Ingobo yomlando (Disemba 2024)

ULwesibili, Disemba 31, 2024

Ngalokho yilowo nalowo owezwa lawa mazwi ami, awenze, uyakufaniswa nendoda ehlakaniphileyo eyakha indlu yayo phezu kwedwala.

NgokukaMathewu 7:24 IZwi likaNkulunkulu inhlakanipho ukulalela

UMsombuluko, Disemba 30, 2024

Ngifundise ukwenza intando yakho,
ngokuba wena unguNkulunkulu wami;
umoya wakho omuhle mawungihole emhlabathini olelezekileyo.

AmaHubo 143:10 ukufunda UMoya ukulalela umthetho

ISonto, Disemba 29, 2024

Yilowo nalowo kithi makathokozise umakhelwane, kube kuhle, aze akheke.

KwabaseRoma 15:2 ubugovu isikhuthazo umakhelwane

UMgqibelo, Disemba 28, 2024

Niphonse izinkathazo zenu zonke phezu kwakhe, ngokuba uyanikhathalela.

1 kaPetru 5:7 uvalo ukukhathazeka ubuthakathaka

ULwesihlanu, Disemba 27, 2024

Ngokuba ngubani onguNkulunkulu
ngaphandle kukaJehova,
ngubani oyidwala ngaphandle kukaNkulunkulu wethu na?

2 uSamuweli 22:32 thembekile UNkulunkulu ukuvikela

ULwesine, Disemba 26, 2024

Kepha iNkosi yokuthula uqobo mayiniphe ukuthula ngezikhathi zonke nangezindlela zonke. INkosi mayibe nani nonke.

2 kwabaseThesalonika 3:16 ukuthula ukusondela

ULwesithathu, Disemba 25, 2024

Lokhu konke kwenzeka ukuba kugcwaliseke okwakhulunywa yiNkosi ngomprofethi ukuthi: “Bheka, intombi iyakukhulelwa, izale indodana; bayakuyiqamba igama lokuthi u-Emanuweli,” okungukuthi ngokuhunyushwa “uNkulunkulu unathi”.

NgokukaMathewu 1:22-23 isiprofetho izimangaliso UJesu

ULwesibili, Disemba 24, 2024

Phakama, Nkulunkulu,
phezu kwezulu,
inkazimulo ibe phezu komhlaba wonke.

AmaHubo 57:5 izulu umhlaba khulekela

UMsombuluko, Disemba 23, 2024

Ingelosi yathi kubo: “Ningesabi; ngokuba bhekani, nginibikela izindaba ezinhle zokuthokoza okukhulu okuzakuba kubantu bonke.”

NgokukaLuka 2:10 izingelosi injabulo ukhisimusi

ISonto, Disemba 22, 2024

UJehova uNkulunkulu wethu makabe nathi njengalokho ayenawobaba; makangasishiyi, angasilahli.

1 AmaKhosi 8:57 ukusondela thembekile umndeni

UMgqibelo, Disemba 21, 2024

Nguye kuphela oyidwala lami nensindiso yami,
inqaba yami; angiyikunyakaziswa.

AmaHubo 62:6 ukwethemba inhliziyo ukuvikela

ULwesihlanu, Disemba 20, 2024

Uma beningazi mina, beniyakumazi noBaba; kusukela manje niyamazi, nimbonile.

NgokukaJohane 14:7 UBaba UJesu

ULwesine, Disemba 19, 2024

Waphendula, wathi kubo: “Onezingubo ezimbili akamuphe ongenayo; naye onokudla enze njalo.”

NgokukaLuka 3:11 ukuthanda izinto ezibambekayo ukupha ukuhlupheka

ULwesithathu, Disemba 18, 2024

Owephuza ukuthukuthela muhle kuneqhawe,
nobusa umoya wakhe kunonqoba umuzi.

IzAga 16:32 ukuthula ukubekezela ukuzithiba

ULwesibili, Disemba 17, 2024

Qaphelani ukuba kungabikho ophindisela omunye okubi ngokubi; kepha jongani njalo ukwenza okuhle, omunye komunye nakubo bonke.

1 kwabaseThesalonika 5:15 ongenasici ukulunga okubi

UMsombuluko, Disemba 16, 2024

Ningaziphindiseli nina bathandwa, kodwa dedelani ulaka, ngokuba kulotshiwe ukuthi: “Ngokwami ukuphindisela, ngiyakubuyisela mina,” isho iNkosi.

KwabaseRoma 12:19 intukuthelo isijeziso ukwahlulela

ISonto, Disemba 15, 2024

Ngokuba umusa wakho mkhulu kuze kube sezulwini,
nokuthembeka kwakho kuze kube semafwini.

AmaHubo 57:10 uthando thembekile

UMgqibelo, Disemba 14, 2024

Uthando silwazi ngalokho ukuthi yena wabeka ukuphila kwakhe ngenxa yethu; nathi sifanele ukubeka ukuphila ngenxa yabazalwane.

1 kaJohane 3:16 uthando UJesu umakhelwane

ULwesihlanu, Disemba 13, 2024

Kunakho konke yibani nokuthandana okunganqamukiyo, ngokuba uthando lusibekela inqwaba yezono.

1 kaPetru 4:8 isibi uthando umakhelwane

ULwesine, Disemba 12, 2024

Ungasingenisi ekulingweni,
kodwa usikhulule kokubi;
ngokuba umbuso ungowakho,
namandla, nenkazimulo,
kuze kube phakade. Amen.

NgokukaMathewu 6:13 isilingo izifiso okubi

ULwesithathu, Disemba 11, 2024

INkosi iyakungikhulula kuyo yonke imisebenzi emibi, ingisindise, ngize ngifike embusweni wayo osezulwini; makube kuyo inkazimulo kuze kube phakade naphakade. Amen.

2 kuThimothewu 4:18 ukuvikela okubi izulu

ULwesibili, Disemba 10, 2024

Ngakho-ke uma iNdodana inikhulula, niyakuba ngabakhululekileyo impela.

NgokukaJohane 8:36 UJesu umhlengi inkululeko

UMsombuluko, Disemba 9, 2024

Yini ukuba udangale,
mphefumulo wami,
uyaluze phakathi kwami, na?
Methembe uNkulunkulu,
ngokuba ngisezakumdumisa yena
oyinsindiso yobuso bami noNkulunkulu wami.

AmaHubo 42:11 khulekela ngiyethemba umphefumulo

ISonto, Disemba 8, 2024

Ngokuba ukudabuka okuya ngokukaNkulunkulu kuveza ukuphenduka angezisole ngakho umuntu, kube ngukusindiswa, kepha ukudabuka okuya ngokwezwe kuveza ukufa.

2 kwabaseKorinte 7:10 ukukhathazeka ukudabuka ukuphenduka