Iivesi zeBhayibhile malunga nokulunga

«»

• Ndaweni yaloo nto yenzelanani ububele ninobulali, nixolelane, kwanjengokuba naye uThixo wanixolelayo ngoKrestu.
  KWABASE-EFESE 4:32uxolelouvelwanouxolelwaniso
• Ngoko ke masisebenzele ukulungelwa komntu wonke, ngalo lonke ixesha esinethuba ngalo, ngokukodwa usapho lwamakholwa.
  KUMAGALATI 6:10ubulaliummelwaneukholo
• Ewe, uNdikhoyo ulungile:
  ungumqolomba ngamaxesha eenkathazo;
  ubakhathalele abo bathembele kuye.
  UNAHUM 1:7ukukhuselwaukhuselekothembela
• Musa ukoyiswa bububi; boyise ububi ngokulungisa.
  KWABASEROMA 12:21ububiukoyisaizithixo
• UNdikhoyo ulilungisa ngeendlela zonke,
  unobubele kuko konke akwenzayo.
  INdumiso 145:17ukuthembekaubulungisauthembekile
• Ngenene ndobuxhamla kambe ububele bukaNdikhoyo
  lo gama ndisadla amazimba.
  INdumiso 27:13thembela
• Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.
  KUMAGALATI 5:22-23umthethoUmoyaintsikelelo
• Uthando malungabi naluhanahaniso. Yithiyeni inkohlakalo; bambelelani kokulungileyo.
  KWABASEROMA 12:9uthandoububi
• “Sivumelekile ukwenza nayiphi na into,” kukho abatshoyo. Ewe kunjalo kambe, kodwa azilunganga zonke izinto. Ewe: “Sivumelekile ukwenza nayiphi na into,” kodwa izinto azakhi zonke.
  1 KWABASEKORINTE 10:23umthethoubulungisaukutya
• Kaloku unako uThixo ukunipha nangaphezu kweemfuneko zenu, ukuze nisoloko nanele kwiimeko zonke, nibe nako ukuhlangabezana nayo yonke imisebenzi emihle.
  2 KWABASEKORINTE 9:8intsikeleloukukhathazekaumsebenzi
• Ngenxa yaloo nto ke kufuneka nenze unako-nako ukongezelela ukholo ngesidima, nesidima ngengqiqo, ingqiqo ngokuzeyisa, nokuzeyisa ngonyamezelo, unyamezelo ngembeko, nembeko ngokuhlobana, nokuhlobana ngokuthanda abantu bonke.
  2 KAPETROS 1:5-7ukholoukuzibambaubudlelwane
• Kananjalo isibane asilunyekwa siqutyudelwe ngethunga; koko sixhonywa endaweni yaso, sikhanyisele bonke abasendlwini. Makukhanye ngokukwanjalo ukukhanya kwenu phambi kwabantu, ukuze bayibone imisebenzi yenu elungileyo, bamdumise uYihlo osezulwini.
  UMATEWU 5:15-16ukuvangelaunquloukukhanya
• Thembela kuNdikhoyo wena, wenze okulungileyo;
  uya kuba sisima-mhlaba, ube nekamva.
  INdumiso 37:3thembelaukhuseleko
• Umntu uzilahlela kuloo nto ayinqwenelayo;
  phofu akunani kwaukuba lihlwempu kunokuba lixoki.
  IZAFOBE 19:22ukuthembekaimaliubuhlwempu
• Ngoko ke yibani nenceba, njengokuba naye uYihlo enenceba.
  ULUKA 6:36ummelwaneUTata
• Ngubani onganenzakalisayo xa nisenza okulungileyo?
  1 KAPETROS 3:13ububiumsebenzi
• Makahlukane nobubi, enze okulungileyo;
  makaphuthume uxolo, ahlale kulo.
  INdumiso 34:14ububiuxoloizithixo
• Khumbula, Ndikhoyo, inceba yakho,
  nothando lwakho obukade unalo kwakudala.
  Ungazikhumbuli izono zobutsha bam,
  nokungathobeli kwam umthetho wakho;
  kanye ndazelelele ngothando olungagungqiyo,
  ngenxa yobubele bakho, Ndikhoyo.
  INdumiso 25:6-7isonoinceba
• Intetho ekrwada mayingaphumi emilonyeni yenu. Ukuthetha kwenu makuthambe, kube kokwakhayo, ukuze kube luncedo nentsikelelo kwabaphulaphuleyo.
  KWABASE-EFESE 4:29ukuthethaukuhleba
• Utsho uNdikhoyo ukuthi:
  “Yimani eziphambukeni nikhangele,
  nibuzise ngomendo wamandulo,
  niqonde ukuba yiyiphi na indlela eyiyona-yona,
  nihambe ngayo ke,
  ukuze nifumane inzolo emphefumlweni.
  Ke nina nathi: ‘Asiyi kuhamba ngayo!’”
  UJEREMIYA 6:16phumlaumphefumlo
• Musani ukuphazama: “Incoko embi iyasonakalisa isimilo esihle.”
  1 KWABASEKORINTE 15:33ububiubuhlobo
• Ukuba uyandiphulaphula uya kuba nako ukubuqonda ubulungisa,
  ukwazi okufanelekileyo nokulungileyo.
  Ewe, uya kutsho uyazi yonke indlela ethe ngqo.
  IZAFOBE 2:9ubulungisaukunyaniseka
• Kaloku apho kukhoyo ukukhanya, kulapho kuntshula khona konke ukulunga, nabo bonke ubulungisa, nenyaniso.
  KWABASE-EFESE 5:9ukukhanyaubulungisainyaniso
• Nguye owazenza idini ngenxa yethu, wasikhupha ekudeleni umthetho. Wasenza abantu bakhe abanyulu, abalangazelela ukwenza okulungileyo.
  KUTITO 2:14umbingeleloukusulungekiswaisono
• Abafazi bona mabandileke, banxibe ngesidima, bathozame; iinwele bangazihombisi ngokugqithisileyo. Mabangayokozeli ngamaso egolide, nawamatye exabiso, bawunduzelise ngeelokhwe zeendleko. Ndaweni yaloo nto mababe nemisebenzi emihle efanele amakhosikazi abanga igama lobuKrestu.
  1 KUTIMOTI 2:9-10ubuhleunquloukuthanda izinto eziphathekayo