UYesu (2/8)

Uxolo eniluphiwa nguKrestu malube lulo olugweba iintliziyo zenu, kuba uThixo wanibizela kolu… KWABASEKOLOSE 3:15

XHO96

Uxolo eniluphiwa nguKrestu malube lulo olugweba iintliziyo zenu, kuba uThixo wanibizela kolu xolo ukuze nibe ngamalungu omzimba omnye. Phuphumani ke ngumbulelo.
KWABASEKOLOSE 3:15 uxolo umbulelo umzimba
Inene, lowo umamkelayo endimthumileyo, wamkela mna; ke owamkela mna, wamkela lowo undithumileyo.
UYOHANE 13:20 ubulali uluntu
Nakuba ubume bakhe babunguThixo ngenkqu,
ukulingana noThixo akakubawelanga
kangangokude afune ukusunduzana naye.
Ndaweni yaloo nto waziqongqotha ubuyena,
wathatha isimo sesicaka,
waba ngumntu ncakasana.
Engumntu ebantwini,
wazambesa intobeko,
ntobeko leyo yamsa ekufeni –
ukufa kwasemnqamlezweni.
KWABASEFILIPI 2:6-8 UMsindisi ukuthobela ukubethelwa emnqamlezweni
Kaloku yena uNyana woLuntu wezela ukufuna kwanokusindisa abantu abalahlekileyo.
ULUKA 19:10 usindiso ukufuna
Kaloku, kwanjengokuba sinamalungu amaninzi mzimbeni mnye, abe ke onke amalungu la engenamsebenzi mnye, ngokunjalo thina aba, sibaninzi nje, simzimba mnye ngokumanywa noKrestu. Sonke ke ngabanye singamalungu omnye elomnye.
KWABASEROMA 12:4-5 umzimba uluntu ukuxhomekeka
Makabaluleke yena, ndinciphe mna.
UYOHANE 3:30 ukuthobeka
Akuba umntu emanywe noKrestu uba yindalo entsha – isimo esidala yinto yezolo, sekuqaleke isimo esitsha.
2 KWABASEKORINTE 5:17 indalo ukuzalwa ngokutsha
Kuba kaloku uThixo akamthumanga uNyana wakhe ehlabathini ukuze aligwebe, koko wamthuma ukuze abe nguMsindisi walo.
UYOHANE 3:17 usindiso umgwebo umhlaba
Ndaweni yaloo nto inyaniso masiyithethe siqhutywa luthando, khon' ukuze siye simfuza uYesu ngokupheleleyo. Kaloku nguye intloko.
KWABASE-EFESE 4:15 uthando inyaniso icawa
Ndim isango; othe wangena ngam wosindiswa. Wongena ephuma, atye anele.
UYOHANE 10:9 usindiso
Ukuba niyandithanda noyigcina imiyalelo yam.
UYOHANE 14:15 umthetho uthando
Andithi na kaloku thina sizalelwe umntwana;
kaloku thina silizwe ngonyana.
Nguye ke oya kulawula.
Ke yena wothiywa igama kuthiwe
nguMcebisi omangalisayo,
uThixo oligorha,
uSonini-nanini,
iTshawe loxolo.
UISAYA 9:6 uMesiya UTata krisimesi
Wathi kubo: “Ke nina nithi ndingubani?”
Waphendula uSimon Petros wathi: “Wena unguye uKrestu, uNyana kaThixo ophilayo.”
UMATEWU 16:15-16 uMesiya
Yazini niqiniseke xa ninonke, mawethu, ukuba kungoYesu ukushunyayelwa kodaba lokuxolelwa kwezono. Ngokunjalo qondani ukuba wonke umntu ozinikelayo kuye uyakhululwa kuzo zonke izono, obungenako ukumkhulula kuzo umthetho kaMosis.
UMSEBENZI WABATHUNYWA 13:38-39 umthetho uxolelo inkululeko
Kodwa ke uThixo onceba inkulu, ngenxa yendlela asithanda ngayo, usidlise ubomi kunye noKrestu, naxa besinjengabafileyo nje ngenxa yezono zethu. Kambe ke nakhululwa ngenxa yesisa sikaThixo.
KWABASE-EFESE 2:4-5 inceba uthando ubabalo
Waphendula uYesu, wathi kubo: “Umsebenzi uThixo afuna niwenze ngulo wokuba nizinikele nikholwe kulowo uThixo amthumileyo.”
UYOHANE 6:29 ukholo uThixo
Umntu omfumeneyo uNyana, ubufumene ubomi; kanti ke yena ongekamfumani uNyana kaThixo, akanabo ubomi.
1 KAYOHANE 5:12 usindiso ubomi
Nabu ke obona bomi: kukwazana nawe, wena Thixo unguye, ingabi wumbi; bazane naye lowo uthunywe nguwe, uYesu Krestu.
UYOHANE 17:3 ubomi obungunaphakade uThixo
Wathi ke kubo: “Hambani niye kulo lonke ihlabathi, nizivakalise iindaba ezimnandi kulo lonke elimiweyo.”
UMARKO 16:15 ukuthobela ukuvangela umhlaba
Wathi kuye uYesu: “Uyakholwa ngoku, kuba undibonile? Hayi uyolo lwâbo bakholwa bengandibonanga!”
UYOHANE 20:29 ukholo intsikelelo
Kuba kaloku ubume bobomi bukaThixo bukho ngokupheleleyo kuKrestu ongumntu; yaye ke nimanywe naye nje, niphiwe ubomi obupheleleyo. Kaloku yena yintloko: liphantsi kwakhe lonke igunya namandla.
KWABASEKOLOSE 2:9-10 amandla izixhobo
ULizwi ke waba ngumntu, waza wahlala phakathi kwethu. Sabubukela ubungangamsha bakhe awabunikwa nguYise, njengoko ekukuphela koNyana wakhe; ubungangamsha ke obuphuphuma ububele nenyaniso.
UYOHANE 1:14 inyaniso ILizwi likaThixo
Kungoko ke athe uThixo wamphakamisa kakhulu,
wamthi jize ngelona gama lingaphezu kwawo onke amanye amagama,
ukuze bonke abaphilayo,
ezulwini, emhlabeni, naphantsi komhlaba,
bagobe amadolo benika imbeko kwigama likaYesu.
KWABASEFILIPI 2:9-10 unqulo izulu umhlaba
Kambe ke, ukudla ubomi, kum kukuthobela uKrestu. Ukufa ke kona kuzisa lukhulu.
KWABASEFILIPI 1:21 ukufa ubomi
Ukuba ihlabathi lithe lanithiya, ze nikhumbule okokuba lathiya mna kuqala.
UYOHANE 15:18 intshutshiso umhlaba