Fanetren-tena (2/2)

Ary ho an'Andriamanitra Raintsika anie ny voninahitra mandrakizay mandrakizay. Amena. Filipiana 4:20

MG1865

Ary ho an'Andriamanitra Raintsika anie ny voninahitra mandrakizay mandrakizay. Amena.
Filipiana 4:20 fiankohofana Ray
Fa sitrak'i Jehovah ny olony;
Ravahany famonjena ny mpandefitra.
Salamo 149:4 fifaliana fitahiana
Fa ny Zanak'olona tsy tonga mba hotompoina, fa mba hanompo ka hanolotra ny ainy ho avotra hisolo ny maro.
Marka 10:45 Jesosy sorona famonjena
Jehovah ô, aza izahay, aza izahay no omena voninahitra,
Fa ny anaranao ihany,
Noho ny famindram-ponao sy ny fahamarinanao.
Salamo 115:1 fitiavana fiankohofana mahatoky
Jehovah no mampalahelo sy mampanan-karena;
izy no mampietry sy mampisandratra.
1 Samoela 2:7 vola andriamanitra lehibe fiankinan-doha
Koa amin'izany, izaho Nebokadnezara midera sy manandratra ary mankalaza ny Mpanjakan'ny lanitra; marina avokoa ny asany rehetra, ary araka ny rariny ny lalany; ary izay mandeha amin'ny fiavonavonana dia hainy aetry.
Daniela 4:34 rariny fiankohofana fiavonavonana
Lozan'izay miady amin'ny namorona azy! Tavim-bilany isan'ny tavim-bilany amin'ny tany ihany ireny! Ny tanimanga va hilaza amin'ny mpanefy azy hoe: Inona no ataonao? Na ny asanao va hanao hoe: Tsy manan-tanana izy?
Isaia 45:9 famoroana izao tontolo izao mahatakatra
Avia, ka aoka hiondrika sy hiankohoka isika;
Aoka isika handohalika eo anatrehan'i Jehovah, Mpanao antsika.
Salamo 95:6 famoroana izao tontolo izao fiankohofana
Koa raha Izaho, Tompo sy Mpampianatra aza, no nanasa ny tongotrareo, ianareo kosa mba tokony hifanasa tongotra.
Jaona 13:14 fanompoana Jesosy manaraka
Ary raha mifady hanina ianareo, aza mety ho tahaka ny mpihatsaravelatsihy, izay malahelo tarehy; fa mampisotisoty ny tavany izy mba ho hitan'ny olona fa mifady. Lazaiko aminareo marina tokoa fa efa azony ny valim-pitiany.
Matio 6:16 fifadian-kanina valisoa
Fa tsy mba ho toy izany aminareo; fa izay te-ho lehibe aminareo dia ho mpanompo anareo; ary izay te-ho ambony indrindra aminareo dia ho mpanomponareo.
Matio 20:26-27 fanompoana manaraka fanandevozana
Fa voasoratra hoe: Raha velona koa Aho, hoy Jehovah, ny lohalika rehetra handohalika amiko, Ary ny lela rehetra hidera an'Andriamanitra.
Romana 14:11 fiankohofana manaiky fiderana
Aoka ny rahalahy izay ambany hanao ny fisandratany ho reharehany; fa ny manan-karena kosa ny fietreny, satria ho levona tahaka ny vonin'ny ahitra izy.
Jakoba 1:9-10 fiavonavonana vola
Ary ho an'izay mahay manao mihoatra noho ny zavatra rehetra, eny, mihoatra lavitra noho izay rehetra angatahintsika na heverintsika aza, araka ny hery izay miasa ato amintsika, ho Azy anie ny voninahitra ao amin'ny fiangonana sy ao amin'i Kristy Jesosy hatramin'ny taranaka farany indrindra mandrakizay mandrakizay. Amena.
Efesiana 3:20-21 fiankohofana tanjaka Fanahy
Inona moa ny olona, no ahatsiarovanao azy?
Ary ny zanak'olombelona, no amangianao azy?
Salamo 8:4 fitahiana fahasoavana
Mandrenesa ny fivavako Jehovah ô,
ary mihainoa ny fitarainako;
aza mangina amin'ny ranomasoko
fa vahiny aminao aho
sy mpivahiny tahaka ny razako rehetra.
Salamo 39:12 fivavahana fisaonana
Koa amin'izany mivavaha toy izao ianareo:
Rainay Izay any an-danitra,
hohamasinina anie ny anaranao.
Ho tonga anie ny fanjakanao.
Hatao anie ny sitraponao
etỳ an-tany tahaka ny any an-danitra.
Matio 6:9-10 fivavahana Ray izao tontolo izao
Mifalia indrindra, ry Ziona zanakavavy; Manaova feo fifaliana, ry Jerosalema zanakavavy; Indro, ny Mpanjakanao avy ho anao; Marina Izy sady manam-pamonjena, Malemy fanahy sady mitaingina boriky Dia zana-boriky tanora.
Zakaria 9:9 faminaniana paka rariny
Mitadiava an'i Jehovah, ianareo mpandefitra rehetra amin'ny tany,
Izay efa nanaraka ny fitsipiny:
Tadiavo ny fahamarinana, Tadiavo ny fandeferana;
Angamba ho voafina ianareo
amin'ny andro fahatezeran'i Jehovah.
Zefania 2:3 mitady fiarovana rariny
Lazaiko aminareo marina dia marina tokoa: Ny andevo tsy lehibe noho ny tompony, na ny iraka noho ny maniraka azy.
Jaona 13:16 fanompoana fanandevozana
Sambatra ny malahelo am-panahy; fa azy ny fanjakan'ny lanitra.
Matio 5:3 fitahiana fanjakana lanitra
Fa ilay mpamory hetra kosa nijanona teny lavitra eny, sady tsy nety niandrandra ny lanitra akory, fa niteha-tratra ka nanao hoe: Andriamanitra ô, mamindrà fo amiko mpanota.
Lioka 18:13 famerim-berenana fiovam-po fahasoavana