Ephreli 2026

Abanye izinqola, abanye amahhashi,
kepha thina sibonga igama likaJehova uNkulunkulu wethu.

AmaHubo 20:7 ukwethemba izithombe ezibaziweyo impi engokomoya

ULwesithathu, Ephreli 29, 2026

Ngakho hlomani izikhali zonke zikaNkulunkulu ukuba nibe namandla okuzabalaza ngosuku olubi, nalapho senifeze konke, nime.

Kwabase-Efesu 6:13 ukuvikela okubi usathane

ULwesibili, Ephreli 28, 2026

Ningahlanganyeli imisebenzi yobumnyama engenazithelo, kepha kunalokho niyidalule; ngokuba okwenziwa yibo ngasese kuyihlazo nokukhuluma ngakho.

Kwabase-Efesu 5:11-12 isibi ukukhuluma izithombe ezibaziweyo

UMsombuluko, Ephreli 27, 2026

Kepha mina ngiyazi ukuthi uMhlengi wami ukhona;
ekupheleni uyakuma othulini.

UJobe 19:25 UMsindisi insindiso ukukhathazeka

ISonto, Ephreli 26, 2026

Owasikhulula emandleni obumnyama nowasibeka embusweni weNdodana yothando lwakhe; okukuyo sinokuhlengwa, ukuthethelelwa kwezono.

KwabaseKolose 1:13-14 insindiso usathane UJesu

UMgqibelo, Ephreli 25, 2026

Nanti izwi esalizwa kuye, sinishumayeza lona lokuthi uNkulunkulu ungukukhanya, ubumnyama abukho kuye nakanye.

1 kaJohane 1:5 isibi UNkulunkulu inkazimulo

ULwesihlanu, Ephreli 24, 2026

Ngiyakumhubela uJehova kukho konke ukuphila kwami;
ngiyakuhlabelela kuNkulunkulu wami ngisekhona.

AmaHubo 104:33 ukucula khulekela ukuphila

ULwesine, Ephreli 23, 2026

Ngokuba lokhu ukufa kweza ngomuntu, ukuvuka kwabafileyo nakho kweza ngomuntu.

1 kwabaseKorinte 15:21 UJesu ukufa ukuvuka

ULwesithathu, Ephreli 22, 2026

Ngokuba ohlwanyelela inyama yakhe uyakuvuna ukubhubha kuyo inyama; kepha ohlwanyelela uMoya uyakuvuna ukuphila okuphakade kuMoya.

KwabaseGalathiya 6:8 isibi ukuphila okungunaphakade UMoya

ULwesibili, Ephreli 21, 2026

Babusisiwe abalambele,
bomele ukulunga,
ngokuba bayakusuthiswa.

NgokukaMathewu 5:6 ukulunga isibusiso ukwamukela

Kuyakuthi uma ulalela nokulalela izwi likaJehova uNkulunkulu wakho, uqaphele ukuyenza yonke imiyalo yakhe engikuyala ngayo namuhla, uJehova uNkulunkulu wakho akuphakamise phezu kwazo zonke izizwe zomhlaba.

UDuteronomi 28:1 umthetho ukulalela umthetho isibusiso

ISonto, Ephreli 19, 2026

Kunjani, pho, na? Siyakona ngokuba singephansi komthetho kodwa phansi komusa na? Qha nakanye.

KwabaseRoma 6:15 isibi umusa umthetho

UMgqibelo, Ephreli 18, 2026

Bheka, kuhle, kumnandi kangaka
ukuba abazalwane bahlalisane ndawonye bemunye.

AmaHubo 133:1 ubungani umphakathi umndeni

ULwesihlanu, Ephreli 17, 2026

Yazisa abafelokazi abangabafelokazi ngoqobo.

1 kuThimothewu 5:3 umakhelwane umphakathi abafelokazi

ULwesine, Ephreli 16, 2026

Bonke abancintisanayo bayazithiba ezintweni zonke; labo benza ukuze bathole umqhele ophelayo, kepha thina ukuze sithole ongapheliyo.

1 kwabaseKorinte 9:25 ukuzithiba umvuzo ukuphila okungunaphakade

ULwesithathu, Ephreli 15, 2026

Ukuthandwa komuntu kubangwa ngumusa wakhe;
ompofu ungcono kunomuntu wamanga.

IzAga 19:22 thembekile imali okuhle

ULwesibili, Ephreli 14, 2026

Yenama ngosuku lwenhlanhla,
kepha ngosuku olubi qonda ukuthi
nalolu uNkulunkulu ulwenzile njengalolo,
ukuze umuntu angafumani lutho
oluyakuba khona emva kwakhe.

UmShumayeli 7:14 injabulo ukuphila ukuncika

UMsombuluko, Ephreli 13, 2026

Ngokuba asilethanga lutho ezweni; kusobala ukuthi singemuke nalutho futhi; kepha uma sinokudla nezambatho, asaneliswe yikho.

1 kuThimothewu 6:7-8 ukudla ukuthanda izinto ezibambekayo ukwaneliseka

ISonto, Ephreli 12, 2026

Inyama yami nenhliziyo yami iyaphela;
nokho uNkulunkulu uyidwala lenhliziyo yami
nesabelo sami kuze kube phakade.

AmaHubo 73:26 amandla ukuphila ukuncika

UMgqibelo, Ephreli 11, 2026

Nibusisiwe, nxa benithuka, benizingela, bekhuluma konke okubi ngani, beqamba amanga ngenxa yami.

NgokukaMathewu 5:11 isibusiso ushushiso okubi

ULwesihlanu, Ephreli 10, 2026

Akuthengwa yini imizwilili eyisihlanu ngezindibilishi ezimbili na? Akukhohlakele namunye kuyo emehlweni kaNkulunkulu. Kodwa nezinwele zekhanda lenu zibaliwe zonke. Maningesabi; nidlula imizwilili eminingi.

NgokukaLuka 12:6-7 kuyigugu uvalo isikhuthazo

ULwesine, Ephreli 9, 2026

Okuncane kanye nokulunga kungcono
kunenzuzo enkulu kanye nokungalungi.

IzAga 16:8 ukulunga imali ukwaneliseka

ULwesithathu, Ephreli 8, 2026

Ngokuba usizi lwethu olululana olungolomzuzwana luyasisebenzela isilinganiso esikhulu kakhulu senkazimulo emiyo phakade.

2 kwabaseKorinte 4:17 ukuphila okungunaphakade inhlupheko isikhuthazo

ULwesibili, Ephreli 7, 2026

Ngakho-ke bhekisisani ukuthi nihamba kanjani, kungabi njengabangahlakaniphile kepha njengabahlakaniphileyo, nithengisise isikhathi, ngokuba izinsuku zimbi.

Kwabase-Efesu 5:15-16 inhlakanipho ukuphila ingqondo