Andinin-teny ao amin'ny Baiboly momba ny fampanantenana

«»

• Aza matahotra ianao, fa momba anao Aho;
  Ary aza miherikerika foana, fa Izaho no Andriamanitrao;
  Mampahery anao Aho sady mamonjy anao;
  Eny, mitantana anao amin'ny tanana ankavanan'ny fahamarinako Aho.
  Isaia 41:10tahotratanjakaahiahy
• Fa Izaho mahalala ny hevitra iheverako anareo, hoy Jehovah, dia hevitra hahatonga fiadanana, fa tsy loza, mba hanome anareo fanantenana ny amin'ny farany.
  Jeremia 29:11fandrindranafitahianafanantenana
• Aoka hohazonintsika mafy ny fanekena ny fanantenana mba tsy hihozongozonany (fa mahatoky Ilay efa nanao ny teny fikasana).
  Hebreo 10:23fitokisanafanantenanamanaiky
• Fa izay miandry an'i Jehovah dia mandroso hery kosa;
  Elatra no hiakarany tahaka ny voromahery;
  Hihazakazaka izy, nefa tsy ho sasatra;
  Handeha izy, nefa tsy ho reraka.
  Isaia 40:31fanantenanafankaherezanatanjaka
• Raha mita ny rano ianao, dia homba anao Aho;
  Ary raha mita ny ony ianao, dia tsy hanafotra anao izy;
  Raha mandeha mamaky ny afo ianao, dia tsy ho may,
  Ary tsy hirehitra aminao ny lelafo.
  Isaia 43:2fahatokisanafankaherezana
• Mahatoky Izay miantso anareo, sady Izy ihany no hanefa izany.
  1 Tesaloniana 5:24fiantsoanamahatokyTenin'Andriamanitra
• Ary Andriamanitry ny fahasoavana rehetra, Izay efa niantso anareo ho any amin'ny voninahiny mandrakizay ao amin'i Kristy, rehefa niaritra fahoriana vetivety ianareo, dia Izy no hahatanteraka sy hampiorina ary hampitoetra anareo.
  1 Petera 5:10fahasoavanafiainana mandrakizayfijaliana
• Mangataha, dia homena ianareo; mitadiava, dia hahita ianareo; dondony, dia hovohana ianareo.
  Matio 7:7valisoamitadyfahazoana
• Ny Tompo tsy mahela ny teny fikasany, araka izay ataon'ny sasany ho fahelany; fa mahari-po aminareo Izy, ka tsy tiany hisy ho very, fa mba ho tonga amin'ny fibebahana izy rehetra.
  2 Petera 3:9famonjenafaharetanafiovam-po
• Koa aoka ho fantatrao fa Jehovah Andriamanitrao ihany no Andriamanitra, dia Andriamanitra mahatoky, Izay mitandrina fanekena sy famindram-po amin'izay tia Azy sy mitandrina ny didiny, hatramin'ny taranaka arivo mandimby.
  Deotoronomia 7:9fitokisanalalànaAndriamanitra
• Hoy Jesosy taminy: Izaho no fananganana ny maty sy fiainana; izay mino Ahy, na dia maty aza, dia ho velona indray. Ary izay rehetra velona ka mino Ahy dia tsy ho faty mandrakizay. Mino izany va ianao?
  Jaona 11:25-26finoanafahafatesanafitsanganana amin'ny maty
• Koa raha manana ireo teny fikasana ireo isika, ry malala, dia aoka isika hanadio ny tenantsika ho afaka amin'ny fahalotoana rehetra, na amin'ny nofo, na amin'ny fanahy, ka hahatanteraka ny fahamasinana amin'ny fahatahorana an'Andriamanitra.
  2 Korintiana 7:1fanadiovanafahamasinanafanajana
• Andriamanitra tsy mba olona ka handainga, na zanak'olombelona ka hanenina; moa efa nilaza va Izy, ka tsy hefainy? na efa niteny va Izy, ka tsy hotoviny?
