Ingobo yomlando (Mashi 2016)

ULwesine, Mashi 31, 2016

Isandla sabakhutheleyo siyakubusa,
kepha izidenge ziyakuphoqelwa umsebenzi.

ULwesithathu, Mashi 30, 2016

Ningaphindisi okubi ngokubi nokuthuka ngokuthuka, kepha kakhulu manibusise, ngokuba nabizelwa lokho ukuba nidle ifa lokubusiswa.

1 kaPetru 3:9 ukukhuluma isibusiso ubizo

ULwesibili, Mashi 29, 2016

Yebo, ukumesaba uNkulunkulu kanye nokwaneliswa kuyinzuzo enkulu.

1 kuThimothewu 6:6 inkolo injabulo ukuthanda izinto ezibambekayo

UMsombuluko, Mashi 28, 2016

UJehova ungamandla ami nesihlangu sami;
inhliziyo yami ithembe kuye, ngasizwa;
ngakho-ke inhliziyo yami iyethaba;
ngizakumdumisa ngesihlabelelo sami.

AmaHubo 28:7 ukwethemba khulekela amandla

Kodwa ingelosi yaphendula, yathi kwabesifazane: “Ningesabi nina; ngokuba ngiyazi ukuthi nifuna uJesu obebethelwe esiphambanweni; kakho lapha, ngokuba uvukile njengokusho kwakhe; zanini nibone indawo lapho ebelele khona.”

NgokukaMathewu 28:5-6 UMsindisi UJesu iphasika

UMgqibelo, Mashi 26, 2016

Kepha yazithwala izifo zethu,
yabetshatha ubuhlungu bethu,
kodwa thina sathi ijezisiwe,
ishaywe nguNkulunkulu, ihlushiwe.

U-Isaya 53:4 inhlupheko UJesu ukugula

ULwesihlanu, Mashi 25, 2016

Kwathi ukuba uJesu ewamukele uviniga, wathi: “Kufeziwe;” wagebisa ikhanda, wafa.

NgokukaJohane 19:30 UJesu UMoya iphasika

ULwesine, Mashi 24, 2016

Isipho somuntu siyamenzela indawo,
simholele kwabakhulu.

IzAga 18:16 umvuzo ukupha

ULwesithathu, Mashi 23, 2016

Okokugcina, manibe nhliziyonye nonke, nihawukelane, nithandane ngokwabazalwane, nibe nobubele nokuthobeka.

1 kaPetru 3:8 ukuthobeka umphakathi umakhelwane

ULwesibili, Mashi 22, 2016

Uthando silwazi ngalokho ukuthi yena wabeka ukuphila kwakhe ngenxa yethu; nathi sifanele ukubeka ukuphila ngenxa yabazalwane.

1 kaJohane 3:16 uthando UJesu umakhelwane

UMsombuluko, Mashi 21, 2016

Babusisiwe abagcina ubufakazi bakhe,
abamfuna ngenhliziyo yonke.

AmaHubo 119:2 isibusiso ukufuna inhliziyo

ISonto, Mashi 20, 2016

Lokho ngikukhulume kini ukuba nibe nokuthula kimi. Ezweni niyakuba lusizi, kepha yimani isibindi, mina ngilinqobile izwe.

NgokukaJohane 16:33 isikhuthazo ukuthula ukunqoba

UMgqibelo, Mashi 19, 2016

Sithandwa, kunakho konke ngikufisela ukuba ube nenhlanhla nokuphila, njengokuba umphefumulo wakho unenhlanhla.

3 kaJohane 1:2 isibusiso umkhuleko umphefumulo

ULwesihlanu, Mashi 18, 2016

Ngihawukele, Nkulunkulu,
ngokomusa wakho;
yesula iziphambeko zami ngokobubele bakho obukhulu.
Ngigezisise ebubini bami,
ungihlanze esonweni sami.

AmaHubo 51:1-2 isibi isihe ukuhlanzwa

ULwesine, Mashi 17, 2016

Funani uJehova namandla akhe,
nifunisise ubuso bakhe njalo.

1 iziKronike 16:11 amandla ukufuna ukusondela

ULwesithathu, Mashi 16, 2016

Konke enikwenzayo, noma kungezwi noma kungomsebenzi, kwenzeni konke egameni leNkosi uJesu, nimbonge uNkulunkulu uYise ngaye.

KwabaseKolose 3:17 ukukhuluma ukubonga ukulandela

ULwesibili, Mashi 15, 2016

Yini ukuba udangale,
mphefumulo wami,
uyaluze phakathi kwami, na?
Methembe uNkulunkulu,
ngokuba ngisezakumdumisa yena
oyinsindiso yobuso bami noNkulunkulu wami.

AmaHubo 42:11 khulekela ngiyethemba umphefumulo

UMsombuluko, Mashi 14, 2016

Uma-ke kukhona kini oswela ukuhlakanipha, makacele kuNkulunkulu obapha bonke ngobuhle engajakadi, khona uyakuphiwa.

EkaJakobe 1:5 inhlakanipho ukwamukela isisa

ISonto, Mashi 13, 2016

Wayesethi kubo: “Kungenxa yokukholwa kwenu okuncane. Ngokuba ngiqinisile ngithi kini: Uma ninokukholwa njengembewu yesinaphi, niyakuthi kule ntaba: ‘Suka lapha, uye laphaya,’ iyakusuka; akukho okuyakunahlula.”

NgokukaMathewu 17:20 ukwethemba inkolo izimangaliso

UMgqibelo, Mashi 12, 2016

Mbonge uJehova, mphefumulo wami;
konke okuphakathi kwami makubonge igama lakhe elingcwele.

AmaHubo 103:1 ubungcwele khulekela umphefumulo

ULwesihlanu, Mashi 11, 2016

Makungabikho ozikhohlisayo; uma umuntu phakathi kwenu ethi uhlakaniphile kulesi sikhathi, akabe yisiwula, ukuze ahlakaniphe.

1 kwabaseKorinte 3:18 inhlakanipho umhlaba ubugovu

ULwesine, Mashi 10, 2016

Uma kukubi emehlweni enu ukumkhonza uJehova, khethani namuhla ukuthi ngubani eniyakumkhonza, noma onkulunkulu ababakhonzayo oyihlo besengaphesheya koMfula, noma onkulunkulu bama-Amori enihlala ezweni lawo; kepha mina nendlu yami siyakumkhonza uJehova.

UJoshuwa 24:15 umndeni izithombe ezibaziweyo ukulandela