Epreli 2026

Banoyolo abo balambela banxanelwe ubulungisa, kuba baya kwaneliswa nguThixo bona!

UMATEWU 5:6 ubulungisa intsikelelo ukwamkela

2026 Epreli 20, Mvulo

Ke ukuba ulithobele ilizwi likaNdikhoyo uThixo wakho, wayenza ngononophelo imiyalelo endikunika yona namhlanje, uNdikhoyo uya kukuphakamisa kunazo zonke izizwe zehlabathi.

UHLAZIYO-MNQOPHISO 28:1 umthetho ukuthobela intsikelelo

2026 Epreli 19, Cawe

Síthini na ke ngoko? Sóne na, kuba singekho phantsi kwawo umthetho, siphantsi kobabalo? Nakanye!

KWABASEROMA 6:15 isono ubabalo umthetho

2026 Epreli 18, Mgqibelo

Khawukhangele ukubukeka nomkhitha
wokuhlala kwezalamane ngemvano!

INdumiso 133:1 ubuhlobo uluntu usapho

2026 Epreli 17, Lwesihlanu

Bahlonele abahlolokazi; ndithetha abahlolokazi ngenene.

1 KUTIMOTI 5:3 ummelwane uluntu abahlolokazi

2026 Epreli 16, Lwesine

Nabani na ozigqatsayo kukhuphiswano uba phantsi kwengqeqesho engqongqo. Le nto uyayinyamezela khon' ukuze afumane isithsaba esibunayo. Kodwa thina siyenza siza kuzuza isithsaba esingagugiyo.

1 KWABASEKORINTE 9:25 ukuzibamba ibuyiselo ubomi obungunaphakade

2026 Epreli 15, Lwesithathu

Umntu uzilahlela kuloo nto ayinqwenelayo;
phofu akunani kwaukuba lihlwempu kunokuba lixoki.

IZAFOBE 19:22 ukuthembeka imali ukulunga

2026 Epreli 14, Lwesibini

Ngamathuba obumnandi yonwaba;
ngemihla yobubi qonda kakuhle ukuba kwale njengaleya yenziwe nguThixo.
Ngoko ke akukho mntu uyaziyo into eza kwenzeka kamva.

AMAVA ENGQONDI 7:14 uvuyo ubomi ukuxhomekeka

2026 Epreli 13, Mvulo

Kaloku zange size nanto ehlabathini; ngoko ke siya kumka singaphathanga nto. Kambe ke, ukuba sinako ukutya nempahla yokunxiba masaneliswe.

1 KUTIMOTI 6:7-8 ukutya ukuthanda izinto eziphathekayo ukwaneliseka

2026 Epreli 12, Cawe

Umzimba nentliziyo zingade ziphelelwe,
wona amandla am nguThixo, ulibango lam naphakade.

INdumiso 73:26 amandla ubomi ukuxhomekeka

2026 Epreli 11, Mgqibelo

Ninoyolo nina xa bathe abantu baningcikiva ngenxa yam, benitshutshisa, bethetha zonke izinto ezikhohlakeleyo ngani bexoka.

UMATEWU 5:11 intsikelelo intshutshiso ububi

Iintakana ezincinci azithengiswa zibe ntlanu na ngeesenti ezimbini? Kanti akukho nanye kuzo elityelweyo nguThixo. Kwaneenwele ezi zeentloko zenu zibaliwe zonke. Ke musani ukoyika: nixabisekile kuneentakana ezininzi nina.

ULUKA 12:6-7 ixabisekile uloyiko ukhuthazo

2026 Epreli 9, Lwesine

Akunani kwaintwana engephi oyizuze ngendlela elungileyo
kunentabalala yengeniso oyifumene ngondlela-mnyama.

IZAFOBE 16:8 ubulungisa imali ukwaneliseka

2026 Epreli 8, Lwesithathu

Ewe, ezi mbandezelo zexeshana, zincinane zinjalo, zisilungiselela iwonga laphakade, elingenakulinganiswa nazo.

2 KWABASEKORINTE 4:17 ubomi obungunaphakade ukubandezeleka ukhuthazo

2026 Epreli 7, Lwesibini

Ngoko ke yigqaleni indlela eniziphatha ngayo. Yibani ngabantu abanengqondo; musani ukuba ziziyatha. Eli thuba ninalo lisebenziseni kakuhle, kuba akho amaxesha amabi.

KWABASE-EFESE 5:15-16 ubulumko ubomi ingqondo

2026 Epreli 6, Mvulo

Akwambathise ngamaphiko akhe, akufihle ekhusini lakhe,
kube likhaka nekhuselo lakho ukuthembeka kwakhe.

INdumiso 91:4 ukukhuselwa ukuthembeka ukhuseleko

2026 Epreli 5, Cawe

Inene, iNkosi ivukile! Ibonakele kuSimon.

ULUKA 24:34 uvuko ipasika UYesu

2026 Epreli 4, Mgqibelo

Ke uThixo, imbangi yoxolo, uya kumnyhasha kamsinya uSathana phantsi kweenyawo zenu.
Ubabalo lweNkosi yethu uYesu Krestu malube nani.

KWABASEROMA 16:20 umtyholi uxolo ubabalo

2026 Epreli 3, Lwesihlanu

Akuba eyimfimfithile iwayini uYesu wathi: “Kugqityiwe.”
Wee qubudu intloko, waphuma umphefumlo.

UYOHANE 19:30 UYesu Umoya ipasika

2026 Epreli 2, Lwesine

Kanti ngenene buthwelwe nguye ubuthathaka bethu,
inkxwaleko yethu yâsemagxeni akhe.
Ngenene thina besiba ubandezelekile,
sisithi uyabethwa nguThixo.

UISAYA 53:4 ukubandezeleka UYesu ukugula

2026 Epreli 1, Lwesithathu

Nangona wayengenasono uKrestu, kodwa ngenxa yethu, uThixo wamenza wanenxaxheba kwisono sethu, ukuze thina sithi ngokumanywa naye sibe nenxaxheba ebulungiseni bukaThixo.

2 KWABASEKORINTE 5:21 isono ubulungisa umlamli