Tahirin-kevitra (Febroary 2015)

Asabotsy 28 Febroary 2015

Aza matahotra ianao, fa momba anao Aho;
Ary aza miherikerika foana, fa Izaho no Andriamanitrao;
Mampahery anao Aho sady mamonjy anao;
Eny, mitantana anao amin'ny tanana ankavanan'ny fahamarinako Aho.

Isaia 41:10 tahotra tanjaka ahiahy

Zoma 27 Febroary 2015

Ary hoy Jesosy taminy: Mandehana ianao, ny finoanao no efa namonjy anao. Dia nahiratra niaraka tamin'izay ny masony, ka nanaraka an'i Jesosy teny an-dalana izy.

Marka 10:52 finoana famonjena fahasitranana

Fa efa miseho ny fahasoavan'Andriamanitra, izay famonjena ny olona rehetra, mampianatra antsika handà izay toe-panahy tsy araka an'Andriamanitra sy ny filan'izao tontolo izao ary ho velona amin'ny onony sy ny marina ary ny toe-panahy araka an'Andriamanitra amin'izao fiainana ankehitriny izao.

Titosy 2:11-12 fahasoavana rariny famonjena

Alarobia 25 Febroary 2015

Ny vavako ho feno ny fideràna Anao
sy ny fankalazana Anao mandrakariva.

Salamo 71:8 lahateny fiankohofana fiderana

Talata 24 Febroary 2015

Fa noho ny fahasoavana nomena ahy dia izao no lazaiko amin'ny olona rehetra izay eo aminareo: Aza mihevitra mihoatra noho izay tokony hoheverina; fa mihevera izay onony araka ny ohatry ny finoana izay nozarain'Andriamanitra ho anareo avy.

Romana 12:3 fahasoavana finoana saina

Alatsinainy 23 Febroary 2015

Ary hiteny ianao amin'izany andro izany ka hanao hoe:
Miderà an'i Jehovah, miantsoa ny anarany,
ampahafantaro any amin'ny firenena ny asany.
Ampahatsiarovy fa efa misandratra ny anarany.

Isaia 12:4 lahateny fitoriana ny filazantsara fiankohofana

Alahady 22 Febroary 2015

Ary na dia manana faminaniana aza aho ka mahalala ny zava-miafina rehetra sady manana ny fahalalana rehetra, ary na dia manana ny finoana rehetra aza aho ka mahafindra tendrombohitra, kanefa tsy manana fitiavana, dia tsinontsinona aho.

1 Korintiana 13:2 finoana fitiavana faminaniana

Asabotsy 21 Febroary 2015

Ny lanitra sy ny tany ho levona, fa ny teniko tsy mba ho levona.

Matio 24:35 fitokisana Tenin'Andriamanitra lanitra

Zoma 20 Febroary 2015

Sambatra ny firenena izay manana an'i Jehovah ho Andriamaniny,
dia ny olona nofidiny ho lovany.

Salamo 33:12 Andriamanitra valisoa fitahiana

Alakamisy 19 Febroary 2015

Koa raha manana ireo teny fikasana ireo isika, ry malala, dia aoka isika hanadio ny tenantsika ho afaka amin'ny fahalotoana rehetra, na amin'ny nofo, na amin'ny fanahy, ka hahatanteraka ny fahamasinana amin'ny fahatahorana an'Andriamanitra.

2 Korintiana 7:1 fanadiovana fahamasinana fanajana

Alarobia 18 Febroary 2015

Fa Izy kosa namaly ka nanao hoe: Voasoratra hoe: Tsy mofo ihany no hiveloman'ny olona, fa ny teny rehetra izay aloaky ny vavan'Andriamanitra.

Matio 4:4 hanina Tenin'Andriamanitra mihaino

Talata 17 Febroary 2015

Fa ny lalana rehetra izay nandidian'i Jehovah Andriamanitrareo anareo no halehanareo, mba ho velona ianareo ka hahita soa, ary ho maro andro any amin'ny tany izay holovanareo.

