Ingobo yomlando (Juni 2024)

ISonto, Juni 30, 2024

Isiwula asithokozi ngokuqonda,
kuphela ngokuveza okusenhliziyweni yakhe.

IzAga 18:2 ukukhuluma inhlakanipho ubugovu

UMgqibelo, Juni 29, 2024

Ningamdabukisi uMoya oNgcwele kaNkulunkulu enabekwa uphawu ngaye kuze kube lusuku lokuhlengwa.

Kwabase-Efesu 4:30 UMoya Oyingcele ukudabuka ukuza kwesibili

ULwesihlanu, Juni 28, 2024

Izwi likaKristu alihlale phakathi kwenu, livame, nifundisane ngokuhlakanipha konke, niyalane ngamahubo, nangezihlabelelo, nangamaculo okomoya, nimhubele uNkulunkulu ezinhliziyweni zenu ngokubonga.

KwabaseKolose 3:16 IZwi likaNkulunkulu ukufunda khulekela

ULwesine, Juni 27, 2024

Ngokuba akayikugudluka kuze kube phakade;
olungileyo uyakukhunjulwa kuze kube phakade.

AmaHubo 112:6 ukulunga ukuvikela

ULwesithathu, Juni 26, 2024

Nazi ukuthi ukuvivinywa kokukholwa kwenu kuveza ukukhuthazela.

EkaJakobe 1:3 inkolo isilingo umlutha

ULwesibili, Juni 25, 2024

Ngokuba umuntu ukholwa ngenhliziyo kube ngukulunga, ngomlomo uyavuma kube ngukusindiswa.

KwabaseRoma 10:10 inkolo ukukhuluma insindiso

UMsombuluko, Juni 24, 2024

Sivulele isimungulu umlomo wakho,
umele bonke abantwana abayizintandane.

IzAga 31:8 ukukhuluma ubuthakathaka

ISonto, Juni 23, 2024

Owesibili yilo: ‘Womthanda umakhelwame wakho njengalokhu uzithanda wena.’ Awukho omunye umyalo omkhulu kunale.

NgokukaMarku 12:31 umthetho uthando umakhelwane

UMgqibelo, Juni 22, 2024

Yizwa, Israyeli: uJehova uNkulunkulu wethu, uJehova, munye; wothanda uJehova uNkulunkulu wakho ngayo yonke inhliziyo yakho, nangawo wonke umphefumulo wakho, nangawo onke amandla akho.

UDuteronomi 6:4-5 umthetho uthando UNkulunkulu

ULwesihlanu, Juni 21, 2024

Wena uyisiphephelo sami nesihlangu sami;
ngiyethemba izwi lakho.

AmaHubo 119:114 ngiyethemba IZwi likaNkulunkulu ukuvikela

ULwesine, Juni 20, 2024

Ngakho-ke lindani, ngokuba anazi ukuthi iNkosi yenu iyakufika ngaluphi usuku.

NgokukaMathewu 24:42 ukuza kwesibili ukubekezela ukuphela kwesikhathi

ULwesithathu, Juni 19, 2024

UNkulunkulu akasiye umuntu ukuba
aqambe amanga,
nandodana yomuntu ukuba azisole;
ushilo, angayikukwenza, na?
Ukhulumile, angayikukuphelelisa, na?

UNumeri 23:19 UNkulunkulu thembekile izethembiso

ULwesibili, Juni 18, 2024

INkosi ayilibali ngesithembiso sayo, njengalokhu abanye bathi kungukulibala, kepha iyanibekezelela, ingathandi ukuba kubhubhe namunye, kodwa ukuba bonke beze ekuphendukeni.

2 kaPetru 3:9 insindiso ukubekezela ukuguqulwa

UMsombuluko, Juni 17, 2024

“Bayakuba ngabami,” usho uJehova Sebawoti, “babe yimfuyo yami ngosuku engiyakulwenza, ngibahawukele, njengalokhu umuntu ehawukela indodana yakhe emkhonzayo.”

