Monday, August 31, 2020
Morena a re ho Satane: “Ho lokile; tsohle tseo a di ruileng di matsohong a hao; feela yena o se ke wa mo ama ka letsoho la hao.” Yaba Satane o tloha kapele ho Morena.Sunday, August 30, 2020
Leredi ke thetsane,botle ke lefeelafeelane;
mosadi ya tshabang Modimo
ke yena ya tla roriswa.
Saturday, August 29, 2020
O re phemise ho kena molekong,o mpe o re lopolle bobeng,
hobane Mmuso ke wa hao,
le matla, le tlotla,
kamehla le mehla. Amen.
Friday, August 28, 2020
Le se ke la ba botswa, le mpe le be mafolofolo, le sebeletse Morena ka moya o tjhesehang.Thursday, August 27, 2020
Ho lehlohonoloba metsamao e se nang kodi,
ba tsamayang ka Molao wa Morena.
Wednesday, August 26, 2020
Jwale ha le rapela le se ke la ya lolololo jwaloka bahedene, ba hopolang hore ba tla utluwa ka baka la mantswe a bona a mangata.Tuesday, August 25, 2020
Bokang Morena, hobane o molemo,mohau wa hae
ke wa kamehla yohle.
Monday, August 24, 2020
O hlokomela metsamaoya ba lokileng,
ke thebe ho ba hlokang kodi.
Sunday, August 23, 2020
Ho feta tsohle, bana beso, le se ke la hlapanya leha e le ka lehodimo kapa ka lefatshe, leha e le ka mokgwa ofe kapa ofe. Ha le re “e”, le re “e”; ha le re “tjhe”, le re “tjhe”; e le hore le se ke la welwa ke kahlolo.Saturday, August 22, 2020
O ka reka dirobele tse pedi ka sente, empa ha ho le se seng se ka welang fatshe Ntata lona a sa tsebe. Ha e le lona, esita le diqoba tsa moriri wa dihlooho tsa lona di badilwe kaofela. Kahoo le se ke la tshaba; lona le ba bohlokwa ho feta dirobele tse ngata.Friday, August 21, 2020
Empa wena Morena,o thebe e ntshireletsang,
o mpha seriti, o ntsosa molota.
Thursday, August 20, 2020
Ke mathela pakaneng ho hapa moputso wa pitso ya Modimo, e tswang hodimo, ka Kreste Jesu.Wednesday, August 19, 2020
Le latele Morena Modimo wa lona, le mo tshabe, le boloke melao ya hae, le mamele lentswe la hae, le mo sebeletse, le mo kgomarele.Tuesday, August 18, 2020
Ha e le nna,ke tshepile mohau wa hao;
pelo ya ka e ke e nyakalle
hobane o mpholositse.
Monday, August 17, 2020
Ho fihlela jwale ha le eso kope letho ka lebitso la ka; kopang, mme le tla fuwa, hore thabo ya lona e be e phethehileng.Sunday, August 16, 2020
Modimo ya re fang kgotso o tla etsa hore le ripitle Satane kapelepele.Mohau wa Morena wa rona Jesu o ke o be le lona.
Saturday, August 15, 2020
Mora ka, haeba o le bohlale,le nna ke tla thaba.
Friday, August 14, 2020
Mahlapa a se ke a tswa melomong ya lona, ho mpe ho tswe dipolelo tse molemo, tse ka thusang ho matlafatsa ba di utlwang, le ho ba tlisetsa lehlohonolo.Thursday, August 13, 2020
Jesu a re ho yena: “Ke nna tsela, le nnete, le bophelo; ha ho ya ka tlang ho Ntate haese ka nna.”Wednesday, August 12, 2020
Rolela morwalo wa hao ho Morena,mme o tla o jarisa;
a ke ke a tlohella ya lokileng
hore a sisinngwe le ka mohla.
Tuesday, August 11, 2020
A re ho bona: “Hlokomelang, le pheme meharo yohle, hobane bophelo ba motho ha bo tswe bongateng ba maruo ao a nang le wona.”Monday, August 10, 2020
Jesu a boela a bua le bona, a re: “Ke nna lesedi la lefatshe; ya ntatelang ha a ka ke a tsamaya lefifing, empa o tla ba le lesedi la bophelo.”Sunday, August 9, 2020
Iphumanele bohlale,iphumanele kutlwisiso,
se lebale polelo tsa ka,
o se di kgelohe.
Saturday, August 8, 2020
Se busetseng bobe ka bobe, kapa tlhapa ka tlhapa, empa le hlohonolofatse, hobane Modimo o le bitseditse ho ja lefa la mahlohonolo, hobane ho thwe.Friday, August 7, 2020
Leha fate sa feiyese ke ke sa fupa,
kapa fate sa morara sa se ke sa beha;
leha mohlwaare
o ke ke wa beha ditholwana,
kapa kotulo ya eba siyo masimong;
leha masaka a dikgutswane a ka oma,
kapa masaka a dikgomo
a mela mohlwa,
nna ke tla nne ke ithabelle Morena,
ke nyakallele Modimo,
Mopholosi wa ka.
Thursday, August 6, 2020
Ke ile ka batla Morena,mme a nkaraba,
a ntopolla matswalong wohle a ka.
Wednesday, August 5, 2020
Le be baphethi ba lentswe leo, e seng bautlwi feela, ba ithetsang ka bobona.Tuesday, August 4, 2020
Seo re tsebang ka sona hore re phela ka ho yena, le yena o phela ka ho rona, ke sena: o re neile Moya wa hae.Monday, August 3, 2020
Ke tla o ruta, ke o bontshe tsela;ke tla o eletsa, ke o bee leihlo.
Sunday, August 2, 2020
Lefatshe, mmoho le ditakatso tsa lona, le a fela, empa ya etsang thato ya Ntate o tla phela kamehla yohle.Saturday, August 1, 2020
Mokgwa wa ho itima dijooo ke o kgethileng ke ona:
Ke hore o lokolle
mahlaahlela a bokgopo,
o imolle ba imetsweng
ke mejaro ya bona,
ba hateletsweng o ba lokolle,
mesebetsi yohle ya botlatlapi
o e fedise.
Dihlogotaba tša go tswalana
Lerato
Lerato le na le...
Kholofelo
‘Ke tseba merero eo...
Tumelo
Ka baka leo, ke...
Lapa
Mantswe ana ao ke...
Go direla/hlankela
Oho, Morena, ke wena...
Thapelo
Thabang kamehla, se phetseng...