Ingobo yomlando (Februwari 2024)

ULwesine, Februwari 29, 2024

Angiwenzi ize umusa kaNkulunkulu, ngokuba uma ukulunga kuya ngomthetho, khona uKristu wafela ize.

KwabaseGalathiya 2:21 umusa ukulunga umthetho

ULwesithathu, Februwari 28, 2024

Uma umuntu ona, enza noma yikuphi kuyo imiyalo uJehova ayale ngakho ukuthi akunakwenziwa, noma ebengakwazi, unecala nokho, futhi wothwala ububi bakhe.

ULevitikusi 5:17 isibi umthetho isijeziso

ULwesibili, Februwari 27, 2024

“Wozani-ke, sithethe indaba,”
usho uJehova;
“noma izono zenu zibomvu kakhulu,
ziyakuba mhlophe njengeqhwa;
noma zibomvu njengokububende,
ziyakuba njengoboya bezimvu.”

U-Isaya 1:18 isibi intethelelo ukuhlanzwa

UMsombuluko, Februwari 26, 2024

Akakho othi esokhela isibani, asimboze ngesitsha nokuba asibeke phansi kombhede, kepha usifaka othini, ukuze abangenayo babone ukukhanya.

NgokukaLuka 8:16 thembeka ubungcwele inkazimulo

ISonto, Februwari 25, 2024

Kepha nakhu: ohlwanyela ingcosana uyakuvuna ingcosana, nohlwanyela kakhulu uyakuvuna kakhulu.

2 kwabaseKorinte 9:6 ukupha isivuno isisa

UMgqibelo, Februwari 24, 2024

Ngikhethile indlela yeqiniso;
izahlulelo zakho ngizibekile phambi kwami.

AmaHubo 119:30 inkolo umthetho iqiniso

ULwesihlanu, Februwari 23, 2024

Akuseyimi ophilayo, kepha uKristu uphila kimi; kodwa ukuphila engikuphilayo kalokhu enyameni ngikuphila ngokukholwa, okungukukholwa yiNdodana kaNkulunkulu eyangithandayo, yazinikela ngenxa yami.

KwabaseGalathiya 2:20 inkolo UMsindisi ukuphila

ULwesine, Februwari 22, 2024

Ngalokho-ke ukukholwa kuvela ngokuzwa, ukuzwa kuvela ngezwi likaKristu.

KwabaseRoma 10:17 inkolo ukuvangela ukulalela

ULwesithathu, Februwari 21, 2024

Onaka ukulaywa usendleleni yokuphila,
kepha owenqaba ukusolwa uyaduka.

IzAga 10:17 ukulalela umthetho ukuphila ukulalela

ULwesibili, Februwari 20, 2024

Ngokuba ngomusa nisindisiwe ngokukholwa; nalokhu akuveli kini, kuyisipho sikaNkulunkulu; akuveli ngemisebenzi, ukuze kungabikho ozibongayo.

Kwabase-Efesu 2:8-9 umusa inkolo insindiso

UMsombuluko, Februwari 19, 2024

Ngalokho ingebhe ngoJehova mayibe phezu kwenu; qaphelani nikwenze, ngokuba ukungalungi akukho kuJehova uNkulunkulu wethu, nokukhetha ubuso, nokwamukela umvuzo.

2 iziKronike 19:7 mangala ukulunga thembeka

ISonto, Februwari 18, 2024

Kuhle ukuphephela kuJehova
kunokwethemba umuntu.

AmaHubo 118:8 ukwethemba ukuphepha ukuvikela

UMgqibelo, Februwari 17, 2024

Kepha manje kuKristu Jesu nina enanikade nikude senenziwe abaseduze ngegazi likaKristu.

Kwabase-Efesu 2:13 UJesu ukusondela igazi

ULwesihlanu, Februwari 16, 2024

Kepha uJesu ebabheka wathi kubo: “Kubantu akunakwenzeka; kepha kuNkulunkulu kungenzeka konke.”

NgokukaMathewu 19:26 izimangaliso insindiso ukuqonda

ULwesine, Februwari 15, 2024

Ngokuba njengamazulu ephakeme kunomhlaba,
kanjalo izindlela zami ziphakeme kunezindlela zenu,
nemicabango yami kunemicabango yenu.

U-Isaya 55:9 ukuhlela ukuqonda izulu

ULwesithathu, Februwari 14, 2024

Uthando alwenzi okubi kumakhelwane; ngakho-ke uthando lungukugcwaliseka komthetho.

KwabaseRoma 13:10 umthetho uthando umakhelwane

ULwesibili, Februwari 13, 2024

Ngakho ephakanyiselwe ngakwesokunene sikaNkulunkulu, esamukele kuYise isithembiso sikaMoya oNgcwele, wakuthulula lokhu enikubonayo nenikuzwayo.

IzEnzo 2:33 UMoya Oyingcele ipentekoste ukwenyuka

UMsombuluko, Februwari 12, 2024

Ziningi izinhlupheko zolungileyo,
kepha uJehova uyamkhulula kuzo zonke.

AmaHubo 34:19 ukulunga inhlupheko umhlengi

ISonto, Februwari 11, 2024

Ngokuba ngenxa kaKristu nina nabelwa ngomusa, angisho ukukholwa kuye kuphela kepha nokuhlupheka ngenxa yakhe.

KwabaseFilipi 1:29 umusa inkolo inhlupheko

UMgqibelo, Februwari 10, 2024

Ofumana ukuphila kwakhe uyakulahlekelwa yikho; olahlekelwa ngukuphila kwakhe ngenxa yami uyakukufumana.

NgokukaMathewu 10:39 ukuphila okungunaphakade inhlupheko ukuphila

ULwesihlanu, Februwari 9, 2024

Vuka ukhanye,
ngokuba ukukhanya kwakho kuyeza;
inkazimulo kaJehova iphumela phezu kwakho.

U-Isaya 60:1 kuyigugu UNkulunkulu ubuhle

ULwesine, Februwari 8, 2024

Ngubani ozakusahlukanisa nothando lukaKristu na? Noma ukuhlupheka, noma ukubandezeka, noma ukuzingelwa, noma indlala, noma ukuhamba ze, noma ingozi, noma inkemba, na?

KwabaseRoma 8:35 uthando inhlupheko ushushiso