Deotoronomia 5:30 fankatoavana valisoa fanarahana

Alatsinainy 16 Febroary 2015

Koa amin'izany manetre tena ambanin'ny tàna-maherin'Andriamanitra, mba hanandratany anareo amin'ny fotoan'andro.

1 Petera 5:6 fanetren-tena valisoa

Alahady 15 Febroary 2015

Ny fahamarinana manandratra ny firenena;
Fa ny ota kosa dia fahafaham-baraka amin'ny olona.

Ohabolana 14:34 fahotana rariny

Asabotsy 14 Febroary 2015

Ry malala, raha izany no nitiavan'Andriamanitra antsika, dia mba tokony hifankatia kosa isika.

1 Jaona 4:11 fitiavana Andriamanitra fiaraha-monina

Zoma 13 Febroary 2015

Ary matoky indrindra aho fa Izay nanomboka asa tsara ao anatinareo no hahatanteraka izany mandra-pihavin'ny andron'i Jesosy Kristy.

Filipiana 1:6 Jesosy fiverenana fahaterahana indray

Alakamisy 12 Febroary 2015

Endrey, tsara sady mahafinaritra
Raha ny mpirahalahy no miara-monina.

Salamo 133:1 namana fiaraha-monina ankohonana

Alarobia 11 Febroary 2015

Tsy misy manana fitiavana lehibe noho izao, dia ny manolotra ny ainy hamonjy ny sakaizany.

Jaona 15:13 fitiavana sorona namana

Talata 10 Febroary 2015

Fa ao amin'ny tenany no itoeran'ny fahafenoan'ny fomban'Andriamanitra rehetra; ary ianareo dia tanteraka ao aminy, sady Izy no Lohan'ny fanapahana sy ny fahefana rehetra.

Kolosiana 2:9-10 Jesosy tanjaka fitaovana

Alatsinainy 9 Febroary 2015

Hoy Jesosy taminy: Izaho no mofon'aina; izay manatona Ahy tsy mba ho noana, ary izay mino Ahy tsy mba hangetaheta intsony.

Jaona 6:35 finoana hanina fiainana

Alahady 8 Febroary 2015

Ny fiavonavonan'ny olona no hampietry azy;
Fa hahazo voninahitra kosa ny manetry tena.

Ohabolana 29:23 fanetren-tena fiavonavonana

Asabotsy 7 Febroary 2015

Nefa Jesosy kosa nanao hoe: Avelao ny zaza, ary aza raràna tsy hanatona Ahy; fa an'ny toa azy ny fanjakan'ny lanitra.

Matio 19:14 fanjakana lanitra zaza

Zoma 6 Febroary 2015

Mihirà ho an'Andriamanitra, mankalazà ny anarany;
manamboara lalana ho an'izay mitaingina mamaky ny efitra
Jehovah no anarany ary mifalia eo anatrehany.
Rain'ny kamboty sy Mpanome rariny ny mpitondratena Andriamanitra,
ao amin'ny fonenany masina.

Salamo 68:4-5 fahamasinana filaminana fiankohofana

Alakamisy 5 Febroary 2015

Koa amin'izany, satria misy vavolombelona maro be toy izany manodidina antsika toy ny rahona, dia aoka isika koa hanaisotra izay rehetra mitambesatra amintsika mbamin'ny ota izay malaky mahazo antsika, ary aoka isika hihazakazaka amin'ny faharetana amin'izao fihazakazahana filokana napetraka eo anoloantsika izao.

Hebreo 12:1 fahotana fiainana fandresena

Alarobia 4 Febroary 2015

Manaja ny rainao sy ny reninao mba ho maro andro ianao ao amin'ny tany izay omen'i Jehovah Andriamanitrao ho anao.

Eksodosy 20:12 Andriamanitra fitahiana ankohonana

Talata 3 Febroary 2015

Ary aoka samy halemy fanahy amin'ny namany avy ianareo, ka hifampiantra sy hifamela heloka, tahaka ny namelan'Andriamanitra ny helokareo ao amin'i Kristy.

Efesiana 4:32 famelàn-keloka mamindra fo hatsaram-panàhy