Tahirin-kevitra (Septambra 2018)

Alahady 30 Septambra 2018

Ary aoka isika hifampandinika hampandroso ny fitiavana sy ny asa tsara; aza mahafoy ny fiarahantsika miangona, tahaka ny fanaon'ny sasany, fa mifananara kosa, mainka satria hitanareo fa mihantomotra ny andro.

Hebreo 10:24-25 fiverenana fiaraha-monina fankaherezana

Asabotsy 29 Septambra 2018

Izany zavatra izany dia efa nolazaiko taminareo, mba ho ao aminareo ny fifaliako, ka ho tanteraka ny fifalianareo.

Jaona 15:11 fifaliana Jesosy lafatra

Zoma 28 Septambra 2018

Akory re ny haben'ny zava-tsoanao voarakitrao
ho an'ny matahotra Anao!
dia izay nataonao teo anatrehan'ny zanak'olombelona
ho an'izay mialoka aminao!

Salamo 31:19 fahatokisana tahotra fitahiana

Alakamisy 27 Septambra 2018

Ary na inona na inona no angatahinareo amin'ny fivavahana atao amin'ny finoana dia ho azonareo.

Matio 21:22 fitokisana finoana fivavahana

Alarobia 26 Septambra 2018

Ary hoy Petera taminy: Mibebaha, ary aoka samy hatao batisa amin'ny anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina.

Asan'ny Apostoly 2:38 famelàn-keloka Fanahy batisa

Talata 25 Septambra 2018

Ankino amin'i Jehovah ny asanao,
Dia ho lavorary izay kasainao.

Ohabolana 16:3 fahatokisana fandrindrana fitahiana

Alatsinainy 24 Septambra 2018

Ary tsy izany ihany, fa aoka isika hifaly amin'ny fahoriana aza, satria fantatsika fa ny fahoriana mahatonga faharetana; ary ny faharetana mahatonga fahatsaram-panahy voazaha toetra; ary ny fahatsaram-panahy voazaha toetra mahatonga fanantenana.

Romana 5:3-4 fijaliana fanantenana fifaliana

Alahady 23 Septambra 2018

Ho aminareo rehetra anie ny fahasoavan'i Jesosy Kristy Tompo sy ny fitiavan'Andriamanitra ary ny firaisana amin'ny Fanahy Masina.

2 Korintiana 13:14 fahasoavana fitahiana Fanahy Masina

Asabotsy 22 Septambra 2018

Toho-tantely ny teny mahafinaritra,
Ka sady mamin'ny fanahy no mahatsara ny taolana.

Ohabolana 16:24 fahamoram-panahy lahateny aina

Zoma 21 Septambra 2018

Indro, sambatra ny zanak'olombelona izay anarin'Andriamanitra,
koa aza atao ho zavatra kely ny famaizan'ny Tsitoha.

Joba 5:17 sazy fijaliana fitahiana

Alakamisy 20 Septambra 2018

Ary Jesosy nijery azy ka nanao taminy hoe: Tsy hain'ny olona izany, fa hain'Andriamanitra ny zavatra rehetra.

Matio 19:26 fahagagana famonjena mahatakatra

Alarobia 19 Septambra 2018

Aza mahafoy ny sakaizanao, na ny sakaizan-drainao,
Ary aza mankany amin'ny tranon'ny rahalahinao amin'ny andro fahorianao;
Fa tsara ny namana akaiky noho ny rahalahy lavitra.

Ohabolana 27:10 namana ankohonana manaraka

Talata 18 Septambra 2018

Koa mibebaha ianareo, ka miverena hamonoana ny fahotanareo, mba ho avy izay andro famelombelomana avy amin'ny fanatrehan'ny Tompo.

Asan'ny Apostoly 3:19 fiovam-po fahotana famelàn-keloka

Alatsinainy 17 Septambra 2018

Omeo, dia mba homena ianareo; fatra tsara sady ahintsana no afatratra ka mihoatra no homeny ho ao am-pofoanareo. Fa izay fatra ataonareo no hamarana ho anareo kosa.

Lioka 6:38 valisoa manomeza fahazoana

Alahady 16 Septambra 2018

Faly ny olona, raha mahavaly tsara ny vavany,
Ary endrey ny hatsaran'ny teny atao amin'izay andro mahamety azy!

Ohabolana 15:23 lahateny fifaliana

Asabotsy 15 Septambra 2018

Raha hoy isika: Manana firaisana aminy isika, kanefa mandeha amin'ny maizina, dia mandainga isika ka tsy manao ny marina.

1 Jaona 1:6 fahotana fanaovana ny marina fahamarinana

Zoma 14 Septambra 2018

Ary hitady Ahy ianareo, dia ho hitanareo Aho, raha katsahinareo amin'ny fonareo rehetra.

Jeremia 29:13 mitady fo aina

Alakamisy 13 Septambra 2018

Na dia levona aza ny nofoko sy ny foko,
dia mbola vatolampin'ny foko
sy anjarako mandrakizay Andriamanitra.

Salamo 73:26 tanjaka fiainana fiankinan-doha

Alarobia 12 Septambra 2018

Ary nony mamatonalina, dia nivavaka sy nihira fiderana an'Andriamanitra Paoly sy Silasy; ary nihaino azy ny mpifatotra.

Asan'ny Apostoly 16:25 fiankohofana fivavahana mihaino

Talata 11 Septambra 2018

Fa maniry hahita anareo aho hanomezako anareo fahasoavam-panahy ho anareo, mba hampaharezina ianareo, izany dia ny mba hiarahako hamporisihina aminareo amin'ny finoantsika, dia ny anareo sy ny ahy.

Romana 1:11-12 namana tanjaka fankaherezana