Ingobo yomlando (Disemba 2017)

ISonto, Disemba 31, 2017

Usho kanje uJehova, uthi:
“Yimani ezindleleni, nibone,
nibuze imikhondo yasendulo
ukuthi iphi indlela enhle,
nihambe ngayo,
niyakufumana ukuphumula kwemiphefumulo yenu;
kepha bathi: ‘Asiyikuhamba ngayo.’ ”

UJeremiya 6:16 ukuphumula umphefumulo okuhle

UMgqibelo, Disemba 30, 2017

Ngalokho thana kubo: ‘Isho kanje iNkosi uJehova, ithi: Akusayikulitshaziswa zwi, kepha izwi engiyakulikhuluma liyakwenzeka, isho iNkosi uJehova.’

UHezekeli 12:28 IZwi likaNkulunkulu thembekile ukulalela umthetho

ULwesihlanu, Disemba 29, 2017

Njengasemanzini ubuso bubhekana nobuso,
injalo inhliziyo yomuntu kumuntu.

IzAga 27:19 ukuphila inhliziyo

ULwesine, Disemba 28, 2017

E, Nkosi Jehova, bheka, wena wenzile izulu nomhlaba ngamandla akho amakhulu nangengalo yakho eyeluliweyo; akukho lutho olukwahlulayo.

UJeremiya 32:17 indalo amandla izulu

ULwesithathu, Disemba 27, 2017

Niphonse izinkathazo zenu zonke phezu kwakhe, ngokuba uyanikhathalela.

1 kaPetru 5:7 uvalo ukukhathazeka ubuthakathaka

ULwesibili, Disemba 26, 2017

Egcina izindlela zokulunga,
elondoloza imikhondo yabathembekileyo bakhe.

IzAga 2:8 ukulunga ukuvikela ukulalela umthetho

UMsombuluko, Disemba 25, 2017

Lokhu konke kwenzeka ukuba kugcwaliseke okwakhulunywa yiNkosi ngomprofethi ukuthi: “Bheka, intombi iyakukhulelwa, izale indodana; bayakuyiqamba igama lokuthi u-Emanuweli,” okungukuthi ngokuhunyushwa “uNkulunkulu unathi”.

NgokukaMathewu 1:22-23 isiprofetho izimangaliso UJesu

ISonto, Disemba 24, 2017

Esazindla ngalokho, bheka, ingelosi yeNkosi yabonakala kuye ngephupho, ithi: “Josefa, ndodana kaDavide, ungesabi ukumthatha uMariya umkakho, ngokuba lokho akukhulelweyo kungoMoya oNgcwele.”

NgokukaMathewu 1:20 izingelosi UMoya Oyingcele ukhisimusi

UMgqibelo, Disemba 23, 2017

Ngalokho iNkosi uqobo iyakukunika isibonakaliso: bheka, intombi iyakukhulelwa, izale indodana, ibize igama layo ngokuthi u-Imanuweli.

U-Isaya 7:14 ukhisimusi UJesu izimangaliso

ULwesihlanu, Disemba 22, 2017

Ngokuba kulotshiwe ukuthi:
“ ‘Kuphila kwami,’ isho iNkosi,
‘kimina ayakuguqa amadolo onke,
nezilimi zonke ziyakudumisa uNkulunkulu.’ ”

KwabaseRoma 14:11 ukuthobeka khulekela ukuvuma

ULwesine, Disemba 21, 2017

Wonke umshikashika unenzuzo,
kepha amazwi omlomo abanga ukuswela kuphela.

IzAga 14:23 thembekile ukukhuluma isikhuthazo

ULwesithathu, Disemba 20, 2017

Ungabulali, ungaphingi, ungebi, ungafakazi amanga; yazisa uyihlo nonyoko; wothanda umakhelwane wakho njengalokhu uzithanda wena.

NgokukaMathewu 19:18b-19 umthetho uthando umndeni

ULwesibili, Disemba 19, 2017

Nokho ngomusa wakho omkhulu awubaqothulanga, awubashiyanga, ngokuba unguNkulunkulu onomusa nobumnene.

