Gcina (Septemba 2018)

2018 Septemba 30, Cawe

Ngoko ke masikhathalelane, sivuselelane uthando, ngokunjalo nokwenza imisebenzi emihle. Kananjalo masikuxabise ukudibana namanye amakholwa, siphefumlelane, singabi njengâbo bawutyeshelayo lo mkhwa. Ewe, masikhuthazane ngakumbi nangakumbi, kuba nani niyabona ukuba imini leyo iyasondela.

KUMAHEBHERE 10:24-25 ukuza kwesibini uluntu ukhuthazo

2018 Septemba 29, Mgqibelo

Ezi zinto ndizithethe kuni ukuze nibe novuyo enilunikwe ndim, luze uvuyo lwenu lugqibelele.

UYOHANE 15:11 uvuyo UYesu ngokungenatyala

2018 Septemba 28, Lwesihlanu

Hayi ubuhle bezinto ozigcinele abo bakuhlonelayo, Ndikhoyo;
zintle kambe izinto ozenzela abo bakholose ngawe!

INdumiso 31:19 thembela uloyiko intsikelelo

2018 Septemba 27, Lwesine

Konke enikucelayo ngomthandazo nikholwa, nokwamkela.

UMATEWU 21:22 ukuthembeka ukholo umthandazo

2018 Septemba 26, Lwesithathu

Wathi uPetros kubo: “Guqukani ezonweni zenu nonke ngabanye, nibhaptizwe egameni likaYesu Krestu, ukuze nixolelwe izono zenu, nize namkele isipho soMoya oyiNgcwele.”

UMSEBENZI WABATHUNYWA 2:38 uxolelo Umoya ubhaptizo

2018 Septemba 25, Lwesibini

Kunikele kuNdikhoyo konke okwenzayo,
yaye ke yena uya kuziphumelelisa izicwangciso zakho.

IZAFOBE 16:3 thembela ukucwangcisa intsikelelo

2018 Septemba 24, Mvulo

Ngaphezu koko, siqhayisa nangeembandezelo ezi, sisazi nje ukuba iimbandezelo zisiqhelisa ukunyamezela. Ke ukunyamezela kubonisa ukuba sicikidekile. Ukucikideka ke kudala ithemba.

KWABASEROMA 5:3-4 ukubandezeleka ithemba uvuyo

2018 Septemba 23, Cawe

Ubabalo lweNkosi uYesu Krestu, nothando lukaThixo, nobudlelane boMoya oyiNgcwele, maluhlale nani nonke.

2 KWABASEKORINTE 13:13 ubabalo intsikelelo uMoya oyiNgcwele

2018 Septemba 22, Mgqibelo

Amazwi amyoli nqwa nobusi;
ayanandipheka emphefumlweni, ephilisa emathanjeni.

IZAFOBE 16:24 ubulali ukuthetha umphefumlo

2018 Septemba 21, Lwesihlanu

Ewe, unenyhweba umntu olulekwa nguThixo;
ngoko ke sukuyidela ingqeqesho kaSomandla!

UYOBI 5:17 isohlwayo ukubandezeleka intsikelelo

2018 Septemba 20, Lwesine

Waza uYesu wabakhangela wathi: “Abantu bona abanako ukuyenza le nto, kodwa yena uThixo unako ukuzenza zonke izinto.”

UMATEWU 19:26 imimangaliso usindiso ukuqonda

2018 Septemba 19, Lwesithathu

Ungaze wahlukane nezihlobo zakho, ungazilibali nezakowenu.
Xa usengxakini sukubalekela kumntakwenu –
isenokuba ngummelwane osondeleyo onokukunceda ngaphezulu komntakwenu okude.

IZAFOBE 27:10 ubuhlobo usapho ummelwane

2018 Septemba 18, Lwesibini

Guqukani ke ngoko, nibuyele kuThixo, ukuze zicinywe izono zenu.

UMSEBENZI WABATHUNYWA 3:19 uguqulo isono uxolelo

2018 Septemba 17, Mvulo

Yiphani; nani ke niya kuphiwa nguThixo. Ewe, nophiwa isabelo esihle, esipheleleyo, esigalelwa engubeni yenu. Indlela enabela abanye ngayo, nani niya kwabelwa kwangayo nguThixo.

ULUKA 6:38 ibuyiselo ukupha ukwamkela

2018 Septemba 16, Cawe

Hayi ukuvuya komntu oyaziyo impendulo echanekileyo!
Ewe, ilizwi elithethwe ngexesha elililo lihle kunene.

IZAFOBE 15:23 ukuthetha uvuyo

2018 Septemba 15, Mgqibelo

Xa ke sithi sinobudlelane noThixo, kodwa sibe sihleli ebumnyameni, sithetha ubuxoki, nezenzo zethu azingqinelani nenyaniso.

1 KAYOHANE 1:6 isono ukunyaniseka inyaniso

2018 Septemba 14, Lwesihlanu

Nondifuna nindifumane, xa nindifuna ngomxhelo wonke.

UJEREMIYA 29:13 ukufuna intliziyo umphefumlo

2018 Septemba 13, Lwesine

Umzimba nentliziyo zingade ziphelelwe,
wona amandla am nguThixo, ulibango lam naphakade.

INdumiso 73:26 amandla ubomi ukuxhomekeka

2018 Septemba 12, Lwesithathu

Phakathi kobusuku uPawulos noSilas bathandaza bacula bedumisa uThixo, namanye amabanjwa ebeva.

UMSEBENZI WABATHUNYWA 16:25 unqulo umthandazo ukuphulaphula

2018 Septemba 11, Lwesibini

Kaloku ndilangazelela ukunibona, ukuze ndinabele siphiwo sithile kwezoMoya, ukuze nomelezeke. Ndithetha ukuthi nina kunye nam sivuseleleke: nina ngokholo lwam, nam ke ngokholo lwenu.

KWABASEROMA 1:11-12 ubuhlobo amandla ukhuthazo