Mashi 2026

Ngokuba nayo iNdodana yomuntu ayizelanga ukukhonzwa kepha ukukhonza nokunikela ukuphila kwayo, kube yisihlengo sabaningi.

NgokukaMarku 10:45 ukuthobeka UJesu umhlatshelo

UMsombuluko, Mashi 30, 2026

Kepha wena Nkosi unguNkulunkulu ohawukelayo,
onomusa nokubekezela,
uvame ubumnene nokuthembeka.

AmaHubo 86:15 UNkulunkulu ububele umusa

ISonto, Mashi 29, 2026

Izixuku ezazihamba phambili nezazimlandela zamemeza zathi:
“Hosiyana kuyo iNdodana kaDavide!
Ubusisiwe ozayo egameni leNkosi.
Hosiyana kweliphezulu!”

NgokukaMathewu 21:9 UJesu khulekela iphasika

UMgqibelo, Mashi 28, 2026

Ngokuba uNkulunkulu kayithumelanga iNdodana ezweni ukuba yahlulele izwe, kodwa ukuba izwe lisindiswe ngayo.

NgokukaJohane 3:17 insindiso UJesu ukwahlulela

ULwesihlanu, Mashi 27, 2026

Sithandwa, kunakho konke ngikufisela ukuba ube nenhlanhla nokuphila, njengokuba umphefumulo wakho unenhlanhla.

3 kaJohane 1:2 isibusiso umkhuleko umphefumulo

ULwesine, Mashi 26, 2026

Omubi uthola inzuzo yenkohliso,
kepha ohlwanyela ukulunga unomvuzo oqinisekileyo.

IzAga 11:18 isibi ukulunga umvuzo

ULwesithathu, Mashi 25, 2026

Khona uJesu wabaphendula wathi: “Imfundiso yami akusiyo eyami kodwa ngeyongithumileyo.”

NgokukaJohane 7:16 UJesu IZwi likaNkulunkulu ukufunda

ULwesibili, Mashi 24, 2026

Yebo, bonke abathanda ukuhamba ngokumesaba uNkulunkulu kuKristu Jesu bayakuzingelwa.

2 kuThimothewu 3:12 ukuphila ushushiso UJesu

UMsombuluko, Mashi 23, 2026

Funani uJehova namandla akhe,
nifunisise ubuso bakhe njalo.

AmaHubo 105:4 UNkulunkulu ukufuna ukusondela

ISonto, Mashi 22, 2026

Ngokuba inyama ikhanuka okuphambene noMoya, kepha uMoya ukhanuka okuphambene nenyama; ngokuba lezi zinto ziyamelana, ukuze ningenzi lokho enikuthandayo.

KwabaseGalathiya 5:17 ukulalela umthetho UMoya

UMgqibelo, Mashi 21, 2026

Othanda imali akayikusutha ngemali,
nothanda okuningi akaneliswa yizithelo;
nalokho kuyize.

UmShumayeli 5:10 imali ukwemana ukuthanda izinto ezibambekayo

ULwesihlanu, Mashi 20, 2026

Okuncane kanye nokumesaba uJehova kungcono
kunengcebo eningi kanye nokukhathazeka.

IzAga 15:16 imali mangala ukuthanda izinto ezibambekayo

ULwesine, Mashi 19, 2026

Ningakhathazeki ngokuphila kwenu ukuthi niyakudlani, nangomzimba wenu ukuthi niyakwembathani. Ngokuba ukuphila kukhulu kunokudla, nomzimba kunesambatho.

NgokukaLuka 12:22b-23 ukukhathazeka ukudla ukuphila

ULwesithathu, Mashi 18, 2026

Aningikhethanga nina, kodwa mina nginikhethile nina, nganibeka ukuba niphume, nithele izithelo, nezithelo zenu zihlale ukuba noma yini eniyakukucela kuBaba egameni lami aninike khona.

NgokukaJohane 15:16 ukulalela umthetho umkhuleko ubizo

ULwesibili, Mashi 17, 2026

Ngihawukele, Nkulunkulu,
ngokomusa wakho;
yesula iziphambeko zami ngokobubele bakho obukhulu.
Ngigezisise ebubini bami,
ungihlanze esonweni sami.

AmaHubo 51:1-2 isibi isihe ukuhlanzwa

UMsombuluko, Mashi 16, 2026

Nahlukene noKristu nina nonke enifuna ukulungisiswa ngomthetho; niwile emseni.

KwabaseGalathiya 5:4 ukulunga umusa umthetho

ISonto, Mashi 15, 2026

Ngokuthanda kwakhe wasizala ngezwi leqiniso, ukuze sibe ngabokuqala bezidalwa zakhe.

EkaJakobe 1:18 indalo iqiniso ukuphila

UMgqibelo, Mashi 14, 2026

USomandla singemqonde;
mkhulu ngamandla nangokwahlulela;
ngokulunga kwakhe okukhulu akoni lutho.

UJobe 37:23 UNkulunkulu ukulunga amandla

ULwesihlanu, Mashi 13, 2026

Ngokuba izwi lesiphambano kwababhubhayo lingubuwula, kepha kithina esisindiswayo lingamandla kaNkulunkulu.

1 kwabaseKorinte 1:18 insindiso amandla ukubethelwa

ULwesine, Mashi 12, 2026

Ngokuba konke okuzelwe nguNkulunkulu kuyalinqoba izwe; lokhu kuyinqobo enqobe izwe: ukukholwa kwethu.

1 kaJohane 5:4 inkolo UNkulunkulu ukunqoba

ULwesithathu, Mashi 11, 2026

Mayibongwe iNkosi.
Iyasithwala imihla ngemihla;
uNkulunkulu uyinsindiso yethu. Sela

AmaHubo 68:19 khulekela ukuncika insindiso

ULwesibili, Mashi 10, 2026

Kepha-ke uma umuntu engabondli abakubo, kakhulu abakwakhe, ukulahlile ukukholwa, mubi kunongakholwayo.

1 kuThimothewu 5:8 umndeni ubudlelwano izingane

UMsombuluko, Mashi 9, 2026

Kungcono ababili kunoyedwa,
ngokuba banomvuzo omkhulu ngomshikashika wabo.

UmShumayeli 4:9 ubungani ubudlelwano umsebenzi

ISonto, Mashi 8, 2026

Impendulo ethambileyo iyabuyisa ukufutheka,
kepha izwi elilukhuni livusa ulaka.

IzAga 15:1 ukukhuluma ubumnene intukuthelo

UMgqibelo, Mashi 7, 2026

Ngokuba lapho kubuthene ababili noma abathathu egameni lami, ngikhona lapho phakathi kwabo.

NgokukaMathewu 18:20 UJesu umphakathi umkhuleko

ULwesihlanu, Mashi 6, 2026

Ngokuba njengalokhu sinezitho eziningi emzimbeni munye, kepha izitho zonke azinamsebenzi munye, kanjalo thina esibaningi simzimba munye kuKristu, kepha ngabanye siyizitho, omunye esomunye.

KwabaseRoma 12:4-5 umzimba UJesu umphakathi