Ingobo yomlando (Novemba 2017)

ULwesine, Novemba 30, 2017

Ngokuba uJehova uyanika ukuhlakanipha;
emlonyeni wakhe kuphuma ukwazi nokuqonda.

IzAga 2:6 IZwi likaNkulunkulu inhlakanipho

ULwesithathu, Novemba 29, 2017

Madoda, thandani omkenu, njengalokho noKristu ulithandile ibandla, wazinikela ngenxa yalo ukuba alingcwelise, alihlambulule ngesigezo samanzi ngezwi.

Kwabase-Efesu 5:25-26 uthando ukuhlanzwa ubudlelwano

ULwesibili, Novemba 28, 2017

Ngalokho yilowo nalowo owezwa lawa mazwi ami, awenze, uyakufaniswa nendoda ehlakaniphileyo eyakha indlu yayo phezu kwedwala.

NgokukaMathewu 7:24 IZwi likaNkulunkulu inhlakanipho ukulalela

UMsombuluko, Novemba 27, 2017

Yizwa, ndodana yami,
wamukele izwi lami;
kuyakuthi iminyaka yokuphila kwakho ibe miningi.

IzAga 4:10 IZwi likaNkulunkulu ukulalela umthetho umthetho

ISonto, Novemba 26, 2017

Ngokuba akukho lutho olungenzeke kuNkulunkulu.

NgokukaLuka 1:37 izimangaliso ukunqoba usomandla

UMgqibelo, Novemba 25, 2017

Ngizinika ukuphila okuphakade, azisoze zabhubha naphakade; akakho ongazihlwitha esandleni sami. UBaba onginikileyo mkhulu kunabo bonke; akakho ongazihlwitha esandleni sikaBaba. Mina noBaba simunye.

NgokukaJohane 10:28-30 ukuphila okungunaphakade UJesu UBaba

ULwesihlanu, Novemba 24, 2017

Ungakhandlekeli ukuceba;
kuyeke ngokuqonda kwakho.

IzAga 23:4 imali ukwemana ukuhlela

ULwesine, Novemba 23, 2017

Qaphelani ukuba kungabikho ophindisela omunye okubi ngokubi; kepha jongani njalo ukwenza okuhle, omunye komunye nakubo bonke.

1 kwabaseThesalonika 5:15 ongenasici ukulunga okubi

ULwesithathu, Novemba 22, 2017

Ngokuba njengalokho izinhlupheko zikaKristu zivamile kithi, kanjalo nokududuzeka kwethu kuvamile ngoKristu.

2 kwabaseKorinte 1:5 inhlupheko umduduzi UJesu

ULwesibili, Novemba 21, 2017

KuNkulunkulu ngiyakudumisa izwi lakhe;
ngithemba uNkulunkulu, angiyikwesaba;
inyama ingangenzani na?

AmaHubo 56:4 ukwethemba uvalo IZwi likaNkulunkulu

UMsombuluko, Novemba 20, 2017

Ngokuthobeka konke nobumnene, ngokubheka kade nokubekezelelana ngothando.

Kwabase-Efesu 4:2 uthando ukuthobeka ukubekezela

Ningabi njengawoyihlo abaprofethi bokuqala abamemeza kubo, bathi: Usho kanje uJehova Sebawoti, uthi: ‘Ake nibuye ezindleleni zenu ezimbi nasezenzweni zenu ezimbi;’ kepha kabalalelanga, kabangiqaphelanga, usho uJehova.

UZakariya 1:4 ukuguqulwa okubi ukulalela

UMgqibelo, Novemba 18, 2017

Umngane uthanda ngezikhathi zonke,
nomzalwane uzalwa ekuhluphekeni.

IzAga 17:17 ubungani umndeni ubudlelwano

ULwesihlanu, Novemba 17, 2017

Ngakho-ke makwazeke kini madoda, bazalwane, ukuthi ngalowo kumenyezelwa kini ukuthethelelwa kwezono, nakukho konke ebeningenakulungisiswa kukho ngomthetho kaMose yilowo nalowo okholwayo uyakulungisiswa ngaye.

IzEnzo 13:38-39 umthetho UJesu intethelelo

ULwesine, Novemba 16, 2017

Khona kwasondela uPetru, wathi kuye: “Nkosi, umfowethu uyakungona kangaki, ngimthethelela, na? Kuze kube kasikhombisa na?”
UJesu wathi kuye: “Angisho kuwe ukuthi kuze kube kasikhombisa kodwa kuze kube kamashumi ayisikhombisa aphindwe kasikhombisa.”

