Andinin-teny ao amin'ny Baiboly momba ny fisaonana

«»

• Mitaraina ny marina, ary mihaino azy Jehovah ka mamonjy azy amin'ny fahoriany rehetra. Akaikin'izay manana fo mangorakoraka Jehovah, ary mamonjy izay torororo fanahy.
  Salamo 34:17-18famonjenampanafakamanodidina
• Ary Jehovah no mandeha eo alohanao; ary Izy no hiaraka aminao; tsy handao anao na hahafoy anao Izy; koa aza matahotra na mivadi-po ianao.
  Deotoronomia 31:8fanarahanatahotrafankaherezana
• Sambatra ny ory;
  fa izy no hampifalina.
  Matio 5:4fitahianampampionona
• Ary apetraho aminy ny fanahianareo rehetra; fa Izy no miahy anareo.
  1 Petera 5:7tahotraahiahyfahalemena
• Satria izay be fahendrena dia be alahelo,
  ary izay mitombo fahalalana dia mitombo fahoriana.
  Mpitoriteny 1:18fahendresenasainaahiahy
• Fa indray mipi-maso ihany ny fahatezerany;
  nefa mandritra ny andro iainana kosa ny fankasitrahany;
  amin'ny hariva dia misy fitomaniana tonga hivahiny miloaka alina;
  Fa nony maraina kosa dia misy fihobiana.
  Salamo 30:5fitiavanafaharetana
• Ry Tompo ô, eo anatrehanao ny faniriako rehetra;
  ary ny fisentoako tsy mba miafina aminao.
  Salamo 38:9fakam-panahyahiahy
• Tahaka ny ampalahelovina, nefa faly mandrakariva; tahaka ny malahelo, nefa mampanan-karena ny maro; tahaka ny tsy manana na dia kely akory aza, nefa manana ny zavatra rehetra.
  2 Korintiana 6:10fifalianavolafitiavan-karena
• Ary nahare feo mahery avy teo amin'ny seza fiandrianana aho nanao hoe: Indro, ny tabernakelin'Andriamanitra dia eo amin'ny olona, ary Izy hitoetra eo aminy, ary ireo ho olony, ary Andriamanitra no hitoetra eo aminy, dia ho Andriamaniny. Ary hofafany ny ranomaso rehetra amin'ny masony; ary tsy hisy fahafatesana intsony, sady tsy hisy alahelo, na fitarainana, na fanaintainana; fa efa lasa ny zavatra taloha.
  Apokalypsy 21:3-4Andriamanitraahiahyfahafatesana
• Koa esory ao am-ponao ny alahelo, ary avilio tsy hikasika ny nofonao ny ratsy; fa ny fahatanorana sy ny fahatanjahana dia samy zava-poana.
  Mpitoriteny 11:10ahiahyfofahasalamana
• Tsy ho noana na hangetaheta intsony ireo; ary tsy haninona azy ny masoandro na izay hafanana akory. Fa ny Zanak'ondry Izay eo afovoan'ny seza fiandrianana no ho Mpiandry azy ka hitondra azy ho amin'ny loharanon'ny ranon'aina; ary hofafan'Andriamanitra ny ranomaso rehetra amin'ny masony.
  Apokalypsy 7:16-17fankaherezanafiarovanampampionona
• Miaraha mifaly amin'izay mifaly, ary miaraha mitomany amin'izay mitomany.
  Romana 12:15fifalianamamindra fo
• Koa na dia ankehitriny aza, hoy Jehovah,
  miverena amiko amin'ny fonareo rehetra
  ary amin'ny fifadian-kanina sy ny fitomaniana ary ny fitarainana.
  Joela 2:12fiovam-pofifadian-kaninafo
• Mandrenesa ny fivavako Jehovah ô,
  ary mihainoa ny fitarainako;
  aza mangina amin'ny ranomasoko
  fa vahiny aminao aho
  sy mpivahiny tahaka ny razako rehetra.
  Salamo 39:12fivavahanafanetren-tena
• Dia nitsangana Joba ka nandriatra ny lambany, ary nanaratra ny lohany, dia niapoka tamin'ny tany ka niankohoka sady nanao hoe: Nitanjaka no nivoahako avy tany an-kibon'ineny, ary mitanjaka no hiverenako any; Jehovah no nanome, ary Jehovah no nanaisotra; isaorana anie ny anaran'i Jehovah.
  Joba 1:20-21fiankohofanafijalianaahiahy
• Jehovah mampahiratra ny jamba
  Jehovah mampitraka ny mitanondrika;
  Jehovah tia ny marina.
  Salamo 146:8aretinafahasitrananarariny
• Ny zanaka hendry mahafaly ny rainy;
  Fa ny zanaka adala mampalahelo ny reniny.
  Ohabolana 10:1fifalianaankohonanafahendresena
• Miverena, ka lazao amin'i Hezekia, mpanapaka ny oloko, hoe: Izao no lazain'i Jehovah, Andriamanitr'i Davida rainao: Efa nohenoiko ny fitarainanao, ary efa hitako ny ranomasonao; indro, hahasitrana anao Aho, ka raha afaka ampitso dia hiakatra ho ao an-tranon'i Jehovah ianao.
  2 Mpanjaka 20:5fivavahanafahasitrananafaminaniana
• Fa ny alahelo araka an'Andriamanitra miasa fibebahana ho famonjena tsy hanenenana; fa miasa fahafatesana kosa ny alahelon'izao tontolo izao.
  2 Korintiana 7:10ahiahyfamerim-berenanafiovam-po
• Ary aza mampalahelo ny Fanahy Masin'Andriamanitra, Izay nanisiana tombo-kase anareo ho amin'ny andro fanavotana.
  Efesiana 4:30Fanahy Masinafiverenana
• Maina ny voaloboka,
  malazo ny aviavy,
  ary malazo koa ny ampongaben-danitra
  sy ny rofia ary ny poma aza,
  dia ny hazo rehetra any an-tsaha;
  Eny, malazo ny fifalian'ny zanak'olombelona.
  Joela 1:12fifalianahaninafijinjana
• Ny lalina miantso ny lalina noho ny firohondrohon'ny riananao;
  ny onjanao rehetra sy ny alon-dranonao efa nanafotra ahy.
  Salamo 42:7fahalemena