ILizwi likaThixo (2/3)

Ndikhoyo, undinike ikhaka lokuhlanganisa, wandixhasa ngesandla sakho esinamandla; undibonelele ndatsho ndazimaseka. Undimise… INdumiso 18:35-36

XHO96

Ndikhoyo, undinike ikhaka lokuhlanganisa,
wandixhasa ngesandla sakho esinamandla;
undibonelele ndatsho ndazimaseka.
Undimise endaweni ephangaleleyo;
azinakutyibilika kuyo iinyawo zam.
INdumiso 18:35-36 usindiso ukukhuselwa
Xa nihleli nimanyene nam, nisoloko nisenza ngokwamazwi am, nocela nantoni na ke eniyifunayo, niyifumane.
UYOHANE 15:7 ibuyiselo UYesu
Ewe, uNyana lo uphuhlisa ubungangalala bukaThixo, ibe ke yena noThixo bangumceph' ucandiwe. Ihlabathi lixhaswe nguye ngamandla elizwi lakhe. Uthe ke akuba elwenzile uxolelo lwezono wahlala ewongeni kwaThixo kweliphezulu.
KUMAHEBHERE 1:3 isono ukusulungekiswa
Yonke into ayithethayo uThixo ithembekile;
ulikhaka kwabazimela ngaye.
IZAFOBE 30:5 inyaniso ukukhuselwa
Ke wena, mfo wam, wagqale amazwi am,
uyibazele iindlebe into endikuxelela yona.
Amazwi am makangacimi emehlweni akho,
koko wamilisele phakathi entliziyweni yakho.
IZAFOBE 4:20-21 ukuphulaphula intliziyo ukuthobela
Maluhlale ngokupheleleyo ezintliziyweni zenu udaba lukaKrestu. Fundisanani, niyalane ngobulali. Culani iindumiso, nihlabele amaculo, nivuma iingoma zoMoya, nibulela uThixo ngentliziyo.
KWABASEKOLOSE 3:16 ukufunda unqulo umbulelo
Hayi bo, zigqibelele izinto azenzayo lo Thixo!
Hayi ukuthembeka kwelizwi lakhe!
Uyabakhusela bonke abo bathembela ngaye.
2 KASAMWELI 22:31 ngokungenatyala ukukhuselwa
Ndihamba ngokomlomo wakho,
khon' ukuze ndingoni.
INdumiso 119:11 intliziyo isono
IziBhalo kaloku zithi: “Lowo ukholwayo kuye akayi kudaniswa.”
KWABASEROMA 10:11 ukholo ukuthembeka
Oyena ndoqo wodaba lwakho yinyaniso;
xa zizonke izigqibo zakho soze zithini.
INdumiso 119:160 ukuthembeka umthetho
Kaloku nizelwe ngelizwi likaThixo ophilayo, ongunaphakade, naba ngabantwana balowo ungasoze afe.
1 KAPETROS 1:23 ukuzalwa ngokutsha
Ndithembele ngokupheleleyo kuNdikhoyo;
ewe, ndikholosa ngelizwi lakhe.
INdumiso 130:5 ithemba umphefumlo
Wathetha ngelizwi, baza baphila;
ewe, wabahlangula ekufeni.
INdumiso 107:20 ukuphilisa
Ugqibelele won' umyalelo kaNdikhoyo:
uhlaziya amandla.
Uthembekile wona,
kub' unik' isiyatha
ubulumko.
INdumiso 19:7 umthetho umphefumlo ubulumko
Yithi ke kubo: ‘Itsho iNgangalala enguNdikhoyo ukuthi: Akukho lizwi lam liza kulityaziswa; konke endikuthethileyo kuza kwenzeka! Nditshilo nje mna Nkosi Ndikhoyo nditshilo.’
UHEZEKILE 12:28 ukuthembeka ukuthobela
Eyahlwayelwa endaweni enokhula izekelisa lowo uzivayo iindaba ezi, aze ke amaxhala eli phakade, nokulukuhla kobutyebi, kuziminxe iindaba, kungabikho siqhamo.
UMATEWU 13:22 ukukhathazeka imali isilingo
Thabatha, nabu ubulumko, nantsi ingqiqo!
Ungaze wahlukane okanye ushenxe kumazwi omlomo wam!
IZAFOBE 4:5 ubulumko ukuqonda ukuthobela
Uthembekile lo unibizayo; uya kuyenza yonke le nto.
1 KWABASETESALONIKA 5:24 ubizo uthembekile izithembiso
Phulaphula, nyana wam, uwathathele ingqalelo amazwi am,
uze udle ubomi iminyaka emininzi.
IZAFOBE 4:10 ukuthobela umthetho ubomi
Nina ke senihlambulukile yimfundiso endinifundise yona.
UYOHANE 15:3 ukusulungekiswa ukuthetha ububi
Izinto zonke zadalwa ngaye; ngaphandle kwakhe akubangakho nto idaliweyo.
UYOHANE 1:3 indalo ubomi
Inene, lingaphela izulu nehlabathi, kodwa akuyi kupheliswa nalinye iganyana nokuba lisuntswana emthethweni, kungathanga kwenzeka konke.
UMATEWU 5:18 ukuthembeka umthetho izulu
Waza uYesu wawaphendula wathi: “Le mfundiso ndiyifundisayo asiyoyam, koko ivela kulowo undithumileyo.”
UYOHANE 7:16 UYesu ukufunda
Athembekile la mazwi athi:
“Ukuba sife simanyene naye, sodla ubomi kwakunye naye.”
2 KUTIMOTI 2:11 ukufa ubomi obungunaphakade ukuthembeka
Andiyishiyanga imiyalelo yemilebe yomlomo wakhe;
andenzanga ngokufuna kwam, koko ndiwathobele amazwi akhe.
UYOBI 23:12 umthetho ukuthetha ukuthobela