Tahirin-kevitra (Desambra 2024)

Talata 31 Desambra 2024

Koa amin'izany na zovy na zovy no mandre izany teniko izany ka mankatò azy, dia hoharina amin'ny lehilahy manan-tsaina izy, izay nanorina ny tranony teo ambonin'ny vatolampy.

Matio 7:24 Tenin'Andriamanitra fahendresena mihaino

Alatsinainy 30 Desambra 2024

Ampianaro hanao ny sitraponao aho;
Fa Hianao no Andriamanitro;
Aoka ny Fanahinao tsara
no hitarihanao ahy amin'izay tany marina.

Salamo 143:10 mianatra Fanahy fankatoavana

Alahady 29 Desambra 2024

Aoka isika rehetra samy hitady izay hahafaly ny namantsika amin'izay hahasoa sy hampandroso azy.

Romana 15:2 fitiavan-tena fankaherezana manaraka

Asabotsy 28 Desambra 2024

Ary apetraho aminy ny fanahianareo rehetra; fa Izy no miahy anareo.

1 Petera 5:7 tahotra ahiahy fahalemena

Zoma 27 Desambra 2024

Fa iza no Andriamanitra afa-tsy Jehovah?
Ary iza no vatolampy afa-tsy Andriamanitsika?

2 Samoela 22:32 fitokisana Andriamanitra fiarovana

Alakamisy 26 Desambra 2024

Ary ny Tompon'ny fiadanana anie hanome anareo fiadanana mandrakariva amin'ny zavatra rehetra. Ho aminareo rehetra anie ny Tompo.

2 Tesaloniana 3:16 fiadanana manodidina

Ary izany rehetra izany dia tonga mba hahatanteraka izay nampilazain'ny Tompo ny mpaminany hoe: Indro, ny virijina hitoe-jaza ka hiteraka zazalahy; Ary ny anarany hataon'ny olona hoe Imanoela, izany hoe, raha adika: Amintsika Andriamanitra.

Matio 1:22-23 faminaniana fahagagana Jesosy

Talata 24 Desambra 2024

Misandrata any ambonin'ny lanitra Hianao, Andriamanitra ô!
aoka ho ambonin'ny tany rehetra ny voninahitrao.

Salamo 57:5 lanitra izao tontolo izao fiankohofana

Alatsinainy 23 Desambra 2024

Ary hoy ny anjely taminy: Aza matahotra; fa, indro, milaza teny soa mahafaly aminareo aho, dia fifaliana lehibe izay ho an'ny olona rehetra.

Lioka 2:10 anjely fifaliana krisimasy

Alahady 22 Desambra 2024

Jehovah Andriamanitsika anie no amintsika, tahaka ny tamin'ny razantsika; aoka tsy handao na hahafoy antsika Izy.

1 Mpanjaka 8:57 manodidina fitokisana ankohonana

Asabotsy 21 Desambra 2024

Izy tokoa no vatolampiko sy famonjena ahy,
dia fiarovana avo ho ahy, ka tsy mba hangozohozo aho.

Salamo 62:6 fahatokisana fo fiarovana

Zoma 20 Desambra 2024

Raha nahafantatra Ahy ianareo, dia ho nahafantatra ny Raiko koa; ary hatramin'izao dia mahafantatra Azy ianareo sady efa nahita Azy.

Jaona 14:7 Ray Jesosy

Alakamisy 19 Desambra 2024

Ary namaly izy ka nanao taminy hoe: Izay manana akanjo roa dia aoka hanome ho an'ny tsy manana; ary izay manan-kanina, dia aoka hanao toy izany koa izy.

Lioka 3:11 fitiavan-karena manomeza fahantrana

Alarobia 18 Desambra 2024

Tsara ny mahatsindry fo noho ny mahery,
Ary izay mahazaka ny fanahiny noho izay mahafa-bohitra.

Ohabolana 16:32 fiadanana faharetana fifehezan-tena

Talata 17 Desambra 2024

Tandremo mba tsy hisy hamaly ratsy olona; fa miezaha mandrakariva hitady izay tsara, na amin'ny namanareo na amin'ny olona rehetra.

1 Tesaloniana 5:15 lafatra rariny faharatsiana

Alatsinainy 16 Desambra 2024

Ry malala, aza mamaly ratsy, fa omeo lalana ny fahatezerana; fa voasoratra hoe: Ahy ny famaliana; Izaho no hamaly, hoy Jehovah.

Romana 12:19 hatezerana sazy fitsarana

Alahady 15 Desambra 2024

Fa lehibe mihatra amin'ny lanitra ny famindram-ponao,
ary mihatra amin'ny rahona ny fahamarinanao.

Salamo 57:10 fitiavana fitokisana

Asabotsy 14 Desambra 2024

Izao no ahafantarantsika ny fitiavana, satria Izy no nanolotra ny ainy hamonjy antsika; ary isika kosa mba tokony hanolotra ny aintsika hamonjy ny rahalahy.

1 Jaona 3:16 fitiavana Jesosy manaraka

Zoma 13 Desambra 2024

Ary mihoatra noho ny zavatra rehetra, mifankatiava tsara; fa "ny fitiavana manarona fahotana maro".

1 Petera 4:8 fahotana fitiavana manaraka

Alakamisy 12 Desambra 2024

Ary aza mitondra anay ho amin'ny fakam-panahy,
fa manafaha anay amin'ny ratsy.

Matio 6:13 fakam-panahy faniriana faharatsiana

Alarobia 11 Desambra 2024

Ary ny Tompo hanafaka ahy amin'ny asa ratsy rehetra ka hamonjy ahy ho any amin'ny fanjakany any an-danitra; ho Azy anie ny voninahitra mandrakizay mandrakizay. Amena.

2 Timoty 4:18 fiarovana faharatsiana lanitra

Talata 10 Desambra 2024

Koa raha ny Zanaka no hahafaka anareo, dia ho afaka tokoa ianareo.

Jaona 8:36 Jesosy mpanafaka fahafahana

Alatsinainy 9 Desambra 2024

Nahoana no mitanondrika ianao, ry fanahiko?
ary nahoana no mitoloko ato anatiko ianao?
Manantenà an'Andriamanitra,
fa mbola hidera Azy ihany aho,
Izy no famonjena ny tavako sady Andriamanitro.

Salamo 42:11 fiankohofana fanantenana aina