Gcina (Agasti 2018)

2018 Agasti 31, Lwesihlanu

UPetros wathetha wenjenje: “Ngenene ndiyaqonda ngoku ukuba uThixo akamkhethi wabuso bamntu. Nabani na, nokuba ngowaluphi na uhlanga, ukuba uyamhlonela uThixo, esenza okulungileyo, wamkelekile kuye.”

UMSEBENZI WABATHUNYWA 10:34-35 ukuthobela ubulungisa ukuvangela

2018 Agasti 30, Lwesine

Makungabikho namnye uzikhohlisayo. Ukuba ubani kuni uba usisilumko kweli hlabathi, makabe “sisidenge” ukuze abe sisilumko ngenene.

1 KWABASEKORINTE 3:18 ubulumko umhlaba ukuzingca

2018 Agasti 29, Lwesithathu

Umntu oyinyolukeleyo imali soze imanelise;
kanti ke noxhinele ubutyebi akaze aneliswe yingeniso yakhe.
Nale ke into ngamampunge.

AMAVA ENGQONDI 5:10 imali ukubawa ukuthanda izinto eziphathekayo

2018 Agasti 28, Lwesibini

Kaloku abo bakhokelwa nguMoya kaThixo, bangoonyana bakaThixo.

KWABASEROMA 8:14 ukuthobela Umoya abantwana

2018 Agasti 27, Mvulo

Bakuyiva le ntetho, babhaptizwa egameni leNkosi uYesu. UPawulos wababeka izandla, batsho bamamkela uMoya oyiNgcwele, baza bathetha iilwimi, belithetha ilizwi likaThixo.

UMSEBENZI WABATHUNYWA 19:5-6 ubhaptizo uMoya oyiNgcwele isiprofeto

2018 Agasti 26, Cawe

Ububele bakho mandibuve kwakusasa;
kaloku mna ndikholosa ngawe.
Ndifundise indlela endifaneleyo;
kaloku mna ndizibika kuwe.

INdumiso 143:8 thembela uthando ukucwangcisa

2018 Agasti 25, Mgqibelo

Yaye uThixo wam wonibonelela kuzo zonke iintswelo zenu ngendyikityha yendyebo yakhe ekuKrestu Yesu.

KWABASEFILIPI 4:19 thembela UYesu intsikelelo

Kambe ke nina niluhlanga olukhethekileyo, ababingeleli basebhotwe, isizwe esinyulu, imilowo yakwaThixo. UThixo unikhethele ukuze nivakalise isidima nesihomo sakhe. Kaloku wanibiza nisebumnyameni, wanizisa ekukhanyeni okumangalisayo.

1 KAPETROS 2:9 ukuvangela usindiso ubungcwele

2018 Agasti 23, Lwesine

Umntu oyithandayo ingqeqesho uthanda ulwazi;
kodwa ke yena ongafuni kululekwa usisityhakala.

IZAFOBE 12:1 ukuqonda ukufunda ukuphulaphula

2018 Agasti 22, Lwesithathu

Kodwa ke, wena mntu uzinikele ngokupheleleyo kuThixo, zicezele zonke ezi zinto. Phuthuma ukulungisa, unqulo, ukuthemba, uthando, ukunyamezela, nobulali.

1 KUTIMOTI 6:11 ukholo uthando ubulungisa

2018 Agasti 21, Lwesibini

Makubulelwe ke kuThixo osinika uloyiso ngayo iNkosi yethu uYesu Krestu!

1 KWABASEKORINTE 15:57 UYesu umbulelo ukoyisa

2018 Agasti 20, Mvulo

Umntu ondwebileyo uthi akuyibona ayicezele ingozi,
kanti ke yena ongaqiqiyo uphoseka kuyo enzakale.

IZAFOBE 27:12 ingqondo ukhuseleko ukukhuselwa

2018 Agasti 19, Cawe

Ke ngoko uYesu wathi kumaJuda abeke ithemba kuye: “Ukuba nithe nazingisa ukuhlala nisenza oko ndinifundisileyo, niya kuba ngabafundi bam benene. Niya kuyiqonda ke inyaniso; yaye inyaniso iya kunenza nikhululeke.”

UYOHANE 8:31-32 inyaniso ILizwi likaThixo ukulandela

2018 Agasti 18, Mgqibelo

Síthini na ke ngoko? Sóne na, kuba singekho phantsi kwawo umthetho, siphantsi kobabalo? Nakanye!

KWABASEROMA 6:15 isono ubabalo umthetho

2018 Agasti 17, Lwesihlanu

Ngenene ndobuxhamla kambe ububele bukaNdikhoyo
lo gama ndisadla amazimba.

