Gcina (Matshi 2025)

2025 Matshi 31, Mvulo

Kaloku bonke bonile; bayalabalaba kubuqaqawuli ababulungiselelwe nguThixo. Kanti ke uThixo uyabababala abantu; ubenzela isisa: nangona bengafanelanga ubagwebela ngaye uYesu Krestu obakhululayo.

KWABASEROMA 3:23-24 isono ubabalo UMsindisi

2025 Matshi 30, Cawe

UNdikhoyo ngumqolomba:
bazimela kuye abalungisayo, basinde.

IZAFOBE 18:10 uThixo ukhuseleko ukukhuselwa

2025 Matshi 29, Mgqibelo

Utsho ke uNdikhoyo kwindlu kaSirayeli ukuthi:
“Quqelani kum, niphile.”

UAMOS 5:4 ukufuna ubomi

2025 Matshi 28, Lwesihlanu

Eyivile ke le nto uYesu, uphendule wathi: “Sukoyika; kholwa nje wena. Yophiliswa.”

ULUKA 8:50 uloyiko ukholo ukuphilisa

2025 Matshi 27, Lwesine

Ngoko ke, nokuba ndihamba kwiingxondorha ezimnyama,
andinadyudyu.
Kaloku ungakum, wena Ndikhoyo;
isagweba sakho nebhunguza lakho lixhadi lam.

INdumiso 23:4 uloyiko ukhuthazo ukufa

Mandiphethe ngelithi, mawethu, hlalani nicinga ngezinto eziyinyaniso nezindilekileyo nazo zonke izinto ezilungileyo nezinyulu, zonke ezithandekayo nezinesidima, nangezinto ezintle ngokupheleleyo kwanezincomekayo.

KWABASEFILIPI 4:8 inyaniso ubulungisa iingcamango

2025 Matshi 25, Lwesibini

Wathi kuyo uYesu: “Hamba uhambe; ukholo lwakho lukuphilisile.”
Yabona ke kwangoko, yamlandela uYesu endleleni apho.

UMARKO 10:52 ukholo usindiso ukuphilisa

2025 Matshi 24, Mvulo

Umntu onengqondo uyayiphulaphula imiyalelo;
kambe ke sona isityhakala esilavuzayo siya kubhanga.

IZAFOBE 10:8 umthetho ubulumko intliziyo

2025 Matshi 23, Cawe

Uyabona, ndimi emnyango ndinkqonkqoza. Ukuba umntu uyeva aze avule, ndiya kungena ndihlale naye, sitye kunye.

ISITYHILELO 3:20 ukuthobela ukutya ukuphulaphula

2025 Matshi 22, Mgqibelo

Waphendula yena wathi: “IziBhalo zithi: ‘Umntu akaphili ngasonka sodwa; uphila ngamazwi onke athethwa nguThixo.’”

UMATEWU 4:4 ukutya ILizwi likaThixo ukuphulaphula

2025 Matshi 21, Lwesihlanu

Zilahlele kuNdikhoyo, ukholose ngaye;
yena ke wokwenzelelela.
Wobutyhila bukhanye njengelanga ubulungisa bakho,
kucace mhlophe ukulunga kwakho.

INdumiso 37:5-6 thembela ubulungisa ubomi

2025 Matshi 20, Lwesine

Ngoko ke yithobeleni imiyalelo kaNdikhoyo uThixo wenu, nihambe ngeendlela zakhe, nimhlonele.

UHLAZIYO-MNQOPHISO 8:6 ukuthobela umthetho ukumoyika uthixo

2025 Matshi 19, Lwesithathu

Kaloku zonke izinto ziphuma kuyo iNkosi, zikho ngayo, zikholo yona. Mayidunyiswe ke iNkosi kude kube ngunaphakade! Amen.

KWABASEROMA 11:36 indalo unqulo umbulelo

2025 Matshi 18, Lwesibini

Ebusuku umphefumlo wam ulangazelela wena;
kusasa umoya wam uyazula ufuna wena.
Xa ulohlwaya ihlabathi
abemi balo bafunda ngobulungisa.

UISAYA 26:9 ubulungisa umgwebo ukufunda

2025 Matshi 17, Mvulo

Ithemba ke lona alidanisi, kuba uthando lukaThixo luthululelwe ezintliziyweni zethu ngoMoya oyiNgcwele esamnikwayo.

