Thembela (2/3)

Hayi ubuhle bezinto ozigcinele abo bakuhlonelayo, Ndikhoyo; zintle kambe izinto ozenzela abo bakholose ngawe! INdumiso 31:19

XHO96

Hayi ubuhle bezinto ozigcinele abo bakuhlonelayo, Ndikhoyo;
zintle kambe izinto ozenzela abo bakholose ngawe!
INdumiso 31:19 uloyiko intsikelelo umhlaba
UThixo olizwi ndilidumisayo
ndikholosa ngaye ndingenadyudyu.
Soze andenze nto umntu.
INdumiso 56:4 uloyiko ILizwi likaThixo dumisani
Zihlobo, musan' ukusuka nikhokelwe nje nanguwuphi na umoya. Wonke umoya wuvavanyeni, nikhangele ukuba ngaba uvela kuThixo na. Kaloku baninzi abashumayeli abanefuthe lobuxoki abajikeleza elizweni.
1 KAYOHANE 4:1 Umoya isiprofeto
Njengokuba ke sisazi ukuba uyaziphulaphula izicelo zethu, ngokunjalo ke siyazi ukuba izinto esizicelayo sesiziphiwe.
1 KAYOHANE 5:15 umthandazo ukuphulaphula
Into ebhetele kukuzimela ngoNdikhoyo,
kunokuba uthembele ngomntu.
INdumiso 118:8 ukhuseleko ukukhuselwa
NguNdikhoyo amandla am nekhaka lam;
ndithembele ngaye ngomxhelo wam wonke.
Ndoncedakala nditsho ndibe nemincili,
ndimbonge ngengoma.
INdumiso 28:7 unqulo amandla dumisani
Musani ukukhathazeka; kholosani ngoThixo, nikholose nangam.
UYOHANE 14:1 uloyiko ukukhathazeka
Ke wena ubathi jize ngenzolo
abo banjongo zingajika-jikiyo,
kuba behlala bekholose ngawe.
UISAYA 26:3 ukhuseleko uxolo
Bathembele ngawe, Ndikhoyo, bonke abakwaziyo;
kaloku akuzange ubafulathele abo bakufunayo.
INdumiso 9:10 ukufuna ukuthembeka
Ewe, zihlobo zam, xa singalahlwa sisazela asibi naxhala phambi koThixo. Zonke izinto esizicelayo kuye, siyazifumana; kuba kaloku siyayifezekisa imiyalelo yakhe, siyenze intando yakhe.
1 KAYOHANE 3:21-22 umthetho ukuthobela
Kodwa ke into esingayiboniyo, esithembe ukuyifumana, siyilindela ngomonde.
KWABASEROMA 8:25 ithemba umonde
Ndikhusele kaloku, Thixo;
ndithembele ngawe.
INdumiso 16:1 ukuxhomekeka ukukhuselwa
Xa nditshoyo ke andikhalazeli kuswela. Kaloku mna ndafunda ukwanela nakuyiphi na imeko endikuyo.
KWABASEFILIPI 4:11 ukuxhomekeka ukwaneliseka
Kodwa ndithembe uthando lwakho olungajikiyo;
ndochulumacha kuba uyandihlangula.
Ndombonga uNdikhoyo, kuba endiphethe ngobubele.
INdumiso 13:5-6 unqulo intliziyo ukucula
Wathi kubo: “Kungenxa yokulambatha kokholo lwenu. Ndithi kuni, inene, ukuba beninokholo olungangokhozo lwemostade, beninokuthi kule ntaba: ‘Suka apha, uye phaya,’ ize iye, kungabikho nto ininqabelayo.”
UMATEWU 17:20 ukholo imimangaliso
Nokuba ndingade ndingqongwe ngumkhosi,
andiyi kuba naluvalo konke.
Nokuba ndirhawulwe yimfazwe,
ndiya kuthembela ngoNdikhoyo.
INdumiso 27:3 uloyiko intliziyo ukhuseleko
Ndikhoyo, senzele ububele nenceba,
njengoko kaloku sithembele kuwe.
INdumiso 33:22 ukuthembeka ithemba
NguNdikhoyo okhokelela umntu kwindlela amakahambe ngayo;
nguye omenza akholeke kuye.
INdumiso 37:23 ukukhonza ukuthobela ukulandela
Uthando aluvuyiswa bububi, luvuyiswa yinyaniso. Uthando aluncami; lukholwa zizinto zonke, luthemba izinto zonke, lunyamezela izinto zonke.
1 KWABASEKORINTE 13:6-7 uthando inyaniso ububi
“Ewe, iintaba zingadilika,
ke zona iinduli zinyamalale,
kodwa izibele zothando lwam soze zinqamke kuwe,
nomnqophiso wam woxolo soze ushukume.”
Utsho ke yena uNdikhoyo okukhathaleleyo.
UISAYA 54:10 uthando uxolo ukuthembeka
Othe kule ntaba: ‘Funquka, uphoseke elwandle;’ abe ke esitsho engathandabuzi entliziyweni yakhe, kodwa ekholwa ukuba oko akuthethayo kuya kwenzeka, wokwenzelwa.
UMARKO 11:23 ukholo intliziyo
Ndizimela ngaye, nguye ondisindisayo.
Yinqaba yam, soze ndichukunyiswe.
INdumiso 62:6 intliziyo ukukhuselwa
Ngenene ndobuxhamla kambe ububele bukaNdikhoyo
lo gama ndisadla amazimba.
INdumiso 27:13 ukulunga
Ewe, bantwana bam, hlalani nimanyene noKrestu ukuze sibe nesibindi akuvela; ngokunjalo singabi naziintloni ngeMini yokufika kwakhe.
1 KAYOHANE 2:28 ukuza kwesibini
Musa ukuyilangazelela inzuzo yomntu okhohlakeleyo;
ndaweni yaloo nto zicezele iindlela zakhe.
Kaloku ulisikizi kuNdikhoyo umntu olitshijolo;
kodwa abathe tye bangamathenjwa akhe.
IZAFOBE 3:31-32 ubulungisa ukucwangcisa