Unqulo (2/3)

Ngoko ke mna Nebhukadenezare ndiyambonga ndimdumisa ndimzukisa uKumkani osezulwini. Kaloku konke akwenzayo… UDANIYELI 4:37

Ngoko ke mna Nebhukadenezare ndiyambonga ndimdumisa ndimzukisa uKumkani osezulwini. Kaloku konke akwenzayo kulungile, nezenzo zakhe zifanelekile. Ke bona abanekratshi yena uyabathoba.
UDANIYELI 4:37 ubulungisa ukuthobeka ikratshi
NguNdikhoyo amandla am nekhaka lam;
ndithembele ngaye ngomxhelo wam wonke.
Ndoncedakala nditsho ndibe nemincili,
ndimbonge ngengoma.
INdumiso 28:7 thembela amandla dumisani
Ngoku ke, kulowo unako ukwenza ngaphezu kokuba sicela nokuba siqiqa, ngamandla akhe asebenza ngaphakathi kuthi: Makubekho udumo kuThixo ebandleni, nakuKrestu Yesu, kuse kuzo zonke izizukulwana ngonaphakade kanaphakade. Amen.
KWABASE-EFESE 3:20-21 ukuthobeka amandla Umoya
Ngenene uNdikhoyo yingangalala, ufanele ukudunyiswa;
obakhe ubukhulu abuphengululeki.
INdumiso 145:3 ukuqonda usomandla dumisani
Ke kaloku ndaziva izidalwa nayo yonke indalo, ezulwini nasemhlabeni, phantsi komhlaba naselwandle, zidanduluka zisithi:
“Kulowo uhleli esihlalweni sokulawula, nakulo iXhwane,
mayibekho indumiso nesithozela, ubungangamsha namandla,
ngonaphakade kanaphakade!”
ISITYHILELO 5:13 indalo umbulelo dumisani
Imibulelo neziqalekiso zimpompoza mlonyeni mnye. Mawethu, mayingenzeki le nto!
EKAYAKOBI 3:10 isono ukuthetha intsikelelo
Ndohlala ndimbonga uNdikhoyo;
andisayi kuyeka ukumdumisa.
INdumiso 34:1 intsikelelo ukuthetha dumisani
UNdikhoyo ndiyamthanda, kuba uyandiva;
uyasabela ndakuzibika kuye.
Njengoko endiphulaphula nje,
ndobhenela kuye xa ndisadl' ubomi.
INdumiso 116:1-2 uthando ukuphulaphula
Kodwa ndithembe uthando lwakho olungajikiyo;
ndochulumacha kuba uyandihlangula.
Ndombonga uNdikhoyo, kuba endiphethe ngobubele.
INdumiso 13:5-6 thembela intliziyo ukucula
Amazulu abalisa ngobungangamsha bukaThixo,
nesibhakabhaka sixela umsebenzi wezandla zakhe.
Imini ixelela imin' elandelayo,
nobusuku bubikela ubusuk' obulandelayo.
INdumiso 19:1-2 izulu
Maluhlale ngokupheleleyo ezintliziyweni zenu udaba lukaKrestu. Fundisanani, niyalane ngobulali. Culani iindumiso, nihlabele amaculo, nivuma iingoma zoMoya, nibulela uThixo ngentliziyo.
KWABASEKOLOSE 3:16 ILizwi likaThixo ukufunda umbulelo
Anazi na ukuba imizimba yenu yindlu kaMoya oyiNgcwele, ahlala kuyo, evela kuThixo? Kaloku aningobenu; ningabakaThixo owanithenga ngexabiso elikhulu. Mdumiseni ke uThixo ngemizimba yenu.
1 KWABASEKORINTE 6:19-20 Umoya ubomi impilo
Ngubani loo Ngangalala yoKumkani?
NguNdikhoyo onamandla onke;
nguye uKumkani, nguye iNgangalala.
INdumiso 24:10 ubukumkani ukuvuma
Mandikubonge ngomxhelo wam wonke, Ndikhoyo,
ndibalise ngayo yonke imimangaliso oyenzileyo.
INdumiso 9:1 umbulelo imimangaliso intliziyo
Hayi bo! Mayingabi sithi, Ndikhoyo;
ewe, makudunyiswe igama lakho,
ngenxa yezibele nokunyaniseka kwakho!
INdumiso 115:1 uthando ukuthobeka uthembekile
Ndiya kukuncoma phakathi kweentlanga, Ndikhoyo;
ewe, ndokudumisa naphakathi kwezizwe.
INdumiso 108:3 umhlaba dumisani ukucula
Yibongeni iNkosi!
Mihla le iyasazelelela, uThixo ngumsindisi wethu.
INdumiso 68:19 ukuxhomekeka usindiso
Ndiya kumemelela ndinemincili,
ndicule ngokuzimisela okukhulu
ngenxa yokuba undihlangule.
INdumiso 71:23 umhlawuleli umphefumlo ukucula
Ndiya kukuncoma, Thixo ongukumkani wam;
igama lakho ndolibonga nanini nanini.
INdumiso 145:1 ubomi obungunaphakade dumisani
Kungoko ke athe uThixo wamphakamisa kakhulu,
wamthi jize ngelona gama lingaphezu kwawo onke amanye amagama,
ukuze bonke abaphilayo,
ezulwini, emhlabeni, naphantsi komhlaba,
bagobe amadolo benika imbeko kwigama likaYesu.
KWABASEFILIPI 2:9-10 UYesu izulu umhlaba
Kambe ke, ngeny' imini, Ndikhoyo,
luya kubalasela uthando lwakho.
Ndiya kuphikelela ndikudumise ebusuku,
ndithandaze kuThixo endixhomekeke kuye.
INdumiso 42:8 uthando umthandazo
Ndikholosa ngawe usemazulwini;
ungowam nje ke, andilinanze nganto ihlabathi.
INdumiso 73:25 thembela uThixo izulu
Nokuba ke nenza ntoni na, nokuba niyatya, nokuba niyasela, yenzelani udumo lukaThixo.
1 KWABASEKORINTE 10:31 ukutya ubomi
Awu, Thixo, zimaseka phezulu esibhakabhakeni;
isidima nesihomo sakho masibe phezu kwehlabathi jikelele.
INdumiso 108:5 izulu
Ewe, nguwe inqaba yam nekhusi lam;
ndikhokele, undithundeze, lidunyiswe igama lakho.
INdumiso 31:3 uThixo ubomi

Ewe, ngaloo mini niya kusuka nithi:
“Masidomboze sibulele uNdikhoyo;
ewe, masiqambe sinqule igama lakhe.
Imisebenzi yakhe masiyibhengeze ezizweni;
masishumayele sibuxele ubukhulu bakhe.”

Funda ngokugqithisileyo...