Tahirin-kevitra (Martsa 2025)

Alatsinainy 31 Martsa 2025

Fa samy efa nanota izy rehetra ka tsy manana ny voninahitra avy amin'Andriamanitra, nefa hamarinina maimaimpoana amin'ny fahasoavany izy noho ny fanavotana izay ao amin'i Kristy Jesosy.

Romana 3:23-24 fahotana fahasoavana Mpamonjy

Alahady 30 Martsa 2025

Ny anaran'i Jehovah dia tilikambo mafy;
Ny marina miezaka ho ao aminy ka voavonjy.

Ohabolana 18:10 Andriamanitra filaminana fiarovana

Asabotsy 29 Martsa 2025

Fa izao no lazain'i Jehovah amin'ny taranak'Isiraely; Tadiavo Aho, dia ho velona ianareo.

Amosa 5:4 mitady fiainana

Zoma 28 Martsa 2025

Fa Jesosy, raha nahare, dia namaly azy ka nanao hoe: Aza matahotra; minoa fotsiny ihany, dia ho velona izy.

Lioka 8:50 tahotra finoana fahasitranana

Alakamisy 27 Martsa 2025

Eny, na dia mandeha mamaky
ny lohasaha aloky ny fahafatesana aza aho,
dia tsy hatahotra ny loza aho,
fa Hianao no amiko;
ny tsorakazonao sy ny tehinao,
ireo no mahafa-tahotra ahy.

Salamo 23:4 tahotra fankaherezana fahafatesana

Farany, ry rahalahy, na inona na inona marina, na inona na inona manan-kaja, na inona na inona mahitsy, na inona na inona madio, na inona na inona maha-te-ho-tia, na inona na inona tsara laza, raha misy hatsaram-panahy, ary raha misy dera, dia hevero izany.

Filipiana 4:8 fahamarinana rariny eritreritra

Talata 25 Martsa 2025

Ary hoy Jesosy taminy: Mandehana ianao, ny finoanao no efa namonjy anao. Dia nahiratra niaraka tamin'izay ny masony, ka nanaraka an'i Jesosy teny an-dalana izy.

Marka 10:52 finoana famonjena fahasitranana

Alatsinainy 24 Martsa 2025

Izay hendry am-po no handray ny didy;
Fa ho lavo ny adala maro vava.

Ohabolana 10:8 lalàna fahendresena fo

Alahady 23 Martsa 2025

Indro, efa mitsangana eo am-baravarana Aho ka mandondòna; raha misy mihaino ny feoko ka mamoha ny varavarana, dia hiditra ao aminy Aho ka hiara-misakafo aminy, ary izy amiko.

Apokalypsy 3:20 fankatoavana hanina mihaino

Asabotsy 22 Martsa 2025

Fa Izy kosa namaly ka nanao hoe: Voasoratra hoe: Tsy mofo ihany no hiveloman'ny olona, fa ny teny rehetra izay aloaky ny vavan'Andriamanitra.

Matio 4:4 hanina Tenin'Andriamanitra mihaino

Zoma 21 Martsa 2025

Ankino amin'i Jehovah ny lalanao,
ary matokia Azy, fa hataony tanteraka.
Ary hampiseho ny fahamarinanao tahaka ny mazava Izy,
ary ny rariny ho anao tahaka ny mitataovovonana.

Salamo 37:5-6 fahatokisana rariny fiainana

Alakamisy 20 Martsa 2025

Ary tandremo ny didin'i Jehovah Andriamanitrao, mba handehananao amin'ny lalany sy hatahoranao Azy.

Deotoronomia 8:6 fankatoavana lalàna fanajana

Alarobia 19 Martsa 2025

Fa Izy no nihavian'izao zavatra rehetra izao, ary Izy no mihazona azy, sady Izy koa no antony; Izy anie no homem-boninahitra mandrakizay. Amena.

Romana 11:36 famoroana izao tontolo izao fiankohofana fankasitrahana

Talata 18 Martsa 2025

Amin'ny fanahiko no aniriako Anao nony alina;
Eny, ny saiko ato anatiko no itadiavako Anao fatratra;
Fa raha mamely ny tany ny fitsaranao,
dia mianatra fahamarinana ny mponina amin'izao tontolo izao.

