Boloka (July 2018)

Tuesday, July 31, 2018

Hlaphohelwang, mme le se ke la nna la etsa sebe. Ba bang ha ba tsebe Modimo; ke rialo hore le hlajwe ke dihlong.

1 BAKORINTHE 15:34 boloki sebe tshokologo

Monday, July 30, 2018

Sethoto se hlatsa kgalefo ya sona,
empa ya bohlale yena o a e bipa.

Sunday, July 29, 2018

Etsa ka matla ho ba ya amohelehang ho Modimo, mosebeletsi ya ke keng a hlajwa ke dihlong, ya rutang lentswe la nnete ka ho otloloha.

2 TIMOTHEA 2:15 go tshepega nnete mošomo

Saturday, July 28, 2018

Ka tumelo le yena Sara, eo e neng e le nyopa, o ile a fuwa matla a ho ba le ngwana, leha a ne a se a tsofetse haholo, hobane o ile a tshepa botshepehi ba ya mo tshepisitseng.

BAHEBERU 11:11 tshepo tumelo moputso

Friday, July 27, 2018

Makaqabetsing a ka
ka ipiletsa ho Morena,
ka llela Modimo wa ka
hore a nthuse;
a utlwa lentswe la ka
a le ka tempeleng ya hae,
sello sa ka sa fihla tsebeng tsa hae.

PESALEMA 18:7 go bolela thapelo go theeletša

Thursday, July 26, 2018

Empa ha ke re letho ka bophelo ba ka, ha feela nka phetha mosebetsi wa ka, le tshebeletso eo ke neng ke e amohele ho Morena Jesu, ya ho paka tsa molaetsa o molemo wa mohau wa Modimo.

DIKETSO 20:24 kgaugelo boebangedi bophelo

Wednesday, July 25, 2018

Tseo le ithutileng tsona, la di amohela, la di utlwa, la di bona ho nna, le di phethe, mme Modimo ya re fang kgotso o tla ba le lona.

BAFILIPI 4:9 khutšo go theeletša go ithuta

Tuesday, July 24, 2018

Meharo e hlabisa motho dihlong;
ho molemo ho futsaneha
ho ena le ho bua leshano.

MAELE 19:22 potego tšhelete botse

Monday, July 23, 2018

Peo e jetsweng meutlweng ke ya utlwang lentswe, feela dikgathatso tsa mehla ya jwale le thetso ya maruo di bipetsa lentswe, le nyope.

MATHEU 13:22 Lentšu la Modimo go belaela tšhelete

Sunday, July 22, 2018

Ke Modimo ofe
ya tshwanang le wena?
Ya tshwarelang dibe, a leballe ditlolo
tsa masalla a setjhaba sa hae?
Wena o Modimo
ya sa halefeleng ruri,
wena o Modimo
ya thabelang ho hauhela.

'MIKIEA 7:18 sebe mohau tshwarelo

Saturday, July 21, 2018

Mpho e betlela mofani tsela,
e mmee kapele ho mahosi a hae.

MAELE 18:16 moputso go fa

Friday, July 20, 2018

Le se ke la ithetsa.
“Ditlwaelano tse mpe
di senya mekgwa e metle.”

1 BAKORINTHE 15:33 mpe botse segwera

Thursday, July 19, 2018

Baratuwa, le se ke la dumela mang kapa mang ya reng o na le Moya. Le mpe le hlahlobe hore na moya oo wa bona o tswa ho Modimo, hobane hohle lefatsheng ho tletse baporofeta ba bohata.

1 JOHANNE 4:1 tshepo Moya wa Modimo porofeto

Wednesday, July 18, 2018

Mohlankana a ka hlwekisa
metsamao ya hae jwang?
Ka ho hahela lentswe la hao lesaka.

PESALEMA 119:9 kgalalelo Lentšu la Modimo setlabelo

Tuesday, July 17, 2018

Fadimehang, tiyang tumelong, emang senna, matlafalang.

