Tahirin-kevitra (Novambra 2024)

Alakamisy 21 Novambra 2024

Iza ary izao Mpanjakan'ny voninahitra izao?
Jehovah, Tompon'ny maro,
Izy no Mpanjakan'ny voninahitra.

Salamo 24:10 fiankohofana fanjakana manaiky

Alarobia 20 Novambra 2024

Jesosy namaly ka nanao taminy hoe: Lazaiko aminao marina dia marina tokoa: Raha tsy ateraka indray ny olona, dia tsy mahazo mahita ny fanjakan'Andriamanitra.

Jaona 3:3 fanjakana mahatakatra fahaterahana indray

Talata 19 Novambra 2024

Ary hotorina amin'izao tontolo izao ity filazantsaran'ny fanjakana ity ho vavolombelona amin'ny firenena rehetra, dia vao ho tonga ny farany.

Matio 24:14 fitoriana ny filazantsara andro farany fanjakana

Alatsinainy 18 Novambra 2024

Mahari-po Jehovah sady be hery Ary tsy mety manamarina ny meloka; Amin'ny tadio sy ny tafio-drivotra no lalan'i Jehovah. Ary rahona no vovoky ny tongony.

Nahoma 1:3 faharetana tanjaka sazy

Alahady 17 Novambra 2024

Dia tsy avy tamin'ny asa amin'ny fahamarinana izay nataontsika, fa araka ny famindram-po kosa no namonjeny antsika, tamin'ny fanasan'ny fiterahana indray sy ny fanavaozan'ny Fanahy Masina.

Titosy 3:5 famonjena Fanahy Masina fahaterahana indray

Asabotsy 16 Novambra 2024

Fa na iza na iza no ta-hamonjy ny ainy dia hahavery izany; ary na iza na iza no hahavery ny ainy noho ny amiko, dia izy no hamonjy izany.

Lioka 9:24 sorona fiainana

Zoma 15 Novambra 2024

Ny fahatahorana an'i Jehovah dia fananarana mampahahendry;
Ary ny fanetren-tena mialoha ny fisandratana.

Ohabolana 15:33 fanetren-tena fanajana fahendresena

Fa manamasìna an i'Kristy ho Tompo ao am-ponareo; ary aoka ho vonona mandrakariva ianareo hamaly izay manontany anareo ny amin'ny anton'ny fanantenana ao anatinareo, nefa amin'ny fahalemem-panahy sy ny fanajana.

1 Petera 3:15 fitoriana ny filazantsara Jesosy fanantenana

Alarobia 13 Novambra 2024

Koa aoka ho fantatrao anio, ka tsarovy ao am-ponao, fa Jehovah no Andriamanitra any amin'ny lanitra ambony sy etỳ amin'ny tany ambany, ka tsy misy afa-tsy Izy.

Deotoronomia 4:39 Andriamanitra lanitra izao tontolo izao

Talata 12 Novambra 2024

Jehovah ô, vonjeo ny fanahiko amin'ny molotra mandainga,
Eny, amin'ny lela mamitaka.

Salamo 120:2 lahateny mpanafaka aina

Alatsinainy 11 Novambra 2024

Aza mety hofitahina ianareo; ny fikambanana amin'ny ratsy manimba ny fitondran-tena tsara.

1 Korintiana 15:33 faharatsiana hatsaram-panàhy namana

Alahady 10 Novambra 2024

Aoka haharitra ny fitiavana ny rahalahy. Aza manadino ny fampiantranoam-bahiny; fa tamin'izany dia nampiantrano anjely ny sasany, nefa tsy fantany.

Hebreo 13:1-2 fitiavana fahamoram-panahy manaraka

Asabotsy 9 Novambra 2024

Aza matahotra ianao, fa momba anao Aho;
Ary aza miherikerika foana, fa Izaho no Andriamanitrao;
Mampahery anao Aho sady mamonjy anao;
Eny, mitantana anao amin'ny tanana ankavanan'ny fahamarinako Aho.

Isaia 41:10 tahotra tanjaka ahiahy

Zoma 8 Novambra 2024

Ary aza matahotra izay mamono ny tena, nefa tsy mahay mamono ny fanahy; fa aleo matahotra Izay mahay mahavery ny fanahy sy ny tena ao amin'ny helo.

Matio 10:28 tahotra aina vatana

Alakamisy 7 Novambra 2024

Ary ny amin'ny mihinana ny hena aterina amin'ny sampy, dia fantatsika fa tsinontsinona akory ny sampy amin'izao tontolo izao, ary tsy misy Andriamanitra afa-tsy Iray ihany.

1 Korintiana 8:4 sampy hanina