Iivesi zeBhayibhile malunga nenkululeko

«»

• UKrestu wasikhulula ukuze sibe ngabantu abakhululekileyo mpela! Ngoko ke yimani ngxishi ningahexi, ningavumi ukuphindela kwidyokhwe yobukhoboka.
  KUMAGALATI 5:1UYesuubomiumhlawuleli
• INkosi le ke nguMoya. Apho ke ukhona uMoya weNkosi kubakho inkululeko.
  2 KWABASEKORINTE 3:17UmoyauMoya oyiNgcwele
• Ukuba ke uNyana uthe wanenza nakhululeka, noba ngabakhululekileyo mpela.
  UYOHANE 8:36UYesuumhlawuleliukuba likhoboka
• Nina, mawethu, nibizelwe enkululekweni. Kodwa ke inkululeko yenu mayingabi lokroba lokuba nilawulwe sisimo esidala. Ndaweni yaloo nto khonzanani niqhutywa luthando.
  KUMAGALATI 5:13ukuthobekaiminqwenoukukhonza
• Ubani unokuthi: “Zonke izinto zivumelekile kum.” Ewe, kunjalo, kodwa azikulungelanga zonke. Nam bendinokuthi: “Zonke izinto zivumelekile kum;” kodwa ngekhe ndinikezele ukuze ndilawulwe nayiyiphi na into.
  1 KWABASEKORINTE 6:12ukuba likhobokaiminqwenoubomi
• Mna ndiya kuxhamla inkululeko,
  kuba ndihamba ngemimiselo yakho.
  INdumiso 119:45umthethoukufuna
• Ke mna ndonganyelwe nguMoya woMhlekazi uNdikhoyo,
  kuba kaloku uNdikhoyo undithambisile.
  Undithume ukubhengeza iindaba ezimnandi kumahlwempu,
  ndibophe abantliziyo zingamahlwili,
  ndibhengeze ukukhululeka kwabathinjwa,
  ndazise inkululeko kumabanjwa.
  UISAYA 61:1Umoyaithembaumhlawuleli
• Zininzi iingxaki ezivelela ilungisa,
  kodwa uyalikhulula kuzo zonke uNdikhoyo.
  INdumiso 34:19ubulungisaukubandezelekaumhlawuleli
• Ziphatheni njengabantu abakhululekileyo. Kambe ke inkululeko leyo mayingabi lokhusi lokungcola; koko ziphatheni njengezicaka zikaThixo.
  1 KAPETROS 2:16ubomiububiukukhonza
• Ke ngoko uYesu wathi kumaJuda abeke ithemba kuye: “Ukuba nithe nazingisa ukuhlala nisenza oko ndinifundisileyo, niya kuba ngabafundi bam benene. Niya kuyiqonda ke inyaniso; yaye inyaniso iya kunenza nikhululeke.”
  UYOHANE 8:31-32inyanisoILizwi likaThixoukulandela
• Ngoko ke àbagwetywa abo bamanywe noKrestu Yesu. Kaloku ngokumanywa kwam noKrestu Yesu, uMoya umniki-bomi undikhulule ekulawulweni sisono nakukufa.
  KWABASEROMA 8:1-2umthethoumgweboumhlawuleli
• Ngoku ke, nikhululwe nje esonweni, naba ngabakaThixo, ninaso isiqhamo esibubungcwele. Le nto ke ikhokelela ebomini obungunaphakade.
  KWABASEROMA 6:22umhlawuleliisonoubungcwele
• UMoya weNkosi undongamele,
  ngoko ke indithambisile;
  indalathele ukushumayela iindaba ezimnandi kwabasweleyo.
  Yandithuma ukuvakalisa inkululeko kubathinjwa,
  nokubuyisela ukubona kwabaziimfama,
  ndibandululè bekhululekile abacinezelweyo.
  ULUKA 4:18Umoyaukuvangelaukuphilisa
• Kodwa loo mntu uthi awucoselele ukuwugcina umthetho osinika inkululeko, lowo uthe rhoqo ukuhamba ngawo engaphulaphuli nje aze alibale, lowo wosikelelwa nguThixo ngokwenjenjalo.
  EKAYAKOBI 1:25umthethointsikeleloukuphulaphula
• Abangenabani ubenzela izihlobo.
  Amabanjwa uwakhokelela enyhwebeni;
  ke bona abavukeli bohlala kwelingumqwebedu.
  INdumiso 68:6ukuthobelaubuhloboisohlwayo
• Síthini na ke ngoko? Sóne na, kuba singekho phantsi kwawo umthetho, siphantsi kobabalo? Nakanye!
  KWABASEROMA 6:15isonoubabaloumthetho
• Yazini niqiniseke xa ninonke, mawethu, ukuba kungoYesu ukushunyayelwa kodaba lokuxolelwa kwezono. Ngokunjalo qondani ukuba wonke umntu ozinikelayo kuye uyakhululwa kuzo zonke izono, obungenako ukumkhulula kuzo umthetho kaMosis.
  UMSEBENZI WABATHUNYWA 13:38-39umthethoUYesuuxolelo
• Khawuncede usisindise, Thixo wethu,
  ngenxa yesidima segama lakho.
  Sihlangule usixolele amatyala ethu ngenxa yegama lakho.
  INdumiso 79:9usindisounquloisono
• Nina bamthandayo uNdikhoyo, buthiyeni ububi;
  kaloku yena uyabagcina abantu bakhe,
  abahlangule esandleni sabantw' abakhohlakeleyo.
  INdumiso 97:10ukuthembekaumhlawuleliububi