Isaia 26:9 rariny fitsarana mianatra

Alatsinainy 17 Martsa 2025

Ary ny fanantenana dia tsy mampahamenatra, satria ny Fanahy Masina, Izay nomena antsika, no nentiny nampidina ny fitiavan'Andriamanitra ho ao am-pontsika.

Romana 5:5 fanantenana fo Fanahy

Alahady 16 Martsa 2025

Ary isika efa mahalala sy mino ny fitiavan'Andriamanitra antsika. Andriamanitra dia fitiavana; ary izay mitoetra amin'ny fitiavana no mitoetra ao amin'Andriamanitra, ary Andriamanitra ao aminy.

1 Jaona 4:16 fahatokisana fitiavana Andriamanitra

Asabotsy 15 Martsa 2025

Ka dia mitandrina ny lalan'ny fahamarinana Izy
Ary miambina ny lalan'ny olony masina.

Ohabolana 2:8 rariny fiarovana fankatoavana

Zoma 14 Martsa 2025

Fa hamindra fo amin'ny tsi-fahamarinany Aho,
Ary tsy hotsarovako intsony ny fahotany.

Hebreo 8:12 famelàn-keloka fahotana fahasoavana

Alakamisy 13 Martsa 2025

Dia tandremo ny lalàny sy ny didiny izay andidiako anao anio, mba hahita soa ianao sy ny taranakao mandimby anao, ary mba ho maro andro ianao any amin'ny tany, izay omen'i Jehovah Andriamanitrao ho anao mandrakizay.

Deotoronomia 4:40 lalàna fankatoavana fitahiana

Alarobia 12 Martsa 2025

Iza no ahy any an-danitra?
ary tsy misy etỳ ambonin'ny tany iriko tahaka Anao.

Salamo 73:25 fahatokisana Andriamanitra lanitra

Talata 11 Martsa 2025

Izany no nosoratako aminareo, izay mino ny anaran'ny Zanak'Andriamanitra, mba ho fantatrareo fa manana fiainana mandrakizay ianareo.

1 Jaona 5:13 fiainana mandrakizay finoana Jesosy

Alatsinainy 10 Martsa 2025

Fa fantatsika fa raha ravana ny trano-laintsika etỳ an-tany, dia manana izay voarafitr'Andriamanitra isika, dia trano tsy nataon-tanana izay maharitra mandrakizay any an-danitra.

2 Korintiana 5:1 vatana fiainana fahafatesana

Alahady 9 Martsa 2025

Fa ankehitriny, Jehovah ô, rainay Hianao; izahay dia tanimanga, ary Hianao no mpanefy anay, ary asan'ny tananao izahay rehetra.

Isaia 64:7 Ray famoroana izao tontolo izao fiankinan-doha

Asabotsy 8 Martsa 2025

Ary ankehitriny inona no mampijanona anao? Mitsangàna, miantsoa ny anarany, ary aoka hatao batisa ianao ka hosasana ho afaka amin'ny fahotanao.

Asan'ny Apostoly 22:16 batisa fahotana fanadiovana

Zoma 7 Martsa 2025

Izao no fitiavana: tsy ny nitiavantsika an'Andriamanitra fa ny nitiavany antsika, ka nirahiny ny Zanany ho avotra'noho ny fahotantsika.

1 Jaona 4:10 fahotana fitiavana Mpamonjy

Alakamisy 6 Martsa 2025

Ampahafantaro ny lalanao aho, Jehovah ô;
ampianaro ny sitrakao aho.

Salamo 25:4 fiainana mianatra

Alarobia 5 Martsa 2025

Koa mamoaza voa miendrika ny fibebahana ianareo.

Matio 3:8 fiovam-po famerim-berenana fiainana

Talata 4 Martsa 2025

Fa hoy Paoly: Jaona nanao ny batisan'ny fibebahana ka nilaza tamin'ny olona hino Izay ho avy manaraka azy, dia Jesosy.

Asan'ny Apostoly 19:4 batisa fiovam-po finoana

Alatsinainy 3 Martsa 2025

Akory ny hatsaran'ny tongotr'iry mitondra teny soa mahafaly erỳ an-tendrombohitra sady mitory fiadanana! Dia izay mitondra teny soa mahafaly sady mitory famonjena, eny, izay manao amin'i Ziona hoe: Mpanjaka Andriamanitrao!

Isaia 52:7 famonjena fiadanana fanjakana