UMalaki 3:17 ukukhonza umvuzo insindiso

ISonto, Juni 16, 2024

Makabongwe uNkulunkulu, uYise weNkosi yethu uJesu Kristu osibusisile ezulwini kuKristu ngesibusiso sonke sokomoya.

Kwabase-Efesu 1:3 indumiso isibusiso izulu

UMgqibelo, Juni 15, 2024

Ngobakho, Jehova, ubukhulu, namandla, nodumo, nenkazimulo, nobukhosi, ngokuba konke okusezulwini nasemhlabeni kungokwakho; ngowakho umbuso, Jehova; wena uphakeme, uyinhloko phezu kwakho konke.

1 iziKronike 29:11 khulekela umbuso amandla

ULwesihlanu, Juni 14, 2024

Kepha ozibongayo makazibonge eNkosini. Ngokuba akusiye ozincomayo ovunywa abongwe, kepha yilowo iNkosi emncomayo.

2 kwabaseKorinte 10:17-18 thembekile ukuziqhenya

ULwesine, Juni 13, 2024

Phakama, Nkulunkulu,
phezu kwezulu,
inkazimulo yakho ibe phezu komhlaba wonke.

AmaHubo 108:5 khulekela izulu

ULwesithathu, Juni 12, 2024

Ngalokho zithobeni phansi kwesandla sikaNkulunkulu esinamandla, ukuze aniphakamise ngesikhathi esifaneleyo.

1 kaPetru 5:6 ukuthobeka umvuzo

ULwesibili, Juni 11, 2024

Lokhu sinalezo zithembiso, bathandwa, masizihlambulule ekungcoleni konke kwenyama nokomoya, siphelelise ubungcwele ngokumesaba uNkulunkulu.

2 kwabaseKorinte 7:1 ukuhlanzwa ubungcwele mangala

UMsombuluko, Juni 10, 2024

Ndodana yami, lalela amazwi ami,
ubeke indlebe yakho kukho ukukhuluma kwami.
Makungachezuki emehlweni akho,
ukugcine phakathi kwenhliziyo yakho.

IzAga 4:20-21 ukulalela IZwi likaNkulunkulu inhliziyo

ISonto, Juni 9, 2024

“Kepha manje,” usho uJehova,
“phendukelani kimi ngenhliziyo yenu yonke,
nangokuzila ukudla, nangokukhala,
nangokulila.”

UJoweli 2:12 ukuguqulwa ukuzila ukudla ukudabuka

UMgqibelo, Juni 8, 2024

Kusukela kuleso sikhathi uJesu waqala ukushumayela nokusho ukuthi: “Phendukani, ngokuba umbuso wezulu ususondele.”

NgokukaMathewu 4:17 UJesu ukuguqulwa ukuvangela

ULwesihlanu, Juni 7, 2024

Imiyalo kaJehova ilungile,
ijabulisa inhliziyo;
umyalezo kaJehova uhlanzekile,
ukhanyisa amehlo.

AmaHubo 19:8 umthetho injabulo inhliziyo

ULwesine, Juni 6, 2024

Yilo umyalo wami wokuba nithandane, njengalokho nginithandile.

NgokukaJohane 15:12 umthetho uthando UJesu

ULwesithathu, Juni 5, 2024

Ukubekezela kwenu akwaziwe ngabantu bonke; iNkosi iseduze.

KwabaseFilipi 4:5 ubumnene ukusondela

ULwesibili, Juni 4, 2024

Buyani ngokusola kwami;
bhekani, ngiyakuthulula umoya wami phezu kwenu,
nginazise amazwi ami.

IzAga 1:23 ukuguqulwa ukuphenduka inhlakanipho

UMsombuluko, Juni 3, 2024

Kepha izithelo zikaMoya ziluthando, nokujabula, nokuthula, nokubekezela, nobubele, nobuvi, nokukholeka, nobumnene, nokuzithiba. Akukho mthetho omelana nokunjalo.

KwabaseGalathiya 5:22-23 umthetho UMoya isibusiso