NgokukaMathewu 18:21-22 intethelelo umakhelwane isibi

ULwesithathu, Novemba 15, 2017

Ngokuba wena uyidwala lami nenqaba yami;
ngenxa yegama lakho uyakungihola,
ungiqondise.

AmaHubo 31:3 UNkulunkulu khulekela ukuphila

ULwesibili, Novemba 14, 2017

UJehova uyaphofisa, abesecebisa;
uyathobisa, abesephakamisa.

1 uSamuweli 2:7 imali usomandla ukuthobeka

UMsombuluko, Novemba 13, 2017

Kunakho konke yibani nokuthandana okunganqamukiyo, ngokuba uthando lusibekela inqwaba yezono.

1 kaPetru 4:8 isibi uthando umakhelwane

ISonto, Novemba 12, 2017

UNkulunkulu ohlalisa imihlalaqha ezindlini,
akhiphele iziboshwa ekubuseni;
ngabahlubukileyo bodwa abakhe ezweni elomileyo.

AmaHubo 68:6 inkululeko ukulalela umthetho ubungani

UMgqibelo, Novemba 11, 2017

Elokugcina, bazalwane, konke okuyiqiniso, konke okuhloniphekayo, konke okulungileyo, konke okumhlophe, konke okuthandekayo, konke okutusekayo, noma kukhona okuhle, noma kukhona okubongekayo, zindlani ngalokho.

KwabaseFilipi 4:8 iqiniso ukulunga imicabango

ULwesihlanu, Novemba 10, 2017

Kepha uma umfowenu ekona, hamba umsole ninodwa naye. Uma ekuzwa, woba umzuzile umfowenu.

NgokukaMathewu 18:15 isibi ukukhuluma ukulalela

ULwesine, Novemba 9, 2017

Yizwani nibone ukuthi uJehova muhle;
ubusisiwe lowo muntu ophephela kuye.

AmaHubo 34:8 UNkulunkulu isibusiso ukuphumula

ULwesithathu, Novemba 8, 2017

Ngalokho umkhulu, Nkosi Jehova, ngokuba akakho onjengawe, akukho uNkulunkulu ngaphandle kwakho njengakho konke esikuzwileyo ngezindlebe zethu.

2 uSamuweli 7:22 UNkulunkulu khulekela

ULwesibili, Novemba 7, 2017

Kepha yena onemfuyo yezwe, ebona umzalwane wakhe eswele, amvalele isihawu sakhe, uthando lukaNkulunkulu lungahlala kanjani kuye na?

1 kaJohane 3:17 imali umakhelwane ububele

UMsombuluko, Novemba 6, 2017

UJehova useduze nabo bonke abambizayo,
bonke abambizayo ngeqiniso.

AmaHubo 145:18 ukwethemba thembekile umkhuleko

ISonto, Novemba 5, 2017

Kepha uma omubi ebuya kuzo zonke izono zakhe azenzileyo, agcine zonke izimiso zami, enze ukwahlulela nokulunga, uyakuphila nokuphila; kayikufa.

UHezekeli 18:21 ukuguqulwa isibi umthetho

UMgqibelo, Novemba 4, 2017

INkosi ininike ukwanda nokuchichima othandweni, omumye komunye nakubo bonke, njengokuba sinjalo kinina.

1 kwabaseThesalonika 3:12 uthando umakhelwane ubudlelwano

ULwesihlanu, Novemba 3, 2017

Ihlawulo lokuphila komuntu liyingcebo yakhe,
kepha ompofu akezwa ukukhuzwa.

IzAga 13:8 imali ukuthanda izinto ezibambekayo uvalo

ULwesine, Novemba 2, 2017

Yilowo nalowo kithi makathokozise umakhelwane, kube kuhle, aze akheke.

KwabaseRoma 15:2 ubugovu isikhuthazo umakhelwane

ULwesithathu, Novemba 1, 2017

Ngokukuyala namuhla ukuba umthande uJehova uNkulunkulu wakho, uhambe ngezindlela zakhe, ugcine imiyalo yakhe, nezimiso zakhe, nezahlulelo zakhe, ukuze uphile, wande, uJehova uNkulunkulu wakho akubusise ezweni ongena kulo ukulidla.

UDuteronomi 30:16 umthetho isibusiso ukuphila