1 BAKORINTHE 16:13 tumelo maatla sebete

Na madi a Kreste ya inyehetseng ho Modimo ka moya wa hae o sa feleng, a se na sekodi, ekaba wona a hlwekisa hakaakang dipelo tsa rona mesebetsing e isang timelong, e le hore re tle re sebeletse Modimo ya phelang?

BAHEBERU 9:14 Jesu Moya wa Modimo tlhwekišo

Sunday, July 15, 2018

Ya nang le mamello
o molemo ho feta ya dikgoka,
ya itshwarang ha a halefile
o feta ya hapang motse.

MAELE 16:32 khutšo bopelotelele boitshwaro

Saturday, July 14, 2018

Tshabo ha e yo leratong, empa lerato le phethehileng le qhala tshabo, hobane tshabo e tsamaya le kotlo. Ya nang le tshabo ha a a phetheha leratong.

1 JOHANNE 4:18 lerato letšhogo kotlo

Friday, July 13, 2018

Na ha le tsebe hore le tempele ya Modimo, le hore Moya wa Modimo o ahile ka ho lona?

1 BAKORINTHE 3:16 kgalalelo Moya Mokgethwa Moya wa Modimo

Thursday, July 12, 2018

Lentswe le eso be teng lemeng la ka,
o se o le tseba hantle, Morena.

PESALEMA 139:4 go bolela ramatla kwešišo

Wednesday, July 11, 2018

Jesu a re: “Tse sitang batho ha di site Modimo.”

LUKA 18:27 mehlolo phološo Jesu

Tuesday, July 10, 2018

Haeba o mamela lentswe la Morena Modimo wa hao ka hloko, o hlokomela ho phetha melao yohle ya hae, eo ke o laelang yona kajeno, Morena Modimo wa hao o tla o phahamisa ho feta ditjhaba tsohle tsa lefatshe.

LIPOLELO 28:1 molao boikobo tšhegofatšo

Monday, July 9, 2018

Morena, mohau wa hao
o ke o be le rona,
hobane re tshepile wena.

PESALEMA 33:22 tshepo potego kholofelo

Sunday, July 8, 2018

Ho lehlohonolo
ba lapetseng ho loka,
ba ho nyoretsweng,
hobane ba tla kgotsofatswa.

MATHEU 5:6 boloki tšhegofatšo go amogela

Saturday, July 7, 2018

Ke entse jwalo hore dipelo tsa bona di tshedisehe, di kopane mmoho ka lerato, ba tle ba rue tsebo e tletseng, e tlisang kutlwisiso ya sephiri sa Modimo, e leng Kreste.

BAKOLOSE 2:2 Jesu tlhohleletšo lerato

Friday, July 6, 2018

Yaba ke bona hore ho molemo, ho bile ho lokile hore ka matsatsi a seng makae a bophelo, ao Modimo a mo neileng wona, motho a je, a nwe, a ithabise ka tsohle tsa mosebetsi wa matsoho a hae mona lefatsheng, hobane hoo ke yona kabelo ya hae.

MORUTI 5:18 dijo mošomo bophelo

Thursday, July 5, 2018

Yena eo le mo ratang le hoja le sa ka la mmona, mme le hona jwale le dumelang ho yena le hoja le eso mmone. Jwale le nyakaletse ka thabo e ke keng ya bolelwa, e tlotlehang, hobane le tla amohela moputso wa tumelo ya lona, e leng pholoho ya lona.

1 PETROSE 1:8-9 tumelo lethabo phološo

Wednesday, July 4, 2018

Jwale Morena Modimo a re: “Hase hantle hore motho a be inotshi; ke tla mo etsetsa molekane ya mo thusang.”

TŠIMOLOHO 2:18 tlholo lenyalo ditswalano

Tuesday, July 3, 2018

Binelang Modimo,
rokang lebitso la hae,
lokisang tsela ya ya kaletseng maru.
Lebitso la hae ke Morena,
nyakallang mahlong a hae.
Modimo ke ntata dikgutsana,
ke mosireletsi wa bahlolohadi,
o leahong la hae le halalelang.

PESALEMA 68:5-6 kgalalelo polokego go direla/hlankela