Gcina (Matshi 2016)

2016 Matshi 31, Lwesine

Abakhutheleyo ngabo abaya kulawula;
ke wona amavila aphelela kumsebenzi wobukhoboka.

IZAFOBE 12:24 ibuyiselo umsebenzi ubukhoboka

2016 Matshi 30, Lwesithathu

Ningakhuphani zixhiba, nigwexane. Ndaweni yaloo nto thethani ngobulali. Eyona nto nibizelwe yona yeyokuba nifumane ilifa leentsikelelo.

1 KAPETROS 3:9 ukuthetha intsikelelo ubizo

2016 Matshi 29, Lwesibini

Ewe kambe, unqulo luyamtyebisa umntu ukuba uyaneliswa zezo zinto anazo.

1 KUTIMOTI 6:6 ukholo uvuyo ukuthanda izinto eziphathekayo

2016 Matshi 28, Mvulo

NguNdikhoyo amandla am nekhaka lam;
ndithembele ngaye ngomxhelo wam wonke.
Ndoncedakala nditsho ndibe nemincili,
ndimbonge ngengoma.

INdumiso 28:7 thembela unqulo amandla

2016 Matshi 27, Cawe

Isithunywa sathi kubafazi abo: “Sanukoyika nina. Ndiyazi ukuba nifuna uYesu obebethelelwe emnqamlezweni. Akakho apha. Uvukile, njengoko watshoyo. Yizani apha, niyibone indawo awayekuyo.”

UMATEWU 28:5-6 UMsindisi UYesu ipasika

2016 Matshi 26, Mgqibelo

Kanti ngenene buthwelwe nguye ubuthathaka bethu,
inkxwaleko yethu yâsemagxeni akhe.
Ngenene thina besiba ubandezelekile,
sisithi uyabethwa nguThixo.

UISAYA 53:4 ukubandezeleka UYesu ukugula

2016 Matshi 25, Lwesihlanu

Akuba eyimfimfithile iwayini uYesu wathi: “Kugqityiwe.”
Wee qubudu intloko, waphuma umphefumlo.

UYOHANE 19:30 UYesu Umoya ipasika

2016 Matshi 24, Lwesine

Xa ufuna ukuviwa ngabo basemagunyeni
phatha umngena-ndlwini xa uya kubo.

IZAFOBE 18:16 ibuyiselo ukupha

2016 Matshi 23, Lwesithathu

Ndiphetha ngelithi: Velanani, nibe moya mnye. Thandanani, nenzelane ububele, nilulamelane.

1 KAPETROS 3:8 ukuthobeka uluntu ummelwane

2016 Matshi 22, Lwesibini

Inkqu yothando siyibona kule nto yokuba uKrestu anikele ubomi bakhe ngenxa yethu. Ngokunjalo ke nathi sifanele ukuba sibunikele ubomi bethu ngenxa yamawethu.

1 KAYOHANE 3:16 uthando UYesu ummelwane

2016 Matshi 21, Mvulo

Banoyolo abo bayithobelayo imfundiso kaNdikhoyo,
abayilulamelayo ngomxhelo wabo wonke.

INdumiso 119:2 intsikelelo ukufuna intliziyo

2016 Matshi 20, Cawe

Ndinixelele ezi zinto ukuze nibe noxolo, kuba nimanyene nam. Ehlabathini niya kubandezeleka; kodwa musani ukuxhalaba, kuba mna ndiloyisile ihlabathi.

UYOHANE 16:33 ukhuthazo uxolo ukoyisa

2016 Matshi 19, Mgqibelo

Mhlobo oyintanda, ndithandazela ukuba konke kube hele, kube chosi kuwe, nanjengoko ndisazi ukuba kunjalo nasemphefumlweni wakho.

3 KAYOHANE 1:2 intsikelelo umthandazo umphefumlo

2016 Matshi 18, Lwesihlanu

Awu, Thixo, ndiyatarhuzisa!
Ngenxa yezibele zothando lwakho,
nobubanzi benceba yakho, nceda uzicime iziphoso zam!
Ndihlambe ndahlukane nabo bonke ububi;
ndenze ndibe nyulu, ndingabi nasono!

