Ingobo yomlando (Septhemba 2018)

ISonto, Septhemba 30, 2018

Masiqaphelane, ukuze kuvuswe uthando nemisebenzi emihle, singakuyeki ukuhlangana kwethu njengomkhuba wabanye, kepha masivuselelane, ikakhulu njengokuba nibona usuku lusondela.

KumaHeberu 10:24-25 ukuza kwesibili umphakathi isikhuthazo

UMgqibelo, Septhemba 29, 2018

Nginitshelile lokho ukuba ukuthokoza kwami kube kini, nokuthokoza kwenu kugcwale.

NgokukaJohane 15:11 injabulo UJesu ongenasici

ULwesihlanu, Septhemba 28, 2018

Yeka ubukhulu bomusa wakho
obagodlele wona abakwesabayo,
owenzele bona ababalekela kuwe,
phambi kwabantwana babantu.

AmaHubo 31:19 ukwethemba uvalo isibusiso

ULwesine, Septhemba 27, 2018

Nakho konke eningakucela ngokukhuleka nikholwa niyakukwamukeliswa.

NgokukaMathewu 21:22 thembekile inkolo umkhuleko

ULwesithathu, Septhemba 26, 2018

UPetru wayesethi: “Phendukani, yilowo nalowo abhapathizwe egameni likaJesu Kristu kukho ukuthethelelwa kwezono zenu; khona niyakwamukeliswa isiphiwo sikaMoya oNgcwele.”

IzEnzo 2:38 intethelelo UMoya ukubhapathizwa

ULwesibili, Septhemba 25, 2018

Gingqela kuJehova imisebenzi yakho,
ukuze kuqiniswe amasu akho.

IzAga 16:3 ukwethemba ukuhlela isibusiso

UMsombuluko, Septhemba 24, 2018

Kepha akusikho lokho kuphela, kodwa sizibonga nangezinhlupheko ngokwazi ukuthi ukuhlupheka kuveza ukukhuthazela, ukukhuthazela kuveza ukuqiniseka, ukuqiniseka kuveza ithemba.

KwabaseRoma 5:3-4 inhlupheko ngiyethemba injabulo

ISonto, Septhemba 23, 2018

Umusa weNkosi uJesu Kristu, nothando lukaNkulunkulu, nokuhlangana kukaMoya oNgcwele makube nani nonke. Amen.

2 kwabaseKorinte 13:14 umusa isibusiso UMoya Oyingcele

UMgqibelo, Septhemba 22, 2018

Amazwi amahle anjengamakhekheba oju;
amnandi emphefumulweni, ayimpiliso emathanjeni.

IzAga 16:24 ubumnene ukukhuluma umphefumulo

ULwesihlanu, Septhemba 21, 2018

Bheka, ubusisiwe lowo muntu uNkulunkulu amlayayo;
ngalokho ungadeleli ukukhuzwa nguSomandla.

UJobe 5:17 isijeziso inhlupheko isibusiso

ULwesine, Septhemba 20, 2018

Kepha uJesu ebabheka wathi kubo: “Kubantu akunakwenzeka; kepha kuNkulunkulu kungenzeka konke.”

NgokukaMathewu 19:26 izimangaliso insindiso ukuqonda

ULwesithathu, Septhemba 19, 2018

Ungashiyi umngane wakho nomngane kayihlo,
ungangeni endlini yomfowenu ngosuku lwengozi yakho;
ungcono umakhelwane oseduze kunomfowenu okude.

IzAga 27:10 ubungani umndeni umakhelwane

ULwesibili, Septhemba 18, 2018

Ngalokhu phendukani, niguquke ukuba kuhlangulwe izono zenu.

IzEnzo 3:19 ukuguqulwa isibi intethelelo

UMsombuluko, Septhemba 17, 2018

Yiphani, khona niyakuphiwa; bayakunipha esifubeni senu isilinganiso esihle, esigxushiweyo, esigqishiweyo, esichichimayo; ngokuba ngesilinganiso enilinganisa ngaso nani niyakulinganiselwa ngaso.

NgokukaLuka 6:38 umvuzo ukupha ukwamukela

ISonto, Septhemba 16, 2018

Umuntu uyathokoza ngokuphendula komlomo wakhe,
nezwi ngesikhathi salo lihle kangakanani!

IzAga 15:23 ukukhuluma injabulo

UMgqibelo, Septhemba 15, 2018

Uma sithi sinenhlanganyelo naye sibe sisahamba ebumnyameni, sinamanga, asenzi iqiniso.

1 kaJohane 1:6 isibi thembeka iqiniso

ULwesihlanu, Septhemba 14, 2018

Niyakungifuna, ningifumane, lapho ningifunisisa ngenhliziyo yenu yonke.

UJeremiya 29:13 ukufuna inhliziyo umphefumulo

ULwesine, Septhemba 13, 2018

Inyama yami nenhliziyo yami iyaphela;
nokho uNkulunkulu uyidwala lenhliziyo yami
nesabelo sami kuze kube phakade.

AmaHubo 73:26 amandla ukuphila ukuncika

ULwesithathu, Septhemba 12, 2018

Kepha phakathi kobusuku oPawulu noSila bekhuleka bamdumisa uNkulunkulu ngamahubo, iziboshwa zabezwa.

IzEnzo 16:25 khulekela umkhuleko ukulalela

ULwesibili, Septhemba 11, 2018

Ngokuba ngilangazelela ukunibona ukuze nginabele isipho esithile somusa sokomoya ukuba niqiniswe, okungukuthi siduduzane kanye nani phakathi kwenu ngokukholwa kwethu okwenu nokwami.

KwabaseRoma 1:11-12 ubungani amandla isikhuthazo