  Nomery 23:19Andriamanitrafitokisanalainga
• Indro, efa mitsangana eo am-baravarana Aho ka mandondòna; raha misy mihaino ny feoko ka mamoha ny varavarana, dia hiditra ao aminy Aho ka hiara-misakafo aminy, ary izy amiko.
  Apokalypsy 3:20fankatoavanahaninamihaino
• Izay maharesy dia hitafy lamba fotsy tahaka ireo koa, ary tsy hamono ny anarany eo amin'ny bokin'ny fiainana tokoa Aho, fa hanaiky ny anarany eo anatrehan'ny Raiko sy eo anatrehan'ny anjeliny.
  Apokalypsy 3:5fandresenalanitramanaiky
• Ary izany no nahatanterahany amintsika ireo teny fikasana sady soa no lehibe indrindra, mba ho tonga mpiray amin'ny fomban'Andriamanitra amin'izany ianareo, rehefa afa-nandositra ny fahalotoana izay eo amin'izao tontolo izao noho ny filàna.
  2 Petera 1:4valisoafanirianaizao tontolo izao
• Ny avako efa napetrako eo amin'ny rahona ho famantarana ny fanekena ho amiko sy ho amin'ny tany.
  Genesisy 9:13fifanarahana
• Fa toy izao no nitiavan’Andriamanitra izao tontolo izao: nomeny ny Zanani-lahy Tokana, mba tsy ho very izay rehetra mino Azy, fa hanana fiainana mandrakizay.
  Jaona 3:16fahasoavanafiainana mandrakizayfinoana
• Ary, indro, efa handeha ho amin'ny lalana falehan'ny tany rehetra aho izao; ary fantatrareo ao amin'ny fonareo rehetra sy ny fanahinareo rehetra fa tsy misy latsaka na dia zavatra iray akory aza ny zava-tsoa rehetra izay nilazan'i Jehovah Andriamanitrareo anareo; efa tanteraka taminareo avokoa izy rehetra: tsy nisy latsaka izy na dia zavatra iray akory aza.
  Josoa 23:14fitokisanafoaina
• Ry malala, ankehitriny aza dia zanak'Andriamanitra isika, nefa tsy mbola naseho izay ho toetsika rahatrizay. Fantatsika fa raha hiseho Izy, dia ho tahaka Azy isika, fa ho hitantsika Izy, dia izay tena endriny tokoa. Ary izay rehetra manana izany fanantenana miorina aminy izany dia manadio ny tenany mba hadio tahaka Azy.
  1 Jaona 3:2-3fanadiovanaankohonanalanitra
• Fa mahasoa kely ihany ny fampiasana ny tena; fa ny toe-panahy araka an'Andriamanitra no mahasoa amin'ny zavatra rehetra ka manana ny teny fikasana ny amin'ny fiainana ankehitriny sy ny ho avy koa.
  1 Timoty 4:8fahasalamanafankatoavanafiainana
• Fa ny Soratra Masina efa nanidy azy rehetra teo amin'ny fahotana, mba homena ny mino ny teny fikasana noho ny finoana an i Jesosy Kristy.
  Galatiana 3:22fahotanafahatokisanafinoana
• Raha mivoady amin'Andriamanitra ianao, aza manao ampitso lava: fa tsy ankasitrahany ny adala; koa efao ny voadinao.
  Mpitoriteny 5:3fitokisanafankatoavana
• Ary noho izany dia Mpanalalana amin'izay fanekena vaovao Izy, rehefa niaritra fahafatesana ho fanavotana amin'ny fahotana natao tamin'ny fanekena voalohany, mba hahazoan'izay voantso ny teny fikasana, dia ny lova mandrakizay.
  Hebreo 9:15lalànaMpamonjympanelanelana
• Dia aoriko ny fanekeko aminareo, ka tsy haringako amin'ny safo-drano intsony ny nofo rehetra, ary tsy hisy safo-drano hanimba ny tany intsony.
  Genesisy 9:11filaminanafifanarahana