INdumiso 27:13 ukulunga thembela

2018 Agasti 16, Lwesine

Kuba kaloku noNyana woLuntu akezanga kukhonzwa, weza kukhonza, nokuncama ubomi bakhe, bube yintlawulelo yokukhulula abaninzi.

UMARKO 10:45 ukuthobeka UYesu umbingelelo

2018 Agasti 15, Lwesithathu

Yenzani unako-nako ukuhlalisana ngoxolo nabantu bonke.

KWABASEROMA 12:18 uxolo ubomi ummelwane

2018 Agasti 14, Lwesibini

Ikratshi lomntu lilandelwa yintshabalalo;
ke lona udumo lukhokelwa yintobeko.

IZAFOBE 18:12 ukuthobeka ikratshi

2018 Agasti 13, Mvulo

Celani nophiwa, funani nofumana, nkqonkqozani novulelwa.

UMATEWU 7:7 ibuyiselo ukufuna ukwamkela

2018 Agasti 12, Cawe

Ewe, uThixo unyule izinto ezibonakala zidelekile ebantwini, ngathi azinto yanto, azikho nokubakho, ezinyulela ukuze aphuthise ngazo izinto ezibonakala ngathi zibalulekile ebantwini. Xa kunjalo ke akukho namnye unokuqhayisa.

1 KWABASEKORINTE 1:28-29 ukuthobeka ubizo umhlaba

2018 Agasti 11, Mgqibelo

Bulelani uNdikhoyo, ninqule igama lakhe,
nizibalisel' iintlanga ngezintw' asenzele zona.

INdumiso 105:1 ukuthetha ukuvangela unqulo

2018 Agasti 10, Lwesihlanu

Ndiza kuyomeleza indlu kaJuda,
ndiyihlangule indlu kaJosefu.
Ewe, ndoba nebuyambo ngakubo;
kaloku mna ndinenceba ngabo.
Boba ngathi zange ndibalahle.
Kaloku mna ndinguNdikhoyo uThixo wabo,
ndaye ke ndobaphendula.

UZAKARIYA 10:6 amandla umthandazo ukuphulaphula

2018 Agasti 9, Lwesine

Ukuba iliso lakho lasekunene liyakulahlekisa, lincothule ulilahle. Kukulungele kanye ukuba kutshabalale libe linye emalungwini akho, kunokuba umzimba wakho uphela uphoswe esihogweni.

UMATEWU 5:29 isono iminqweno isihogo

2018 Agasti 8, Lwesithathu

Intiyo iphembelela ingxabano;
ke lona uthando luyazingcwaba zonke izono.

IZAFOBE 10:12 uthando umsindo ububi

2018 Agasti 7, Lwesibini

Mna ndinguNdikhoyo, uThixo wakho;
ndokugcina ndikomeleze,
ndithi kuwe: ‘Sukuphaphazela, ndiza kukunceda.’

UISAYA 41:13 uThixo uloyiko ukuxhomekeka

2018 Agasti 6, Mvulo

Waphendula uYesu wathi kuye: “Lowo undithandayo uyawagcina amazwi am. Wothi uBawo amthande, size siye kuye, sihlale kunye naye.”

UYOHANE 14:23 uthando ukuthobela UTata

2018 Agasti 5, Cawe

Ndingamzimela ndithini uMoya wakho?
Ndingasabela phi apho ungekhoyo khona?
Ukuba ndingenyukela emazulwini, ndingafika ukho;
nokuba ndingalala kwelabafileyo, ukho nalapho.

INdumiso 139:7-8 Umoya izulu ukufa

2018 Agasti 4, Mgqibelo

Ngoko ke yitshitshiseni iphele kuni imikhwa yeli hlabathi: ukurheletya, ukungcola, ukutshiseka, iinkanuko, nokunyoluka okukwalunqulo-zithixo.

KWABASEKOLOSE 3:5 isono iminqweno ukuthanda izinto eziphathekayo

2018 Agasti 3, Lwesihlanu

Kuba apho bathe bahlangana khona egameni lam ababini nokuba ngabathathu, nam ndikho phakathi kwabo.

UMATEWU 18:20 UYesu uluntu umthandazo

2018 Agasti 2, Lwesine

InguNdikhoyo nje ondalusayo,
ndingaswela ntoni na?
Nguye ondikhaphelela kumadlelo aluhlaza,
andikhokelele kwimilambo empompozayo.

INdumiso 23:1-2 intsikelelo phumla ukuxhomekeka

2018 Agasti 1, Lwesithathu

Wanga angakuthi jize ngamathamsanqa uNdikhoyo,
akulondoloze.
Wanga angayindlezane kuwe uNdikhoyo,
usixhamle isisa sakhe.
Wanga angakwazelelela uNdikhoyo,
akwambathise uxolo.

EYASENTLANGO 6:24-26 ubabalo intsikelelo uxolo