UNehemiya 9:31 umusa isihe ukusondela

UMsombuluko, Disemba 18, 2017

Ngokuba izwi likaJehova lilungile;
zonke izenzo zakhe ziyakholeka.

AmaHubo 33:4 thembekile IZwi likaNkulunkulu iqiniso

ISonto, Disemba 17, 2017

Woyithanda iNkosi, uNkulunkulu wakho ngayo yonke inhliziyo yakho, nangawo wonke umphefumulo wakho, nangayo yonke ingqondo yakho, nangawo onke amandla akho.

NgokukaMarku 12:30 uthando UNkulunkulu amandla

UMgqibelo, Disemba 16, 2017

Kepha thina sonke esibuka ngobuso obambuliwe inkazimulo yeNkosi njengasesibukweni siyaguqulwa, sibe njengalowo mfanekiso ngokuya enkazimulweni, njengalokhu kumi ngeNkosi enguMoya.

2 kwabaseKorinte 3:18 UMoya izinguquko

ULwesihlanu, Disemba 15, 2017

Inhliziyo yomuntu iceba indlela,
kepha uJehova uyaqondisa izinyathelo zakhe.

IzAga 16:9 ukuhlela umshado ukuncika

ULwesine, Disemba 14, 2017

Nikhuthalele ukugcina ubunye bukaMoya ngesibopho sokuthula.

Kwabase-Efesu 4:3 UMoya umphakathi ukuthula

ULwesithathu, Disemba 13, 2017

Ngafunwa ngabangangicelanga,
ngafunyanwa ngabangangifunanga,
ngathi: ‘Ngibhekeni, ngibhekeni,’
kuso isizwe esingabizwanga ngegama lami.

U-Isaya 65:1 ukufuna ukulalela ubizo

ULwesibili, Disemba 12, 2017

Ngizakucambalala ngokuthula,
ngilale ubuthongo,
ngokuba wena Jehova wedwa ungihlalisa ngokulondeka.

AmaHubo 4:8 ukuphepha ukuphumula ukuthula

UMsombuluko, Disemba 11, 2017

Yena uyinhlawulo ngezono zethu, kungengezethu zodwa kodwa nangezezwe lonke.

1 kaJohane 2:2 isibi UMsindisi intethelelo

ISonto, Disemba 10, 2017

“Ngenisani konke okweshumi endlini yengcebo ukuba kube ngukudla endlini yami, ningivivinye ngalokhu,” usho uJehova Sebawoti, “uma ngingayikunivulela amafasitele asezulwini, nginithululele isibusiso kunokwaneleyo.”

UMalaki 3:10 ukudla isibusiso ukupha

UMgqibelo, Disemba 9, 2017

Ngikufundisa ngendlela yokuhlakanipha;
ngikuhola emikhondweni yobuqotho.

IzAga 4:11 inhlakanipho ukufunda ukulunga

ULwesihlanu, Disemba 8, 2017

Kepha ngithi kini: Amazwi onke ayize abawakhulumayo abantu bayakuzilanda ngawo ngosuku lokwahlulelwa.

NgokukaMathewu 12:36 ukukhuluma ukwahlulela

ULwesine, Disemba 7, 2017

Kunjalo noKristu, esenikelwe kanye ukuba athwale izono zabaningi, uyakubonakala ngokwesibili ngaphandle kwesono kulabo abamlindeleyo, kube ngukusindiswa.

KumaHeberu 9:28 isibi umhlatshelo insindiso

ULwesithathu, Disemba 6, 2017

Nkulunkulu, dala kimi inhliziyo ehlanzekileyo,
uvuse umoya oqinileyo phakathi kwami.

AmaHubo 51:10 ukuhlanzwa UMoya inhliziyo

ULwesibili, Disemba 5, 2017

Ngalokho hambani nenze izizwe zonke abafundi, nibabhapathize egameni likaYise neleNdodana nelikaMoya oNgcwele, nibafundise ukugcina konke enginiyale ngakho; bhekani, mina nginani izinsuku zonke kuze kube sekupheleni kwezwe.

NgokukaMathewu 28:19-20 ukuvangela ukubhapathizwa ukufunda