INdumiso 51:1-2 isono inceba ukusulungekiswa

2016 Matshi 17, Lwesine

Lufuneni kuNdikhoyo uncedo;
mfunen' aph' akhoyo ngawo onke amaxesha.

1 YEZIGANEKO 16:11 amandla ukufuna ukusondela

2016 Matshi 16, Lwesithathu

Nantoni na ke eniyenzayo, nokuba niyathetha, nokuba niyenza, yenzeleni egameni leNkosi uYesu, nibulela uThixo uYise ngayo.

KWABASEKOLOSE 3:17 ukuthetha umbulelo ukulandela

2016 Matshi 15, Lwesibini

Hee! Ngani ukuba ndidakumbe kangaka?
Ngani ukuba ndikhathazeke kangaka?
Hayi bo! Mandikholose ngoThixo,
khon' ukuze ndibuyele ekumdumiseni uMsindisi noThixo wam.

INdumiso 42:11 unqulo ithemba umphefumlo

2016 Matshi 14, Mvulo

Ke ukuba kukho bani uswele ubulumko, makabucele kuThixo. UThixo onobubele nesisa kubo bonke abantu, womnika.

EKAYAKOBI 1:5 ubulumko ukwamkela isisa

Wathi kubo: “Kungenxa yokulambatha kokholo lwenu. Ndithi kuni, inene, ukuba beninokholo olungangokhozo lwemostade, beninokuthi kule ntaba: ‘Suka apha, uye phaya,’ ize iye, kungabikho nto ininqabelayo.”

UMATEWU 17:20 thembela ukholo imimangaliso

2016 Matshi 12, Mgqibelo

Mbonge uNdikhoyo, moya wam!
Mandimbonge uNdikhoyo ngomxhelo wam wonke!

INdumiso 103:1 ubungcwele unqulo umphefumlo

2016 Matshi 11, Lwesihlanu

Makungabikho namnye uzikhohlisayo. Ukuba ubani kuni uba usisilumko kweli hlabathi, makabe “sisidenge” ukuze abe sisilumko ngenene.

1 KWABASEKORINTE 3:18 ubulumko umhlaba ukuzingca

2016 Matshi 10, Lwesine

Ke ukuba kubi emehlweni enu ukumkhonza uNdikhoyo, khethani ngoku, ukuba nokhonza bani na nina, phakathi koothixo baseMesopotami booyihlo noothixo bama-Amori enimi kumhlaba wawo. Kodwa mna kunye nomzi wam, siya kukhonza uNdikhoyo.

UYOSHUWA 24:15 usapho izithixo ukulandela

2016 Matshi 9, Lwesithathu

Yonke into ayithethayo uThixo ithembekile;
ulikhaka kwabazimela ngaye.

IZAFOBE 30:5 inyaniso ILizwi likaThixo ukukhuselwa

2016 Matshi 8, Lwesibini

Sonke isibhalo sinefuthe loMoya kaThixo. Siyanceda ekufundiseni inyaniso nokuchitha imposiso. Siyanceda ukulungisa isimilo, sinike ingqeqesho; ukuze lowo uzinikele kuThixo abe namandla okuwuphumeza nawuphi na umsebenzi omhle.

2 KUTIMOTI 3:16-17 ILizwi likaThixo ubomi izixhobo

2016 Matshi 7, Mvulo

Ngamana yanithundeza iNkosi, nimthande uThixo, nibe nenyameko efuze ekaKrestu.

2 KWABASETESALONIKA 3:5 uthando inguqu ukulandela

2016 Matshi 6, Cawe

Wena Thixo, unguThixo wam, ndithe swi nguwe.
Umphefumlo wam uyakulangazelela.
Ndihlala ndizula-zula ndikufuna;
ndinxanele wena oku komhlaba obharhileyo.

INdumiso 63:1 unqulo ukufuna umphefumlo

2016 Matshi 5, Mgqibelo

Musani ukuhombela ukubukwa ngokuluka iinwele, nitsho ngezacholo zegolide nempahla engayiwayo. Isihombo senu masibe sesangaphakathi, esingagugiyo. Umoya omhle wobulali yinto ayixabisileyo uThixo.

1 KAPETROS 3:3-4 ukuthobeka ubuhle intliziyo