Gcina (Julayi 2018)

2018 Julayi 31, Lwesibini

Buyelani engqondweni nahlukane nezono. Abazani noThixo abanye benu. Loo nto ndiyithetha ukuze nidane.

1 KWABASEKORINTE 15:34 ubulungisa isono uguqulo

2018 Julayi 30, Mvulo

Isiyatha asiwulawuli umsindo;
kambe ke sona isilumko siyaphola sizibambe.

IZAFOBE 29:11 umsindo ubulumko ukuzibamba

2018 Julayi 29, Cawe

Zama kangangoko unako ukuba ukholeke kuThixo, ube ngumntu ongenadyudyu ngomsebenzi wakhe, uyifundisa ngokufanelekileyo inyaniso.

2 KUTIMOTI 2:15 ukunyaniseka inyaniso umsebenzi

2018 Julayi 28, Mgqibelo

Ngokholo nkqu noSara owayengazali, naxa wayeselegugile nje, wafumana amandla, wakhawula, kuba wathemba ukuba uThixo lo uthembisileyo wosigcina isithembiso sakhe.

KUMAHEBHERE 11:11 thembela ukholo ibuyiselo

2018 Julayi 27, Lwesihlanu

Ndazibika kuNdikhoyo ndikuloo ngxingongo,
ndalucela uncedo kuThixo wam.
Wandiva engqendeve ebhotwe lakhe,
savakala kuye isikhalo sam.

INdumiso 18:6 ukuthetha umthandazo ukuphulaphula

2018 Julayi 26, Lwesine

Kodwa kum ukuphila akubalulekanga ngaphezu kokuba ndilufeze ubizo lwam, ndiwugqibe umsebenzi endawunikwa yiNkosi wokuvakalisa iindaba ezimnandi zesisa sikaThixo.

UMSEBENZI WABATHUNYWA 20:24 ubabalo ukuvangela ubomi

2018 Julayi 25, Lwesithathu

Zenzeni zonke izinto enazivayo nezo nazibonela kum, amazwi kwanezenzo. Ke uThixo onika uxolo uya kuba nani.

KWABASEFILIPI 4:9 uxolo ukuphulaphula ukufunda

2018 Julayi 24, Lwesibini

Umntu uzilahlela kuloo nto ayinqwenelayo;
phofu akunani kwaukuba lihlwempu kunokuba lixoki.

IZAFOBE 19:22 ukuthembeka imali ukulunga

2018 Julayi 23, Mvulo

Eyahlwayelwa endaweni enokhula izekelisa lowo uzivayo iindaba ezi, aze ke amaxhala eli phakade, nokulukuhla kobutyebi, kuziminxe iindaba, kungabikho siqhamo.

UMATEWU 13:22 ILizwi likaThixo ukukhathazeka imali

2018 Julayi 22, Cawe

Kodwa nguwuphi uThixo onjengawe?
Nguwuphi oxolela ubugwenxa,
angazihoyi iziphoso zamasalela elifa lakhe?
Wena akuhlali uqumbile ngonaphakade;
kaloku uyimvuze-mvuze bububele.

UMIKA 7:18 isono inceba uxolelo

2018 Julayi 21, Mgqibelo

Xa ufuna ukuviwa ngabo basemagunyeni
phatha umngena-ndlwini xa uya kubo.

IZAFOBE 18:16 ibuyiselo ukupha

2018 Julayi 20, Lwesihlanu

Musani ukuphazama: “Incoko embi iyasonakalisa isimilo esihle.”

1 KWABASEKORINTE 15:33 ububi ukulunga ubuhlobo

2018 Julayi 19, Lwesine

Zihlobo, musan' ukusuka nikhokelwe nje nanguwuphi na umoya. Wonke umoya wuvavanyeni, nikhangele ukuba ngaba uvela kuThixo na. Kaloku baninzi abashumayeli abanefuthe lobuxoki abajikeleza elizweni.

1 KAYOHANE 4:1 thembela Umoya isiprofeto

2018 Julayi 18, Lwesithathu

Lungaziphatha kanjani ulutsha ukuze ihambo yalo ibe nyulu?
Ngokuthobela ilizwi lakho.

INdumiso 119:9 ubungcwele ILizwi likaThixo izixhobo

2018 Julayi 17, Lwesibini

Phaphani, nime zinzi elukholweni! Khaliphani, nomelele!

