Ubulungisa (5/5)

Makathi ntshoo phambili amehlo akho, neenkophe zamehlo akho zithi ngqo. IZAFOBE 4:25

XHO96

Makathi ntshoo phambili amehlo akho,
neenkophe zamehlo akho zithi ngqo.
IZAFOBE 4:25 ukunyaniseka ukuthembeka
Amandla akhe amtsho angafikeleleki;
usulungekile, ebalasele ngobulungisa;
akukho bani amcinezelayo.
UYOBI 37:23 uThixo amandla
Ngoko ke mna Nebhukadenezare ndiyambonga ndimdumisa ndimzukisa uKumkani osezulwini. Kaloku konke akwenzayo kulungile, nezenzo zakhe zifanelekile. Ke bona abanekratshi yena uyabathoba.
UDANIYELI 4:37 ukuthobeka unqulo ikratshi
Ukuba nifuna ukwamkeleka kuThixo ngokuthobela umthetho, nizahlukanisile noKrestu; ningaphandle kwesisa sikaThixo.
KUMAGALATI 5:4 ubabalo umthetho UYesu
“Sivumelekile ukwenza nayiphi na into,” kukho abatshoyo. Ewe kunjalo kambe, kodwa azilunganga zonke izinto. Ewe: “Sivumelekile ukwenza nayiphi na into,” kodwa izinto azakhi zonke.
1 KWABASEKORINTE 10:23 umthetho ukulunga ukutya
Wasisindisa. Kwakungengakuba senze misebenzi mihle, kodwa kwakungenxa yenceba yakhe. Wasihlamba ngoMoya oyiNgcwele, wasizala ngokutsha, saza safumana ubomi obutsha.
KUTITO 3:5 usindiso uMoya oyiNgcwele ukuzalwa ngokutsha
Izikrelemnqa ziboleka zingabuyisi,
ke lona ilungisa lipha ngesisa.
INdumiso 37:21 ityala imali ukupha
NguThixo kuphela umniki-mthetho nomgwebi. Nguye kuphela onelungelo lokusindisa okanye atshabalalise. Kuxa ungubani ke wena ude ugwebe ummelwana wakho nje?
EKAYAKOBI 4:12 umthetho umgwebo usindiso
UNdikhoyo ngumvuli wamehlo eemfama,
umphakamisi wâbo bawileyo.
UNdikhoyo ngumathand' amalungisa.
INdumiso 146:8 ukugula ukuphilisa usizi
Musa ukujika-jika uye ngasekunene nangasekhohlo;
unyawo lwakho malubucezele ububi.
IZAFOBE 4:27 ububi ukulandela ukuzibamba
Vuya ngenene, ntombindini inguZiyon!
Danduluka, wena ntombi inguJerusalem!
Khangela, ukumkani wakho uza kuwe enobulungisa, engumoyisi,
ethobekile, ekhwele idonki,
nditsho ithole, inkonyane yedonki.
UZAKARIYA 9:9 isiprofeto ipasika ukuthobeka
Umntu okhohlakeleyo makahlukane nobubi,
netshijolo maliyeke ukuyila ubutshijolo.
Maliguquke, lize kuNdikhoyo;
yena wosuka abe novelwano lilo.
Malize kuThixo wethu,
kuba yena uxolela kangangoko.
UISAYA 55:7 uguqulo uxolelo ubomi
Ngoko ke mhloneleni uNdikhoyo. Ze nigwebe ngenyameko, kuba yena uNdikhoyo uThixo wethu akayenzi into engekho mthethweni; akanagobe, yaye ke akanyobeki.
2 YEZIGANEKO 19:7 ukumoyika uthixo ukunyaniseka
Uya kuthi ke akufika ababonise abantu beli hlabathi into esiyiyo isono sabo, into obuyiyo ubulungisa babo, nento okuyiyo ukugwetywa.
UYOHANE 16:8 uMoya oyiNgcwele umlamli isono
Mfuneni uNdikhoyo, bemi abathobekileyo behlabathi,
nina benza umyalelo wakhe.
Zingelan' ubulungisa nentobeko,
mhlawumbi nokhuseleka ngemini yomsindo kaNdikhoyo.
UZEFANIYA 2:3 ukufuna ukukhuselwa ukuthobeka
Ziphephe iinkanuko zobutsha; phuthuma ukulungisa, ukholo, uthando, noxolo, umanyene nabo bonke abayinqula ngokunyaniseka iNkosi.
2 KUTIMOTI 2:22 iminqweno isilingo ububi
Ngoko ke hlalani niqulile. Bhinqani ngenyaniso; ninxibe ubulungisa ukukhusela isifuba. Ezinyaweni nxibani inkuthalo yokuhlala nichophele ukuvakalisa iindaba ezimnandi zoxolo. Ngamaxesha onke ukukholwa makube likhaka lenu; ngokholo noba nako ukuzicima zonke iintolo ezivuthayo zikaSathana.
KWABASE-EFESE 6:14-16 inyaniso ukuvangela uxolo
Emhlabeni akukho mntu ulilungisa
owenza okuhle kuphela angoni.
AMAVA ENGQONDI 7:20 isono umhlaba