KWABASEROMA 5:5 ithemba intliziyo Umoya

2025 Matshi 16, Cawe

Ngoko ke nathi ngokwethu siyalwazi, saye sikholosa ngalo uthando aluthululele kuthi uThixo.
UThixo uluthando, yaye nabani na ohlala eluthandweni uhlala emanyene noThixo, noThixo uhlala emanyene naye.

1 KAYOHANE 4:16 thembela uthando uThixo

2025 Matshi 15, Mgqibelo

Uhlala eyalusa indlela yamalungisa,
aze abakhusele kwihambo yabo âbo banyanisekileyo kuye.

IZAFOBE 2:8 ubulungisa ukukhuselwa ukuthobela

2025 Matshi 14, Lwesihlanu

Ndiya kubenzela inceba kwizikreqo zabo,
ndingabi sazikhumbula iziphoso zabo.

KUMAHEBHERE 8:12 uxolelo isono ubabalo

2025 Matshi 13, Lwesine

Yonke imimiselo nemiyalelo yakhe endininike yona namhlanje yithobeleni, khon' ukuze liqaqambe ikamva lenu nezizukulwana zenu. Ngaloo ndlela ke niya kuma ngonaphakade kweli lizwe aniphe lona uNdikhoyo uThixo wenu.

UHLAZIYO-MNQOPHISO 4:40 umthetho ukuthobela intsikelelo

2025 Matshi 12, Lwesithathu

Ndikholosa ngawe usemazulwini;
ungowam nje ke, andilinanze nganto ihlabathi.

INdumiso 73:25 thembela uThixo izulu

2025 Matshi 11, Lwesibini

Ndibhala nje ndifuna niqonde, nina nikholwayo kwigama loNyana kaThixo, ukuba ninobomi obungenasiphelo.

1 KAYOHANE 5:13 ubomi obungunaphakade ukholo UYesu

2025 Matshi 10, Mvulo

Siyazi kaloku ukuba xa ithe yachithwa le ndlu yalapha emhlabeni, sinesakhiwo asilungiselele sona uThixo, esisezulwini, esiya kuhlala sihleli.

2 KWABASEKORINTE 5:1 umzimba ubomi ukufa

2025 Matshi 9, Cawe

Kambe ke, unguTata, wena Ndikhoyo.
Ke thina siludongwe;
wena ke ungumbumbi,
thina singumsebenzi wezandla zakho.

UISAYA 64:8 UTata indalo ukuxhomekeka

2025 Matshi 8, Mgqibelo

Ngoku ke usalindele ntoni? Vuka, ubhaptizwe, zixolelwe izono zakho ngokubiza igama lakhe.

UMSEBENZI WABATHUNYWA 22:16 ubhaptizo isono ukusulungekiswa

2025 Matshi 7, Lwesihlanu

Lunje ke olu thando: Ayisithi esamthandayo uThixo, koko nguye owasithandayo, wasinika uNyana wakhe, ukuze acamagushele izono zethu.

1 KAYOHANE 4:10 isono uthando UMsindisi

2025 Matshi 6, Lwesine

Ndibonise indlela yakho, Ndikhoyo;
ndifundise iindlela zakho.

INdumiso 25:4 ubomi ukufunda

2025 Matshi 5, Lwesithathu

Ke ngoko velisani iziqhamo ezifanele inguquko.

UMATEWU 3:8 uguqulo inguquko ubomi

2025 Matshi 4, Lwesibini

UPawulos wabachazela wathi: “Ubhaptizo lukaYohane lona lwalusalatha inguquko. Yena wayebaxelela abantu ukuba bazinikele kulowo wayesiza emva kwakhe; nguYesu ke lowo.”

UMSEBENZI WABATHUNYWA 19:4 ubhaptizo uguqulo ukholo

2025 Matshi 3, Mvulo

Hayi ubuhle beenyawo zesigidimi sibhijel' iintaba,
sipheth' iindaba ezimnandi,
sibhengeza sisithi: “Uxolo lufikile!
Yonk' intw' ilungile! Nal' usindiso!”
Ewe, sibhekisa kwiZiyon sisithi:
“UThixo wakho uyalawula.”

UISAYA 52:7 usindiso uxolo ubukumkani