosebetsi o tshwanang, ka mokgwa o jwalo, leha re le bangata, re mmele o le mong ho Kreste, e mong ke setho sa e mong.

BAROMA 12:4-5 mmele Jesu setšhaba

Saturday, April 16, 2016

Ha le itima dijo, le se ke la itlhonamisa jwaloka baikaketsi; ba sosobanya difahleho, hore ba bonahale ho batho hore ba itima dijo. Kannete ke a le bolella, ba se ba amohetse moputso wa bona.

MATHEU 6:16 go ikona boikokobetšo moputso

Friday, April 15, 2016

Morena ke modisa wa ka,
ha ke hloke letho.
o nkatla makgulong a matala,
o nkisa pela metsi
moo ke tla phomola teng.

PESALEMA 23:1-2 tšhegofatšo khutša go ikanya

Thursday, April 14, 2016

Baratuwa, jwale re se re le bana ba Modimo, empa seo re tlang ho ba sona ha se eso bonahatswe. Feela re a tseba hore, mohla Kreste a iponahatsang, re tla tshwana le yena, hobane re tla mmona kamoo a leng kateng. Mang le mang ya nang le tshepo ena ho yena, o a itlhwekisa, jwalokaha le yena a hlwekile.

1 JOHANNE 3:2-3 tlhwekišo lapa legodimo