1 KWABASEKORINTE 16:13 ukholo amandla isibindi

Ingakanani ke yona inkululeko esiyifumana ngegazi likaKrestu? Yena wazinikela kuThixo emsulwa, ngoMoya ongunaphakade, wazenza idini. Ligazi lakhe eliya kuzihlambulula ezethu izazela emisebenzini efileyo, lisenze sikulungele ukukhonza uThixo ophilayo.

KUMAHEBHERE 9:14 UYesu Umoya ukusulungekiswa

2018 Julayi 15, Cawe

Onomonde ulungile kunegorha;
olawula umsindo wakhe ungcono kunothimba isixeko.

IZAFOBE 16:32 uxolo umonde ukuzibamba

2018 Julayi 14, Mgqibelo

Alukho uloyiko apho kukho uthando, kuba uthando oluyondeleleneyo luyakugxotha ukoyika. Kaloku emntwini owoyikayo uthando alukayondelelani, kuba ukoyika kuhambisana nesohlwayo.

1 KAYOHANE 4:18 uthando uloyiko isohlwayo

2018 Julayi 13, Lwesihlanu

Anazi na ukuba nina niyindlu kaThixo? Anazi na ukuba uMoya kaThixo uhlala ngaphakathi kwenu?

1 KWABASEKORINTE 3:16 ubungcwele uMoya oyiNgcwele Umoya

2018 Julayi 12, Lwesine

Kaloku wena wazi ndingekathethi;
ewe, Ndikhoyo, wazi nento endiza kuyithetha.

INdumiso 139:4 ukuthetha usomandla ukuqonda

2018 Julayi 11, Lwesithathu

Waza uYesu wathi: “Oko aba umntu akunakwenzeka, kunokwenziwa nguThixo.”

ULUKA 18:27 imimangaliso usindiso UYesu

2018 Julayi 10, Lwesibini

Ke ukuba ulithobele ilizwi likaNdikhoyo uThixo wakho, wayenza ngononophelo imiyalelo endikunika yona namhlanje, uNdikhoyo uya kukuphakamisa kunazo zonke izizwe zehlabathi.

UHLAZIYO-MNQOPHISO 28:1 umthetho ukuthobela intsikelelo

2018 Julayi 9, Mvulo

Ndikhoyo, senzele ububele nenceba,
njengoko kaloku sithembele kuwe.

INdumiso 33:22 thembela ukuthembeka ithemba

2018 Julayi 8, Cawe

Banoyolo abo balambela banxanelwe ubulungisa, kuba baya kwaneliswa nguThixo bona!

UMATEWU 5:6 ubulungisa intsikelelo ukwamkela

2018 Julayi 7, Mgqibelo

Ndifuna bahlale bomelele, bemanyene ngothando, ukuze bafikelele ekuqinisekeni ngokupheleleyo ngengqondo, beyiqiqa imfihlelo kaThixo. Loo mfihlelo ke nguKrestu ngenkqu.

KWABASEKOLOSE 2:2 UYesu ukhuthazo uthando

2018 Julayi 6, Lwesihlanu

Ke kaloku ndifumanise ukuba eyona nto ilungileyo nefanelekileyo ukuba umntu ayenze kukutya asele, akuxhamle enelisekile ukubulaleka kwakhe ngezi ntsukwana zimbalwa aziphiwe nguThixo apha phantsi kwelanga. Kaloku eso sisabelo sakhe.

AMAVA ENGQONDI 5:18 ukutya umsebenzi ubomi

2018 Julayi 5, Lwesine

Anikamboni nokumbona, kodwa niyamthanda. Niyakholwa nokukholwa kuye, naxa ningekamboni nje. Senizele naluchulumacho olungenakuchazwa, kuba seniyibona injongo yokholo lwenu; ndixela inkululeko yenu.

1 KAPETROS 1:8-9 ukholo uvuyo usindiso

2018 Julayi 4, Lwesithathu

Uthe ke uNdikhoyo uThixo emva koko: “Akukuhle ukuba le ndoda ihlale ililolo. Kuhle ndiyenzele umlingane onokuncedisana nayo.”

EYEZIQALO 2:18 indalo umtshato ubudlelwane

2018 Julayi 3, Lwesibini

Culelani uThixo, nibong' igama lakhe.
Ewe, mbongeni lowo ucand' emafini.
Igama lakhe nguNdikhoyo, vuyani ngenxa yakhe.
UThixo usendlwini yakhe engcwele.
Nguyise weenkedama, umthetheleli wabahlolokazi.

INdumiso 68:4-5 ubungcwele ukhuseleko unqulo